15 Ive u lameha, kigira u hing'ana kuduka kuguuta nemitaragwa? Dada wowo si ya lia nokunwa, nokulomba likalaga nobulungi? Kunangwa bwa li ubulahi kuye.
A gasidzwe Yahova Nyasaye wowo, wa ku yanza, na ya ku vika ku intebe yobwami ya Israeli: kigira Yahova ya yanza Israeli kazozo, kigira yaga ya kola ive u ve mwami, kukola likalaga nobulungi.
Na si ya li ho ku matsyambiri umwami kuli uyu, wa girunkana na a yeka ku Yahova nomwoyo gwigwe gwosi, na roho gwigwe gwosi, netsingulu tsitsye tsyosi, kuli lilaga lyosi lya Musa; kinga inyima wewe si ya singira yo mulala wa li kuli uyu.
Na ya kola agobulungi mu tsimoni tsya Yahova, na ya genda mu tsinzira tsya Daudi guga wewe, si ya giru nkana kutsia ha luvega ku luvega lwomukono mulungi kinga mukono mmosi.
Navutswa Josia si ya girunkana mmoni mwimwe ku twula kuye, navutswa yegirunkanya a duke kulwana naye, kandi si ya hulira amakuva ga Neko aga twula mmunwa gwa Nyasaye, ya tsia kulwana naye mwivona lya Megido.
U veye nobugasu, O kivala, mwami wowo lwa ya li mwana wavandu velidzominywa, navanene vovo va lia inyinga i dukanga, va duke kunyola tsingulu, lilia li ta li lyobuhambiki
Si ha veye nobulahi ku mundu kuvita yaga, a lie kandi a nwe, noku sangalidza mwoyo gwigwe mu bulahi, mu lididikana lilye. Kandi nda lola yaga ga twula mukono gwa Nyasaye.
Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.
O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.
Kunangwa kigira yaga, Yahova a vola ku makuva ga Jehoiakim mwana wa Josia, mwami wa Yuda: Si va la mu syomera, kuvolu, O amwavo wange kinga, O mbotso wange Si va la mu syomera, kuvola, O munene wange kinga, O ubukumi bwibwe
Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.
Henze, madiku gadzanga, Yahova a vola, mugo nda singeridzira Daudi Kisibu kyobulungi, naye a lameha mwami na a la kola nobugeeri, na a la kola likalaga nobulungi mu kivala.
Ni ki va ni ki veye kilahi, naho ni ki va ni ki veve kidamano, kwinye ku la hulira mwoyo gwa Yahova Nyasaye wetu, wa ku tuma ive kutsia kuyebu duke kuva bulahi ku kwinye, lwa ku hulira mwoyo gwa Yahova Nyasaye wetu.
Kandi madiku gosi va hongera mu litempeli, nomwoyo mulala nokumegannya ubukima hango, ni va vugula vyokulia vyavo nobuyanzi kandi nemyoyo gyi ta li nobugadi,
Na u gumire amalago gege, nelilagana lilye, lya nku laganga lero, bu ve bulahi ku ive, noku avana vovo inyima wowo, u nyole madiku gogo ga ve manyingi ku kivala, kya Yahova Nyasaye wowo a ku ha, mihiga nemihiga.