Jeremia 22:23 - KITABU KITAKATIFU

²³ O ive u menyanga Lebanon, wombakanga kyaalira kikyo mu mitaragwa, kuli ga li ku dukira ku vereerwa lwa lilumwa li duka ku ive lilumwa kuli lyomukali wivulangai.

Jeremia 22:23 ပူးပေါင်းရင်းမြစ်များ

Jeremia 21:13

Henza, mbeye ku ive, o u menyanga mwivona, noweligina lyomu kereremu, Yahova a vola; mwinye ava volanga, Ni bwaha a lika ku kwinye? Kinga ni bwaha u lingira mu bumenyo bwetu?

Jeremia 22:6

Kigira Yahova a vola amakuva yaga ku makuva genyumba yomwami wa Yuda: Ive ku inze u veye Gileadi, kandi u veye mutwe gwa Lebanon; ligali nda kola ive kuva kyangalangwi, amadala gavandu va ta menya mu.

Jeremia 3:21

Mwoyo gu hulirangwa ku hadiguluku, gu veye lilira nelisaala lya avana va Israeli; kigira va kyaminyi inzira yavo, na viviriye Yahova Nyasaye wavo.

Jeremia 48:28

O mwinye ava menya ha Moabu, mu twule mu madala, mu menye mu magina; mu ve kuli likulu li lombanga kyaalira kyalyo mmbalu mwomunwa gwobogo.

Jeremia 49:16

Ku makuva gelitihidzwa lilyo, luyai lwomwoyo gugwo lu ku gadanga, O ive u menyanga mu tsinkombe tsyamagina, u gumiranga hadiguluku hekigulu: kaliva nu u vika kyaalira kikyo igulu ligali kuli indidzu, nda kwikidza kutwula yo, Yahova a vola.

Jeremia 6:24

Ku huliye lusuma lwilwe; namakono getu ga gwa madedekere: litsunwa li ku gumiye, na lilumwa kuli mukali mu lilumwa lilye.

Ezekieli 17:3

u vole, Mwami Nyasaye a vola ndi: Indidzu inene yetsimbaha tsinene na mabaha amatambi mu tsimbaha, yizula ama baha, agerangi lugano lugano, ya duka Lebanon, nokuvugula isonga yomutaragwa:

Hosea 5:15

Nda tsia kwirana hango hange, kuduka lwa veyama mahyolo gavo, nokwenya mmoni mwange: mu kivi kyavo va la nyenya ligali.

Hosea 7:14

Na si vanira inze nemyoyo gyavo, navutswa va hanzuka nemyoyo gyobululu ku vitali vyavo: navutswa vevugannya avene kigira ubuswage newaini; na va tinguha inze.

Amosi 9:2

Kali ni va yava kuduka kwingira mu Kihadisi, mukono gwange gu la va gumira kuvatwulidza yo; kali ni va nina kuduka mwigulu nda vikidza kutwula yo.

Obadia 1:4

Kali ni weduda igulu kuli kihungu, kali inyumba yoyo ni ya vikwa mu tsing'ereng'ani, nda kwikidza hasi kutwula yo, Yahova a vola.

Habakuk 2:9

O bayaye ku uyu u nyoleranga inyumba yeye vyambeti vyobudamano, a duke kuvika inyumba yeye igulu, a duke kuhonywa ku mukono gwobudamano

Livalidza 24:21

Na ya henza ku Vakeni, na a kupa lugano lwilwe, na a vola, Bumenyi bwubwo bu veye netsingulu, Na kiduku kikyo ki vikeywi mu lwanda.