Jeremia 22:22 - KITABU KITAKATIFU

²² Imbuudza i la lehidza avayi vovo vosi, na vayanze vovo va yanzanga ive va la lanywa: ligali ive inyinga yeyo u la va isoni nokutimuka enkolo kigira ubudamano bubwo bwosi.

Jeremia 22:22 ပူးပေါင်းရင်းမြစ်များ

Isaya 64:6

Kigira kwosi ku gwiye lugano lulala na uyu mudamano, vikolwa vyetu vyobulu ngi vi veye kuli ingubo yononywa: kwosi ku niala kuli litu; nobudamano bwetu bu ku hilanga kuli imbuudza.

Isaya 65:13

Kunangwa Mwami Nyasaye ya vola yaga, Henza, avatumekiri vange va la lia, navutswa mwinye mu la va nenzala; henza, avatumekiri vange va la nwa, navutswa mwinye mu la va nobuluhu; henza, avatumekiri vange va la sangala, navutswa mwinye mu la va isoni,

Jeremia 10:21

Ki gira avayi va gwiye kuli tsinyama, si va tevanga ku Yahova: kigira yaga si va gasidzwa, na vyayo vyavo vyamagondi vyosi vi salani.

Jeremia 12:10

Avayi vanyingi vononnyi milimi gwange gwemizabibu, va duvagi kidieli kyange isi wevirenge vyavo, va koli kidieli kyange kilahi kuva kyangalangwi ki ta li navandu.

Jeremia 2:36

Ki gira ki u voyovoyanga kuli ndiyo u duke kugirunkannya lugendo lulwo? U la va isoni kigira Egepeti kandi, kuli wa li isoni kigira Asuria.

Jeremia 2:37

Kutwula ku uyu u la twula, na u viki makono gogo ku mutwe gugwo: kigira Yahova wambakani yavo wa u suuvira kuvo, na ive si u la gasidzwa navo.

Jeremia 2:8

Avasalisi si va teva, Yahova a veye haliha? Na va tumikiranga lilaga si va manya inze mba: avamehanga ve baala ku inze, navaprofeti va profeta na Baal, na va tsia kulonda vindu vi ta duka.

Jeremia 20:11

Navutswa Yahova a veye halala ninze kuli wetsingulu wokutihidza: kigira yaga ava dambidzanga inze va lekigitala, navo va la vula kunguuta; va la va isoni ligali, kigira si va kola nobugeeri kali kwegugunnya mihiga nemihiga gi vula kwivirirwa.

Jeremia 30:14

Vosi ava li ni va ku yanza va kwiviriye; si va kwenya mba: kigira nkwati ulugoma, kuli lwomusigu, nelikuya lyowekirage; kigira ubunene bwobudamano bubwo kigira ubwoni bubwo bwa medeka.

Jeremia 4:30

Na ive lwa u lanywa u la kola ndi? Kali ni wiviki tsingubo tsinzakanyu, kali ni wisyahi vyokwisyaha vyethahabu, kali nu u buula tsimoni tsitsyo na imunyi, na gawtswa ga wekolanga mulahi; ava yanze Doro va ku lega, venyanga livamwoyo lilyo.

Jeremia 5:13

avaprofeti va la gwa imbuudza, nelikuva si li la va muvo mba; ni ndiyo va li kolwa.

Jeremia 7:19

Yava va mbihiriridza naho? Yahova a vola; si va li avene avevihiriridza, kuduka ku tsisoni tsyomumoni mwavo?

Hosea 12:1

Efiraim yelihidzanga imbuudza, nokulonda imbuudza yevugwe: naye kazozo a medanga makuva gobubehi na gobudivi; na a lombanga lilagana na Asuria, na maguta ga hilwa kuduka Egepeti.

Hosea 13:15

Kali na a veye wivulanga ligali mu vamwavo veve, imbuudza yevugwe i ladza, mwika gwa Yahova gu twulanga migendanyama; kisenukiru kikye kyamadzi ki la kama, nekidaho kikye ki la kama: kandi a la lanya akiba yosi yeviju vi yanzidzanga vyosi.

Hosea 4:19

Imbuudza i mu bohi mu tsimbaha tsitsye, na va la va isoni kigira vihaanwa vyavo.

Zekaria 11:17

O bayaye umwayi u ta konya kindu, u lekanga kyayo kivavi ki la va ku mukono gwigwe, noku imoni yeye ye nomukono mulungi: mukono gwigwe gu la va mwumu ligali, nemoni yeye yenomukono mulungi i la va kilive ligali.

Zekaria 11:8

Na nda twulidza avayi vavaka ku mweli mulala; kigira va luhidza mwoyo gwange, navo kandi myoyo gyavo gya ndunyira.