Jeremia 22:14 - KITABU KITAKATIFU

¹⁴ u volanga, Inze ndeyombakira inyumba imambalalu nevigodola vyobwiyangu, nokwehudulira madirisha; ya kunikwa mwigulu netsimbao tsyemitaragwa, nokubulwa nekibaala.

Jeremia 22:14 ပူးပေါင်းရင်းမြစ်များ

2 Samweli 7:2

hene yaho mwami ya volera Nathan muprofeti, Henza kalunu, inze mmenyi mu inyumba yemitaragwa, navutswa iisanduku lya Nyasaye li menyi mu tsingubo tsyokukinga.

2 Kyetsinyinga 3:5

Na inyumba inene yala tsimbao kuli yigu mwi gulu, tsya ya kunika nethahabu inzere, na ya ng'ola ku amakindu neminyoro.

Tsing'ano 17:19

U yanzanga lihyolo a yanza lihing'ana: Na uyu u ginganga kiribwa kikye, yenyanga ubudivi.

Tsing'ano 24:27

U lombe miyinzi gyigyo kyova, U gyi tegidze, gyi ku tegere mu mulimi; Na lwenyima wombake inyumba yoyo.

Lwimbu lwa Solomoni 1:17

Miyaliru gyenyumba yetu ni gyi mitaragwa, Na miguliru gyetu ni gya mutaragwa.

Isaya 9:9

Na vandu vosi va la manya, li veve kuvola Efiraim navamenyi mu Samaria, ava vola nekirage kyavo noluyai lwe myoyo,

Ezekieli 23:14

Na ya meda malaya gege; kigira ya lola avasatsa, lifwana lyavo ni li ng'odeywi ku lidigi, lifwana lya Vakalidei vya ng'odwa nekibaala,

Danyeli 4:30

Mwami ya moloma na a vola, Yili si li veye Babuloni linene, lya nyombaki netsingulu tsyange kuva inyumba yobwami, kandi kuva lyelidzominywa lyobunene bwobukumi bwange?

Amosi 6:8

Mwami Nyasaye wesuhira, Yahova, Nyasaye wa mahe, a vola: Mbihirirwa luyai lwa Yakobo, nokudunyira tsinyumba tsyobwami tsitsye; kunangwa nda twulidza lidala halala na vyosi vi veye mulyo.

Haggai 1:4

Inyinga yiyi i dukiranga mwinye kumenya mu tsinyumba tsyenyu tsya vikwa tsimbao nenyumba yiyi i menyanga mu lisambuka?

Malaki 1:4

Kali Edoma vola, Kwinye ku duvagirangwa hasi, navutswa ku la galuka nokwombaka mu vyanyi vya lekwa: Yahova wa mahe a vola, Va lombaka, navutswa nda sambula kandi; na vandu va la va langa, Kivala kyobudamano, na Avandu ava Yahova a vihirirwa mihiga nemihiga.