Jeremia 21:14 - KITABU KITAKATIFU

¹⁴ Nda mu ha mageli kuli amakuyu gevikolwa vyenyu, Yahova a vola; nda fwana muliru mu mulitu gwigwe, na gu la samba vindu vyosi vya mu kumbiridza ku tsimbega tsitsye.

Jeremia 21:14 ပူးပေါင်းရင်းမြစ်များ

2 Kyetsinyinga 36:19

Na va samba inyu mba ya Nyasaye, na va sambula lidigi lyolugaga lwa Yerusalemi, na va samba tsinyumba tsyalyo tsyosi tsyobwami nomuliru, na vononnya viju vyosi vilahi vyalyo.

Tsing'ano 1:31

Kunangwa va la lia makuyu genzira yavo avene, Na va lizula makuva gavo avene.

Tsing'ano 12:14

Ubulahi bu la duka ku mundu ku makuyu gomunwa gwigwe Na mundu a la hebwa likola lyamakono gege.

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 10:16

Kigira yaga Yahova, Yahova wa mahe, a la hila ubung'afu bwingire mu vikomeru vivye; kandi isi wobukumi bwibwe li laakidzwa lisamba, kuli lisamba lyomuliru.

Isaya 24:21

Na ga la va mu lidiku yilyo, Yahova a la kalagira kiduma kya yavo aveginga igulu, navami velirova ava veye ku lirova.

Isaya 37:24

Ive u legi Yahova ku vatumwa vovo, nokuvola, Inze nzanegiye igulu kuduka ku isongo yevigulu, nobunyingi bwamagari gange gobulwani, nduki mugati mwa Lebanon; nda tema mitaragwa gyagwo mitambi nemisala gyagwo mitovole; ndingira mugati mugwo hadiguluku ha veye ihale ligali, mulitu gwomulimi gwi gwe gwamanga;

Jeremia 11:16

Yahova ya ku gu lika, Muzeituni gwa amatu mavisi, mulahi, gwa makuyu malahi: ya fwana muliru kugwo nomuliviti gwe kivihiri kinene, na tsisya tsitsye tsi vuniki.

Jeremia 11:22

kigira yaga Yahova wa mahe a vola, Henza, nda ha avandu yava mageli: avayai avasoleli va la kudza ku kivavi; avayai vavo navakana va la kudza nenzala;

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 17:27

Navutswa ni mu sula kuhulira inze kutakasa lidiku lyelisabato, kuvula kuginga musigo nokwingira mu viribwa vya Yerusalemi ku lidiku lyelisabato; hene yaho nda Swana muliru ha viribwa vyalyo, nagwo gu la samba tsinyumba tsyobwami tsya Yerusalemi, si gu la siminywa mba.

Jeremia 22:1

Yahova a vola: Sulunguta ku inyumba yomwami wa Yuda, na u vole yo likuva yili,

Jeremia 22:7

Na nda lomba ku ive avokwononnya, sa mulala nevyuma vivye; na va la temaga mitaragwa gyigyo mitovole, nokugyisigisa mu muliru.

Jeremia 32:19

a veye munene wamakuva, nomunyali mu likola; wetsimoni tsitsye tsyakunuka ku tsinzira tsyosi tsyavana vavandu; kuha sa mulala kuli tsinzira tsitsye, kuli makuyu gelikola lilye:

Jeremia 46:23

Va la temaga mulitu gwigwe, Yahova a vola, kaliva ni gu ta veye nobulolero; kigira va veye vanyingi kuvita tsisigi, si va valika mba.

Jeremia 50:32

Na woluyai a likigitala nokugwa, kandi si ha veye nonyala kumuvukidza: nda fwana muliru mu madala gege, na gu la samba vosi ava mu kumbiridza tsimbega tsyosi.

Jeremia 52:13

Na ya samba inyumba ya Yahova, nenyumba yomwami; netsinyumba tsyosi tsya Yerusalemi kali tsinyumba tsyosi tsinene, ya tsi samba nomuliru.

Jeremia 6:19

U hulire, ive lirova: henza, ndetanga ubudamano ku avandu yava, kali amakuyu gyetsiganagana tsyavo, kigira si va hulira makuva gange; nomu makuva gelilaga lyange, va li suye.

Jeremia 6:29

Muguva gu huudza netsingulu; lisasi, muliru gu li dividzi: na ga vutswa va tsitsagil'la kusiiya; kigira avadamano si va twulidzeywi mba.

Jeremia 9:25

Henza, madiku gadzanga, Yahova a vola, mu madiku yago nda va ha mageli vosi avakevwa mu livula kukevwa lyavo:

Lisyoma lya Jeremia 2:3

Lwiga lwosi lwa Israeli u lu kalagi mu butima bwibwe bululu; Wirannyi mukono gwigwe mulungi inyima gu vuli kuva imbiri wa avasigu: U sambi Yakobo kuli muliru gu dedimanga, u gu sambanga tsimbega tsyosi.

Ezekieli 21:3

u volere kivala kya Israeli, Yahova a vola ndi: Henza, mbeye umusigu ku ive, na nda somola kivavi kyange mu Iwula, nda twulidza ku ive avalungi navadamano.

Mika 7:13

Halala na yaga kivala ki la va vutswa kigira yava ava menyanga mu kyo na kigira makuyu gelikola lyavo.

Zekaria 11:1

Igula miliangu gyigyo, O Lebanon, muliru gu duke kusamba mitaragwa gyigyo.