Jeremia 22:20 - KITABU KITAKATIFU

²⁰ Wanegire, u tsie Lebanon, u lire; u hanzuke mu Bashan, nokukupa lukwili kutwula Abarim; kigira avayanze vovo vosi va divi.

Jeremia 22:20 ပူးပေါင်းရင်းမြစ်များ

2 Avami 24:7

Na mwami wa Egepeti si ya twula mkivala kikye kandi: kigira mwami wa Babuloni ya li na a mali kugumira kivala, kutwula ku mugera gwa Egepeti, kuduka ku mugera gwa Farati, kyosi kya li kyomwami wa Egepeti.

Isaya 57:13

Lwa u lira, yavo ava wa vungidza va ku honnye; navutswa imbuudza i la va hila mwika gu la va hila vosi: navutswa uyu u suuviranga mu inze a la nyola miyandu gyelirova, nekigulu kyange kitakatifu.

Jeremia 2:25

Gaya kirenge kikyo gase ki la vula kuva nekilatu, nelidundu lilyo kuvula kuva nobuluhu. Navutswa ive wa vola, Si ha veye nelisuuvira mba; auwa, kigira inze nyanzi avageni, na nda va londa.

Jeremia 2:36

Ki gira ki u voyovoyanga kuli ndiyo u duke kugirunkannya lugendo lulwo? U la va isoni kigira Egepeti kandi, kuli wa li isoni kigira Asuria.

Jeremia 2:37

Kutwula ku uyu u la twula, na u viki makono gogo ku mutwe gugwo: kigira Yahova wambakani yavo wa u suuvira kuvo, na ive si u la gasidzwa navo.

Jeremia 22:22

Imbuudza i la lehidza avayi vovo vosi, na vayanze vovo va yanzanga ive va la lanywa: ligali ive inyinga yeyo u la va isoni nokutimuka enkolo kigira ubudamano bubwo bwosi.

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 3:1

Va vola, Musatsa na a kunga mukali wewe, naye na a tsia, nokugwa mukali womusatsa wundi, musatsa wokutanga a lirana kuye kandi? Kivala yikyo si ki la kolwa kidamano ligali? Navutswa u tumikiye ubuheyi halala navayanzi avanyingi navutswa wirane ku inze, Yahova a vola.

Jeremia 4:30

Na ive lwa u lanywa u la kola ndi? Kali ni wiviki tsingubo tsinzakanyu, kali ni wisyahi vyokwisyaha vyethahabu, kali nu u buula tsimoni tsitsyo na imunyi, na gawtswa ga wekolanga mulahi; ava yanze Doro va ku lega, venyanga livamwoyo lilyo.

Lisyoma lya Jeremia 1:19

Nda langa avayanze vange, navutswa ngada: Vasalisi vange na vakulundu vange va kudzera mu lidala, Lwa va li ni venyanga vyokulia va duke kwirannya myoyo gyavo ubuhya.

Lisyoma lya Jeremia 1:2

A liranga ligali inyinga yobudiku, amaliga gege gi doolanga ku tsindama tsitsye; Mu vosi avayanze veve si va veye nomulala u mu leminya mwoyo: Avalina veve vosi va mu koleye agobugadi; va gwiye avasigu veve.

Ezekieli 23:22

Kigira yaga, Ive Oholiba, Mwami Nyasaye a vola ndi: Henza, nda vukidza avayanze vovo va hing'ane ku ive, avomwoyo gugwo gwavukanywa kuvo, na nda va leta ku ive tsimbega tsyosi:

Ezekieli 23:9

Kunangwa inze nda mu vika mu makono ga vayanze veve, mu makono ga Asuria, ava ya yanza.

Ezekieli 27:6

Va lomba vivango vyobwato vivyo vyemisala gya Bashan; na vyokwikala vivyo va vi lomba na amino genzogu, ga twulanga mu ki sulu lya Kitim.

Livalidza 27:12

Kandi Yahova ya volera Musa, U nine mu kigulu yiki kya Abarim, u henze kivala kya mmali kuha avana va Israeli.

Kwidzulitsa 32:49

Wanegire mkigulu yiki kya Abarim, kuduka ku kigulu kya Nebo, ki veye mu kivala kya Moabu, engereka ya Yeriko; na u henze kivala kya Kanani, kya mbedzanga avana va Israeli kukigumira;