Jeremia 21:5 - KITABU KITAKATIFU

⁵ Na inze mwene nda lwana na mw inye nomukono gwa nyirwa nomukono gwetsingulu, mu livihirirwa, nomu bululu, nomu butima bunene.

Jeremia 21:5 ပူးပေါင်းရင်းမြစ်များ

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Kutwula 9:15

Kigira kalunu nkano mmali kunyira mukono gwange, nokuduya ive na avandu vovo nolukudzo ludamano, na ive nkano u twulidzeywi mu lirova:

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Isaya 9:12

Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 9:21

Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Jeremia 32:37

Henza, nda va vungidza nokuvatwulidza mu vivala yivi vyosi, vya nda va kunga ni va tsia yo mu livihirirwa lyange, nomu likendeka lyange, nomu butima bwange bunene; na nda va leta kandi vadze hano, nda va vika va menye nemirembe.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 37:10

Kigira kali ni mwa kuya lihe lyosi lya Vakalidei li lwananga na mwinye, va tigala hagati havo avandu ava tumitwa veng'ine, kali nkano va ka wka, vosi sa mulala mu lihema lilye, nokusamba lidala yili nomuliru.

Jeremia 6:12

Netsinyumba tsyavo tsi la va tsya vandu vandi, milimi gyavo navakali vavo halala; kigira nda nyira mukono gwa nge ku avandu vekivala, Yahova a vola.

Lisyoma lya Jeremia 2:3

Lwiga lwosi lwa Israeli u lu kalagi mu butima bwibwe bululu; Wirannyi mukono gwigwe mulungi inyima gu vuli kuva imbiri wa avasigu: U sambi Yakobo kuli muliru gu dedimanga, u gu sambanga tsimbega tsyosi.

Ezekieli 39:3

na nda kuya ubuta bubwo bu twule mmukono gugwo mmosi, nemibano gyigyo nda gyagulula gyi twule mmukono gugwo mulungi.

Ezekieli 5:8

kigira yaga Mwami Nyasaye a vola: Henza, inze, kali inze mbeye musigu ku ive; na nda kola likalaga hagati hoho imbiri wetsihiri.

Kwidzulitsa 4:23

Mwelinde avene, gase mu livirira lilagana lya Yahova Nyasaye wenyu, lya ya lagana na mwinye, nokulomba kifwananyi kya vadzwa nelifwana lyekindu ku vyosi kya Yahova Nyasaye wenyu ya ku gaya.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?