Jeremia 21:6 - KITABU KITAKATIFU

⁶ Na nda kuya ava menyanga mu lidala yili, avandu netsinyama: va la kudza nobulwaye ubunene.

Jeremia 21:6 ပူးပေါင်းရင်းမြစ်များ

Litanga 6:7

Na Yahova ya vola, Nda gotidza avandu ava nda lomba, va twule ku lirova; vyombi avandu na tsinyama, na vimolanga, na manyonyi gegulu; kigira ndeganira ku lilomba lyavyo.

Isaya 6:11

Hene yaho nda teva, Yahova, kuduka inyinga ki? Naye ya ntivulira, Kuduka lwa madala ga kolwa mang'anye bugira mundu, netsinyumba bugira avandu, nekivala ki tigala kyere,

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 20:4

Kigira Yahova ya vola yaga, Henza, nda kola ive u ve kyokutihidza ku ive mwene, noku valina vovo vosi; na va la gwa ku kivavi kyavasigli vavo netsimoni tsitsyo tsi la ga lola; na nda haana Yuda yosi nokuvavika mu mukono gwomwami wa Babuloni, naye a la va lanya kuduka Babuloni, na a la viita nekivavi.

Jeremia 32:24

Henza, vitumi, vya dukidzwa ku lidala va duke ku li vugulanelidala lya vikwa mmakono ga Vakalidei va lwananga nalyo, kigira kivavi, nenzala, nobulwaye; na ga wa vola ga dukidzeywi; henza, ive u ga lolanga.

Jeremia 33:12

Yahova wa mahe a vola ndi Kali ga la va ho kandi hano, aha veye hatswa, ha ta li nomundu kinga inyama, nommadala gaho gosi, ubumenyo bwa avayi ava gonnyanga mu kivala magondi gavo.

Jeremia 34:17

Kigira yaga Yahova a vola: Mwinye si mu huliye inze mba, kulandidzanira makuva gelibohololwa, mundu sa mulala namwavo wewe, na sa mulala nowakye: henza, inze nandidzira mwinye amakuva gelibohololwa, Yahova a vola, li veye libohololwa lyekivavi, nobulwaye, nenzala; na nda kola mwinye ku sigiswa yiyi neyiyi mu bwami bwosi bwomu lirova.

Jeremia 36:29

Ka ndi ku makuva ga Jehoiakim mwami wa Yuda u la vola, Yahova a vola: Ive u sambi lilinga lyekitabu yikyo, nokuvola, Kigira ki ive u ng'odi mu kyo, kuvola, Mwami wa Babuloni ligali a ladza nokudividza kivala yiki nokuheridza avandu netsinyama?

Jeremia 42:22

Kalunu kigira yaga mu manye ligali mu la kudza nekivavi, nenzala, nobulwaye, ha mwenya kutsia kumenya.

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Ezekieli 12:16

Navutswa nda leka avandu vakekeke kuvo va hone ku kivavi, noku inzala noku bulwaye; va duke kulandidza mu tsihiri ha va tsia kivihiri kyavo kyosi; na va la manya inze mbeye Yahova.

Ezekieli 14:13

Ive mwana womundu kivala ki kolera inze ubwoni ku likoia mahyolo, na nda nyira mukono gwange kukyo, nokuvunannya mudigiru gwevyokulia vyakyo, na nda leta inzala kukyo, nokutwulidza avandu nemitugu:

Ezekieli 14:17

Kinga ni ndeta kivavi ku kivala yikyo, nokuvola, Kivavi, vita hagati he kivala yikyo; kuduka kutwulidza ku kivala yikyo avandu nemitugu;

Ezekieli 14:19

Kinga ni ndeta ubulwaye mu kivala yikyo, nokutsuka ubutima bwange kukyo mu masahi, kutwulidza kukyo avandu nemitugu:

Ezekieli 14:21

Kigira Mwami Nyasaye a vola ndi: Ga la va kuvita kuli ndi lwa ndeta gokukalaga gange gane yaga bululu ku Yerusalemi, kivavi, nenzala, netsinyama tsindamano, nobulwaye, kuduka kutwulidza ku kivala avandu nemitugu

Ezekieli 33:27

U la va volera yaga, Mwami Nyasaye a volera mwinye ndi: Kuli inze mbeye mwoyo, ligali yavo ava veye aha lekwa kuva kyanyi, va la gwa ku kivavi, na uyu u veye mmulimi habulavu nda mu haana ku tsinyam? A duke kumirwa; na yavo ava veye mu tsimpinga nomu tsimbangaywa va la kudza kigira bulwaye.

Ezekieli 33:29

Hene yaho va la manya inze mbeye Yahova, lwa nkola kivala yikyo kuva hatswa neligenya, kigira kivihiri kyavo kyosi kya va kola.

Ezekieli 7:15

Kivavi ki veye kyova, nobulwaye nenzala vi veye mugati: u veye kyova mu mulimi a la kudza nekivavi; na u veye mu lidala, inzala nobulwaye bu la mu lia.

Hosea 4:3

Kigira yaga kivala ki la syoma, na sa mulala u menyanga mukyo a la ng'aha, halala netsinyama tsyombulimu na manyonyi gombwerefu; yee, tsisudzi tsyomu inyanza kandi tsi la twulidzwa.

Mika 3:12

Kunangwa Zioni li la limwa kigira mwinye, na Yerusalemi li la gwa vitumi, na kigulu kyenyumb ki la va kuli hadiguluku homulitu.

Zefania 1:3

Nda heridza avandu netsinyama; nda heridza manyonyi gombwerefu, netsisudzi tsi veye mu inyanza, na vyokwikigitalidza halala navadamano; nda twulidza umundu mu Iirova, Yahova a vola.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.