Jeremia 22:10 - KITABU KITAKATIFU

¹⁰ Mu ta lilira uyu wa kudza, kandi mu ta mu syomera mba; navutswa mu lilira ligali uyu u tsitsanga ihale; kigira uyu si a lirana kandi, kinga kulola kivala kikye kya yivulwa mu.

Jeremia 22:10 ပူးပေါင်းရင်းမြစ်များ

2 Avami 22:20

Kigira yaga, henza, nda ku vungidza ku vaguga vovo, na u la hilwa mu kilindwa kikyo nemirembe, tsimoni tsitsyo si tsi la lola ubudamano bwosi bwa ndi leta hano. Va letera mwami makuva kandi.

2 Avami 23:29

Mmadiku gege Faraoneko mwami wa Egepeti yanegira kulwana nomwami wa Asu ria kuduka ha mugera gwa Farati: nomwami Josia ya tsia kulwana naye; na Faraoneko ya mwiitira ha Megido, lwa ya mu lola.

2 Kyetsinyinga 36:4

Mwami wa Egepeti yame hidza amwavo wewe Eliakim ku Yuda na Yerusalemi, na a mu giru nkannya lieta lilye na a mu gulika Jehoiakim. Neko ya vugula Joahazu amwavo wewe, na ya tsia naye Egepeti.

Kohelethu 4:2

Kunangwa, kigira yaga ndidzominya avakudzu ava kudza kale, kuvita avelivamwoyo va kikiri mwoyo;

Isaya 57:1

Mulungi a diva, na si ha veye nomundu u ga vika mmwoyo; avetsimbabasi va twulidzangwa, na si ha veye na u ganagana avalungi va twulidzwa ku budamano budzanga.

Jeremia 16:7

kandi avandu si va la va megannyira ubukima mu lisyoma kuleminya myoyo gyavo ku vakudzu; kandi avandu si va la va ha kikombe kyokuleminya va nwere dada kinga mama.

Jeremia 22:11

Kigira Yahova a vola yaga ku makuva ga Shalum mwana wa Josia, mwami wa Yuda, wameha mu bugono bwa dada wewe Josia, wa twula hano: A la vula kwirana kutwula yo;

Jeremia 22:18

Kunangwa kigira yaga, Yahova a vola ku makuva ga Jehoiakim mwana wa Josia, mwami wa Yuda: Si va la mu syomera, kuvolu, O amwavo wange kinga, O mbotso wange Si va la mu syomera, kuvola, O munene wange kinga, O ubukumi bwibwe

Jeremia 22:27

Navutswa kivala kyemyoyo gyavo gyi kayirangwa kwirana ku, si va lirana ku mba.

Jeremia 25:27

Na u la va volera, Yahova wa mahe, Nyasaye wa Israeli, a vola: Mu nwe, mu hambike, nokuluka, nokugwa, mu vule kuvuka kandi, kigira kivavi kya nda leta hagati henyu.

Jeremia 28:4

na nda leta kandi hano Jekonia mwana wa Jehoiakim, mwami wa Yuda, halala navahambe vosi va Yuda, ava tsia Babuloni, Yahova a vola; kigira inze nda vunannya inira yomwami wa Babuloni.

Jeremia 42:18

Kigira Yahova wamahe, Nyasaye wa Israeli, a vola: Kuli livihiririrwa lyange nobutima bwange bwa tsukwa ku yavo ava menya Yerusalemi, ni ndiyo ubutima bwange bu li tsukwa ku mwinye, lwa mu lingira Egepeti; na mu la va lisufwa, neligenya, nelilaamwa, na manyego; na hano si mu la ha lola kandi mba.

Jeremia 44:14

kali mu yavo avatigala mu Yuda, ava tsia mu kivala kya Egepeti va duke kumenya yo avageni, si ha veye nomundu kali mulala u li hona, kinga u li tigala, va luhe virane mu kivala kya Yuda, kivala kya va kayirangwa virane mukyo nokumenya mu: kigira si ha veye nomundu kali mulala u li duka kwirana ni va ta li yava ava li hona.

Lisyoma lya Jeremia 4:9

Yavo aviitangwa nekivavi va veye bulahi kuvita avenzala yiitanga; Kigira va niaye, va tumitwa hagati, kigira lidaka lya makuyu gemilimi.

Ezekieli 24:16

Ive, mwana womundu, henza, inze ntwulidzanga ku ive ki veye ku ive kyetovole kyetsimoni tsitsyo neliduya lilala: navutswa kandi u la vula kusyoma kinga kulira, kinga kwidoola amaliga gogo.

Luka 23:28

Navutswa Yesu ya girunkana, na a va volera, Avakana ve Yerusalemi, mu ta ndirira, navutswa mwelirire avene navana venyu.