10 Kigira mmali kuhenzidza mumoni mwange ku lidala yili kuleta ubudamano, si ga li kuleta ubulahi, Yahova a vola: li la vikwa mmukono gwomwami wa Babuloni, naye a la li samba nomuliru.
Na va samba inyu mba ya Nyasaye, na va sambula lidigi lyolugaga lwa Yerusalemi, na va samba tsinyumba tsyalyo tsyosi tsyobwami nomuliru, na vononnya viju vyosi vilahi vyalyo.
Navutswa ni mu sula kuhulira inze kutakasa lidiku lyelisabato, kuvula kuginga musigo nokwingira mu viribwa vya Yerusalemi ku lidiku lyelisabato; hene yaho nda Swana muliru ha viribwa vyalyo, nagwo gu la samba tsinyumba tsyobwami tsya Yerusalemi, si gu la siminywa mba.
(lwa avandu vadzanga kulwana na Vakalidei, na ga veye kwizulitsa tsinyumba mibiri mikudzu gyavandu, ava ndiita mu livihirirwa lyange, nomu likendeka lyange, ava li kigira ubudamano bwavo mbisi mumoni mwange ku lidala yili:)
Yahova, Nyasaye wa Israeli, a ku volera, Tsia, u volere Zedekia mwami wa Yuda, u mu volere, Yahova a ku volera, Henza, nda vika lidala yili mmukono gwomwami wa Babuloni, naye a la li samba nomuliru:
Henza, nda laga, Yahova a vola, nda va leta kandi virane mu lidala yili: na va la lwana nalyo, nokulivugula, nokulisamba nomuliru: na nda kola madala ga Yuda kuva hatswa, ga vule kuva nomundu kumenya mugo.
Hene yaho Jeremia ya volera Zedekia, Yahova, Nyasaye wa mahe, uyu Nyasaye wa Israeli, a vola; Ive nu u va nu u twula nokutsia ku vanene vomwami wa Babuloni, hene yaho mwoyo gugwo gu la hindira, na lidala yili li la vula kusambwa nomuliru; na ive u la va mwoyo, na avenwmba yoyo halala.
Naw tswa ive nu u va nu u sula kutwula kutsia ku vanene vomwami wa Babuloni, hene yaho lidala yili li la vikwa mmakono ga Vakalidei, navo va la li samba nomuliru, na ive si u la hona mmakono gavo mba.
Navo va la twulidza avakali vovo vosi navana vovo vosi kuha Vakalidei: na ive si u la hona ku makono gavo mba, na wtswa u la gumirwa nomukono gwomwami wa Babuloni: na u la kola lidala yili li sambwe nomuliru.
Tsia, u volere Ebedimeleku Muethiopia, u mu volere, Yahova wa mahe, Nyasaye wa Israeli, a vola: Henza, nda leta makuva gange ku lidala yili ku budamano, na si ga veye ku bulahi mba; nago ga la dukidzwa imbiri wowo ku lidiku yilyo.
Kigira yaga Yahova wa mahe, Nyasaye wa Israeli, a vola: Henza, nda henzidza mmoni mwange ku mwinve nduke kuleta ku mwinye ubudamano, kali ku twulidza Yuda vosi.
Henza, mbenzeridzanga kuvo mba letere ubudamano, si ga li kuvaletera ubulahi: navandu vosi va Yuda ava veye mu kivala kya Egepeti va la dividzwa nekivavi, nenzala, kuduka va heridzwe ligali.
Na nda dinnya mmoni mwange kuhing'ana navo; na va la twula mu muliru, navutswa muliru gu la va samba, na mu la manya inze mbeye Yahova, lwa ndinnya mmoni mwange kuhing'ana navo.
Na ku vosi mundu wenyumba ya Israeli, kinga ku yavo ava menyi hagati havo, u lia masahi ku tsing'ano tsyosi, nda dinyiridza mumoni mwange ku mundu uyu u lia masahi nokumutwulidza hagati ha avandu veve.
Kandi nda vika mumoni mwange kuvukira mwinye, na mu la kuywa imbiri wa avasigu venyu: navo ava mu dunyira va lameha ku mwinye; na mu liruka inyinga ya a ta veye ho u mu kunganga.
Navutswa makuva gange na malago gange, ga nda laga avaprofeti avatumekiri vange, si ga nyola avadada venyu yavo? Navo va girunkannya nokuvola, Kuli Yahova wa rnahe ya saavira kukukolera, kuli tsinzira tsyetu, kuli vikolwa vyetu, ni ndiyo ya ku kolera.