Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremia 22:21 - KITABU KITAKATIFU

21 Inze nda ku volera inyinga yeligasidzwa lilyo, navutswa wa vola, Si nyenya kuhulira. Yigu ni mwima gugwo kutwula bwana buke, ogwa ive u vula kuhulirira mwoyo gwange.

အခန်းကိုကြည့်ပါ။ ကော်ပီ




Jeremia 22:21
35 ပူးပေါင်းရင်းမြစ်များ  

Na Yahova ya volera Manase navandu veve; navutswa si va hulira.


Hali kanyinga va nkupidzi kivi kutwula lwa nkikiri mwana Kalunu Avaisraeli va vole,


Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.


Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.


Avandu vadamano yava, ava sula kuhulira makuva gange, ava gendanga mu bukyamu bwemyoyo gyavo, ava londa vanya saye vandi kuvatumekira, nokuva sigamira, va la va kuli musipi yigu, ugu ta veye kindu.


Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.


Gaya kirenge kikyo gase ki la vula kuva nekilatu, nelidundu lilyo kuvula kuva nobuluhu. Navutswa ive wa vola, Si ha veye nelisuuvira mba; auwa, kigira inze nyanzi avageni, na nda va londa.


O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?


Kutwula ku muhiga gwelikumi negyivaka gwelyameha lya Josia mwana wa Amoni, mwana wa Yuda, kuduka lero, mihiga makumi gaviri na gyivaka, likuva lya Yahova li duki ku inze, na nda volera mwinye, ni mbuka mabwebwe nokuvola; navutswa mwinye si mu huliye.


Yahova ya tuma ku mwinye ava tumwa veve vosi avaprofeti, na a vuka mabwebwe na a va tuma (navutswa mwinye si mu huliye, si mu tegidzi amatu genyu kuhulira),


Navutswa mwa vula kumbulira, Yahova a vola; mu duke kuvihiriridza inze nemiyinzi gyamakono genyu, nokwisaleridza avene.


Kunangwa kigira yaga Yahova wa mahe a vola: Kigira mwinye mwa vula kuhulira amakuva gange,


Navutswa kindu kyetsisoni ki mali kulia linyakana lyemiyinzi gyavaguga vetu kutwula busoleli bwetu, vyayo vyamagondi na vyetsing'ombe, avana vavo vayai navakana.


Ku gone hasi mu tsitsoni tsyetu, na lileganywa lyetu li ku kunike; kigira ku koleye Yahova Nyasaye wetu ubwoni, kwinye navaguga vetu, kutwula busoleli bwetu kuduka lidiku lya lero yili; kwa vula kuhulira mwoyo gwa Yahova Nyasaye wetu.


Kigira avana va Israeli navana va Yuda va koli vyobudamano vyere imbiri wetsimoni tsyange kutwula mu busoleli bwavo: kigira avana va Israeli va vika ku inze livihiriridza lyere nelikola lyamakono gavo, Yahova a vola.


Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.


Moabu a menya mu bwelemeridzi kutwula bwana buke, wegedi ku maseke gege, si a tsukwa kutwula mu kiju yiki kuduka mu kiju yiki, kandi a vula kutsia mu lyadikidzwa: kigira yaga bunulu bwibwe bu menyanga muye, na amalusu gege si ga girunkana mba.


Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.


Navutswa inyumba ya Israeli vebaala ku inze mu kyangalangwi: si va genda mu amalago gange, na va sula miima gyange, agomundu a va na a kola a la hindira mugo; na masa bato gange va gononnya ligali. Hene yaho nda vola nda tsuka ubutima bwange kuvo mu kyangalangwi, kuvadividza.


Navutswa avana vebaala ku inze; si va genda mu malago gange mba, kandi si va gumira miima gyange nokugyikola, agomu ndu a va na a kola a la hindira mugo; vononnya masabato gange. Hene yaho nda vola, nda tsuka ubutima bwa nge kuvo, nduke kudukidza ubutima bwange kuvo mukyangalangwi.


Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.


Navutswa vebaala ku inze, si va bugirira kuhulira inze mbava vula kuta sa mulala kivihiri kyetsimoni tsyavo, kandi si va leka vifwananyi vya Egepeti. Hene yaho nda manya ni mbola, Nda tsuka ubutima bwange kuvo, nduke kudukidza ubutima bwange kuvo hagati hekivala kya Egepeti.


Si ya hulira mwoyo yigu; si ya bugirira kwegidzwa; si ya suuvira ku Yahova; si yisunda himbi ku Nyasaye wewe.


Si ga mu dukira kuhulira makuva ga Yahova ya leta na makono ga avaprofeti vokutanga, inyinga avandu va menya mu Yerusalemi mu bugasu, nomu madala yago ga li kumbiridza, noluvega lwa Kusini na vivala vyekereremu vya li na vandu?


Kigira mmanya ubutingu bubwo, neligoti lilyo lidinyu: henzi, inze nkikiri myoyo halala nemwinye lero mu gwiye avatingu ku Yahova, nasindi lwa mmala kukudza?


Mwa li nobutingu ku Yahova kutwula lidiku lya nda tanga kumanya mwinye.


Widzulitse, u tivirira mba, kuli wa vihiriridza Yahova Nyasaye wowo mwigendanyama: kutwula ku lidiku lya wa twula mu kivala kya Egepeti, kuduka lwa mwingira hano, mwa tinguha ku Yahova.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ