Jeremia 22:17 - KITABU KITAKATIFU

¹⁷ Navutswa tsimoni tsitsyo nomwoyo gugwo si u veye nekya wenyanga ni li ta li likayirwa lilyo lyeng'ine, nokutahidza masahi ga ta li nekindu kugo, nokudambidza, noku kirage, kukola vindu yivi.

Jeremia 22:17 ပူးပေါင်းရင်းမြစ်များ

1 Avami 21:19

Na u la mu volera makuva yaga, kuvola, Yahova a vola ndi, Wiiti, na u gumiye kandi? Na u la mu volera, Yahova a vola ndi, Ha tsimbwa tsya kombera amasahi ga Nabothu tsi la kombera ho kandi masahi gogo, ligali agogo.

2 Avami 23:37

Naye ya kola budamano imbiri wa Yahova, kuli vyosi vya vaguga veve va kola.

2 Avami 24:4

kandi kigira masahi ga ta li nekindu ga ya tahidza; kigira yizulitsa Yeru salemi namasahi ga ta li nekindu: na Yahova si ya bugirira kusameha mba.

2 Kyetsinyinga 36:8

Na vya tigala ku viko lwa vya Jehoiakim, nevivihiriridzi vivye vya ya kola, na vya loleka muye, henza, vya ng'odwa mu kitabu kyavami va Israeli na Yuda: na Jehoiakin mwana wewe yameha mbu gono bwibwe.

Ayubu 31:7

Induvatiru yange ni i va ni i girunkana kuleka inzira, Nomwoyo gwange ni gu va ni gu londa tsimoni tsyange, Kandi Imbala kali indala ni i va ni i handi ku makono gange:

Zaburi 10:3

Kigira mudamano yiidzominya ku likayirwa lyomwoyo gwigwe, Nokugasidza wemoni yokukayirwa, yee, a legannya Yahova.

Kutwula 18:21

Kandi u la tovola ku avandu vosi, avandu avobunyali, ava tia Nyasaye, avandu va ageligali, ava vihirirangwa vyambeti vyobukyamu; na yava u la va singeridza kuva avanene vetsielfu, na avanene vetsimia, na avanene va makumi gatano, na avanene va makumi:

Tsing'ano 24:2

Kigira mwoyo gwavo gu ganagana lidambidza Na minwa gyavo gyi volanga mahyolo.

Isaya 56:11

Yee, tsimbwa yitsyo tsi veye tsimpuvali kazozo, si tsi nyola liguta mba; kandi yava va veye avayi ava ta manya kindu: va girunkani sa mulala kulonda inzira yeye mwene, sa mulala ku vyambeti vivye, kutwula ku tsimbega tsyosi.

Jeremia 17:11

Kuli inkwari i goneranga mabuyu amasiru nokuvula kwalula, ni ndiyo a veye uyu u nyola ubutugi, navutswa si bu veye ku bulungi; bu la mu leka hagati ha madiku gege, na mu kiheri kikye a la va umusiru.

Jeremia 19:4

Kigira va leka inze, nokukola hano ha vule kumanyakana, va vuyidza vimuli hano ku vanyasaye vandi, ava va ta manya, avene kinga vaguga vavo, kinga avami va Yuda, va mali kwizulitsa hano amasahi aga yava ava ta li nekindu kuvo,

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 6:6

Kigira Yahova va mahe a vola, Tema misala, mu lombe kitumi kuhing'ana ku Yerusalemi: yili ni lidala lyokulutwa; li veye nelidambidza lyere mulyo.

Jeremia 7:6

mu vule kudambidza umugeni, nomubisandu, nomukunzakali, kinga kutahidza masahi ga ta li nekindu hang'o hano, kinga kulonda vanyasaye vandi ku busaliri bwenyu avene:

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Ezekieli 18:12

noku dambidza avadaka navadambi, nokunuula avandu nekirage, wa vula kwirannya kihambiriru, wa ginga tsimoni tsitsye kuhenza vifwananyi, wa tumekira kivihiri,

Ezekieli 19:6

Na ya tsia yiyi neyiyi hagati heving'ang'a; na ya gwa king'ang'a kisoleli, naye yega kuhima nokulia avandu.

Ezekieli 19:7

Na ya manya tsinyumba tsyavo tsyobwami, namadala gavo ya ga kola kuva hatswa; nekivala kya gwa kyanyi, halala nelizulira lyakyo, kigira liyoga lyefwuma lilye.

Ezekieli 19:9

Na va mu vika mu buhambe netsinzago, na va mu hila kuduka ku mwami wa Babuloni; na va mu vika mu impinga, mwoyo gwigwe gu vule kuhulirwa kandi mu vigulu vya Israeli.

Ezekieli 22:6

Henza avanene va Israeli, sa mulala kuli tsingulu tsitsye tsi veye va li mu ive kutahidza masahi.

Ezekieli 33:31

Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.

Mika 2:2

Na va kayirangwa milimi, nokugyigumira; netsinyumba kandi, nokutsihila: na va dambidzanga mundu nenyumba yeye, yee, va dami)idzanga mundu nemiyandu gyigye.

Mika 3:10

Vombakanga Zioni na masahi, na Yerusalemi nobudamano.

Zefania 3:3

Avanene veve hagati hehe va veye ving'ang'a vi fwumanga; avakalagi veve va veye visalong'ongo vyamgo lova; si va lekanga ki tigala kuduka mugamba kali kilala mba.

Varumi 1:29

Ni vizula kirage kyosi, nobudamano, nokukayirwa vindu vyavandi, nobwoneku; avizula imbodoka, nobwiiti, netsimbemba, nobugadi, namanyego; avamonyi,

1 Vakorintho 6:10

kinga avivi, kinga avakayirwa vyavene, kinga avahambiki, kinga avanyegi, kinga avanuuli, si va nyala kunyola ubwami bwa Nyasaye.

Vakolosai 3:5

Kunangwa mwiite vivero vyenyu vi veye vya hasi: navyo nokutsia mbakana, nekifwabwi, nelikayirwa lidamano, nelyegomba lidamano, nelikayirwa vyavene, li veye kusigamira misambwa.

Joshua 7:21

lwa ndoli mu vilanye ijoho indahi ya Babuloni, netsishekeli tsimia tsiviri tsyefetha, nekilezero kyethahabu yetsishekeli makumi gatano buliduhu bwakyo, hene vaho nda vi kayirwa, nokuvivugula; na henza, vi viseywi mu lirova hagati helihema lyange, na ifetha i veye isi wavyo.

2 Petro 2:14

ava veye netsimoni tsyobuheyi ava ta nyala kwigaya ku bwoni; ava goonyanga myoyo gyiyagika; ava veye nomwoyo gwa nalidzwa mu likayirwa; avana vekikyeno;

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.

1 Samweli 8:3

Navana veve va vula kugenda mu tsinzira tsitsye, navutswa va tsia haluvega kulonda ubutugi, na va vugula vikukula, nokukyaminya likalaga.