Jeremia 22:3 - KITABU KITAKATIFU

³ Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Jeremia 22:3 ပူးပေါင်းရင်းမြစ်များ

2 Samweli 23:3

Nyasaye wa Israeli ya vola, Lwanda lwa Israeli ya volera inze: Uyu wamehanga ku avandu nobulungi, Uyu yamehanga mu litibwa lya Nyasaye,

2 Avami 24:4

kandi kigira masahi ga ta li nekindu ga ya tahidza; kigira yizulitsa Yeru salemi namasahi ga ta li nekindu: na Yahova si ya bugirira kusameha mba.

Ayubu 22:9

Ive u kungi avakunzakali makono mayaka, Na makono gavabisandu ga vunanyeywi.

Ayubu 24:9

Va veye ho yavo ava twulidzanga avabisandu ku tsimbeere netsingulu, Nokuvugula kihambavayi kyavadaka;

Zaburi 68:5

A veye dada wa avabisandu, na mukalagi wavakunzakali, Ni Nyasaye mu ubumenyi bwibwe butakatifu.

Zaburi 82:4

Mu honnye mudaka na uyu u ta li nekindu: Mu va honnye kutwula mmukono gwomudamano.

Zaburi 94:21

Vevungidza halala kuvukira mwoyo gwomulungi Nokuvika mahyolo ku wamasahi ga ta li nekindu.

Zaburi 94:6

Viita mukunzakali na mugeni, Nokwiita avabisandu.

Kutwula 22:21

U ta tindira mugeni, kandi u ta mu kolera kirage: kigira mwinye mwa li avageni mu kivala kya Egepeti.

Kutwula 22:22

U ta kupidza kivi mukunzakali wekikali, kinga mwana mbisandu.

Tsing'ano 23:10

U ta twulidza kiloleru kyolwako lwa kale; Kandi u tiingira mu milimi gya avabisandu:

Tsing'ano 6:17

Navyo vi veye, tsimoni tsyokwigingira, na lulimi lwobugadi; Na makono ga tahidzanga masahi ga ta li nekindu;

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 58:6

Yili si li veye lihonga lya inze ntovola: kuboholola vibohero vyobudamano, kudendeyidza vibohero vyenira, kuleka yavo avadambidzangwa, va ve avaboholole, kandi mu vunannye tsinira tsyosi?

Isaya 58:7

Si ga veye kugavulira vyokulia vivyo ku yavo ava veye nenzala, nokuleta mu inyumba yoyo avadaka ava kungwa kyova? Lwa u lola mundu u veye kyahonyo, u mu vike ingubo; kandi u tevisa ive mwene ku yava ava veye avovo?

Jeremia 19:4

Kigira va leka inze, nokukola hano ha vule kumanyakana, va vuyidza vimuli hano ku vanyasaye vandi, ava va ta manya, avene kinga vaguga vavo, kinga avami va Yuda, va mali kwizulitsa hano amasahi aga yava ava ta li nekindu kuvo,

Jeremia 21:12

O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.

Jeremia 22:17

Navutswa tsimoni tsitsyo nomwoyo gugwo si u veye nekya wenyanga ni li ta li likayirwa lilyo lyeng'ine, nokutahidza masahi ga ta li nekindu kugo, nokudambidza, noku kirage, kukola vindu yivi.

Jeremia 26:16

Hene yaho avanene navandu vosi va volera avasalisi navaprofeti: na va vola, Mundu uyu si a dukani neliitwa mba; kigira a voleye kwinye mu lieta lya Yahova Nyasaye wetu.

Jeremia 5:28

Va komeye ligali, va ng'ereng'ana; yee, va viti kigero ku vikolwa vyavo vidamano; si va veranga likuva, likuva lyombisandu, va duke kugasidzwa; nobulungi bwomudambi si va kalaganga mba.

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Jeremia 9:24

navutswa uyu wiyidzominya yiyidzominye mu yaga, ga nzidzulitsanga, nokumanya inze, mbeye Yahova u tumekiranga tsimbabasi, nelikalaga, nobulungi mu lirova: kigira inze nyanzidzangwa mu vindu yivi, Yahova a vola.

Lisyoma lya Jeremia 3:36

Kuhinula mundu mu livola lilye, yaga Yahova si a bugirira mba.

Ezekieli 18:12

noku dambidza avadaka navadambi, nokunuula avandu nekirage, wa vula kwirannya kihambiriru, wa ginga tsimoni tsitsye kuhenza vifwananyi, wa tumekira kivihiri,

Ezekieli 18:7

kandi ya vula kudambidza mundu kali mulala, navutswa yiranyira weligovi lilye kihambiriru kikye kandi ya vula kunuula umundu kali mulala nekirage, ya ha avenzala vyokulia vivye, nokuvika ava li kyahonyo tsingubo;

Ezekieli 22:7

Mu ive wa leganga dada na mama; hagati hoho va koleranga avageni lidambidzwa; mu ive va dambidza avabisa ndu navakunzakali.

Ezekieli 45:9

Mwami Yahova a vola ndi: Ga mu dukira, mwinye avanene va Israeli: mu twulidze kirage nobunuuli, na mu kole likalaga nobulungi; mu twulidze linyaga lyenyu vindu vyavandu vange, Mwami Yahova a vola.

Joeli 3:19

Egepeti ki la va ing'anye, Edom ki la va kyangalangwi kyere, kigira kirage kya va kolera avana va Buyuda, kigira va tahidza amasahi ga ta li nekindu mu kivala kyavo.

Kyavalevi 19:15

Mu ta kola aga ta li malungi mu likalaga: kandi u teridza liva lyomudaka, kinga kwidzominya liva lyowetsingulu; navutswa u la kalagira wakyo nobulungi.

Amosi 5:15

Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

Amosi 5:24

Navutswa likalaga li sunduke kuli amadzi, nobulungi kuli mugera munene.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Matayo 23:23

O Bayaye bu veye ku mwinye, avang'odi na Vafarisayo, avagadi kigira mu tunga izaka ya inaana, nebizari, nekumini, navutswa mu leki amakuva manene gelilaga, bulungi, netsimbabasi, nelisuuvira: navutswa yivi nu bulahi kuvikola, vindu vindi vyembiri muvule kuvileka.

Kwidzulitsa 10:18

A dukidziranga mbisandu nomukunzakali likalaga, nokuyanza mugeni, nokumuha, vyokulia netsingubo.

Kwidzulitsa 24:17

U ta kyaminya likalagirwa lyomugeni, kinga mbisandu, kandi u ta vugula ingubo yomukunzakali kuva kihambiriru;

Kwidzulitsa 24:7

Mundu na a va na a nyolererwa ni yivanga mulala ku vamwavo veve mu avana va Israeli, kumukola kuli mutugwa, kinga kumugulidza; mwivi uyu a kudze: na ndiyo u la twulidza ubudamano hagati hoho.

Kwidzulitsa 25:1

Ni li veye ho lihangalidzana hagati ha vandu, ni vadza mu likalagirwa, avakalagi va va kalagira; hene yaho va he mulungi ubulungi, na va kalagire wamahyolo.

Kwidzulitsa 27:19

A laamwe u kyaminyanga likalagirwa lyomugeni, nombisandu, nomukunzakali. Navandu vosi va vole Amini.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.