Jeremia 21:12 - KITABU KITAKATIFU

¹² O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.

Jeremia 21:12 ပူးပေါင်းရင်းမြစ်များ

2 Samweli 8:15

Na Daudi yameha ku Israeli vosi; na Daudi ya singeridza likalaga lyobulungi ku avandu veve vosi.

Ayubu 29:17

Kandi nda vunannya tsisaya tsya va ta li avalungi, Nokunula vilanye mmino gege.

Zaburi 101:8

Mugamba no mugamba nda twulidza avadamano vosi mu kivala; Nduke kutwulidza mu lidala lya Yahova, ava kola ubwoni vosi.

Kutwula 18:13

Kunangwa, mugamba Musa yikala kulungikidza makuva ga avandu: na avandu va singira kukumbiridza Musa kutwula muganba kuduka mgolova.

Isaya 1:17

mwege ku kola bulahi; mwenye likalaga lilungi, mu konye uyu u dambidzangwa, mu kalagire avabisandu, mu vere vaku nzakali.

Isaya 1:31

Navetsingulu va la va kuli livudze, nemiyinzi gyigye gyi la va kuli isese yomuliru; na vyombi vi laaka halala, na si ha la va na u nyala kuvisiminya.

Isaya 7:13

Naye ya vola, Mu hulire kalunu avenyumba ya Daudi: Ni kindu kike keke ku mwinye kuluhidza avandu ga luhe ga duke kandi ku mwinye kuluhidza Nyasaye wange?

Isaya 7:2

Navandu venyumba ya Daudi, va hilirwa makuva, kuvola, Siria va hambani na Efiraim. Na ya timukwa enkolo, navandu veve, kuli misala gyommulitu gyi hungudzangwa ne mbuudza.

Jeremia 17:4

Na ive, kali ive mwene, u la lekana nemiyandu gyigyo gya nda ku ha; nda niga ive u tumekire avasigu vovo mu kivala kya u ta manya: kigira mwa fwana muliru mu ubut ma bwange gu la dedima kazozo.

Jeremia 21:5

Na inze mwene nda lwana na mw inye nomukono gwa nyirwa nomukono gwetsingulu, mu livihirirwa, nomu bululu, nomu butima bunene.

Jeremia 23:19

Henza, kihi kya Yahova, ki veye ubutima bwibwe bwomuliru, bu twuli, yee, ki veye kihi kyekihudzudzi: ki la hudukira ku mitwe gyavadamano.

Jeremia 23:2

Kunangwa Yahova Nyasaye wa Israeli, a vola ndi, ku avayi avayanga avandu vange: Mu salannyi kyayo kwange, nokugakunga, na si mu tsiye kugo; henza, nda leta ku mwinye ubudamano bwevikolwa vyenyu, Yahova a vola.

Jeremia 23:5

Henze, madiku gadzanga, Yahova a vola, mugo nda singeridzira Daudi Kisibu kyobulungi, naye a lameha mwami na a la kola nobugeeri, na a la kola likalaga nobulungi mu kivala.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 44:22

Kuduka Yahova si ya nyala kwikudzira kandi, kigira ubudamano bwevikolwa vyenyu, kandi kigira kivihiri kya mu koli; kigira yaga kivala kyenyu ki gwiye hatswa, neligenya, nelilaamwa, kali si ki veye nomundu mukyo, kuli ga veye lero.

Jeremia 5:14

Kunangwa kigira yaga Yahova, Nyasaye wa mahe, a vola ndi, Kigira mu vola likuva yili, henza, nda kola makuva gange mu munwa gugwo kuva muliru, navandu yava va la va tsinku, na muliru zana gu la va samba.

Jeremia 5:28

Va komeye ligali, va ng'ereng'ana; yee, va viti kigero ku vikolwa vyavo vidamano; si va veranga likuva, likuva lyombisandu, va duke kugasidzwa; nobulungi bwomudambi si va kalaganga mba.

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Jeremia 7:5

Kigira ni mu lomba tsinzira tsyenyu nevikolwa vyenyu ligali; nokukalaga bulungi hagati homundu nowakye;

Lisyoma lya Jeremia 4:11

Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

Ezekieli 22:31

Kigira yaga ntsuki livihirirwa lyange kuvo; mmali kuvasamba nomuliru gwobutima bwange: ndeti inzira yavo avene ku mitwe gyavo, mwami Nyasaye a vola.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Zefania 3:5

Yahova hagati hehe a veye mulungi; si a la kola bwoni mba; mugamba na mugamba a lang'aminyanga likalaga lilye, si a geheranga mba; navutswa uyu mu kyamu si a manya tsisoni mba.

Luka 1:69

Kandi u ku gingiye lwiga lwobuhonnyi Mu inyumba ya Daudi mutumekiri wewe

Varumi 13:4

kigira a veye mutumwa wa Nyasaye ku ive kigira ubulahi. Navutswa ive nu u kola ubudamano, u tie; kigira si a gendera vutswa kivavi: kigira a veye mutu mwa wa Nyasaye, uyu wa mala kisalya kyobutima ku uyu wa kola ubudamano.

Kwidzulitsa 32:22

Kigira muliru gu fwaneywi mbutima bwange, Gwakanga kuduka mu Kihadisi kyoluliva, Nagwo gu liye lirova halala nelimedeka lyalyo, Nokwadukidza muliru ku mise gyevigulu.