Jeremia 20:3 - KITABU KITAKATIFU

³ Na ga duka mugamba, Pashuri ya twulidza Jeremia mu mikatale. Hene yaho Jeremia ya mu volera, Yahova si a ku guliki lieta lilyo Pashuri, navutswa a ku gulika Magormisabibu.

Jeremia 20:3 ပူးပေါင်းရင်းမြစ်များ

Litanga 17:15

Kandi Nyasaye ya volera Abrahamu, Ku Sarai mukali wowo, si u la mu langa lieta lilye Sarai, navutswa lieta lilye li la va Sara.

Litanga 17:5

Kandi lieta lilyo si li la langwa kandi Abram, navutswa lieta lilyo li la va Abrahamu; kigira nkoli ive dada wetsihiri tsinyingi.

Litanga 32:28

Na ya mu volera, Lieta lilyo si li la langwa kandi Yakobo, navutswa li la langwa Israeli: kigira u gerani na Nyasaye na avandu, na u guuti.

Zaburi 31:13

Kigira mbuliye limonya lyavanyingi, Ubutii bu nkumbiridza tsimbega tsyosi; Lwa va ntwulira mu livolerana makuva gavo Va saavira kutwulidza livamwoyo lyange.

Isaya 8:3

Na nda tsia ku muprofeti mukali; naye ya vereka, na yivula mwana muyai. Hene yaho Yahova ya mbolera, U gulike lieta lilye Maherishalalihashi bazu.

Jeremia 19:2

u twule u tsie mwivona lyomwana wa Hinom, i veye ha bwingiriru bwekiribwa kya Harsithu, wilwadze ho makuva ga nku volera;

Jeremia 19:6

kunangwa, kigira yaga, henza, amadiku gadzanga, Yahova a vola, mmadiku yago hano si ha la langwa kandi Tofethu mba, kinga Livona lyomwana wa Hinom, navutswa ha la langwa Livona lyo Kwiita.

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Jeremia 29:29

Na Zefania musalisi ya soma ibaruwa zana mu amatu ga Jeremia muprofeti.

Jeremia 46:5

Kigira ki ndoli inkuva yiyi? Va timuka enkolo na virana inyima; avaluviriri vavo va duywa, navo viruka, nokuvula kwekevuka; li veye litihidza tsimbega tsyosi, Yahova a vola.

Jeremia 6:25

U ta tsia kyova mu mulimi, u ta genda ku inzira; kigira kivavi kyomusigu ki veye yo, na litihidza tsimbega tsyosi.

Jeremia 7:32

Kigira yaga, henza, madiku gadzanga, Yahova a vola, mmadiku yago ha la vula kulangwa kandi Tofethu, kinga Livona lyomwana wa Hinom, navutswa ha la langua Livona lyo Bwiiti: kigira va la ta avandu mu Tofethu, kuduka si ha veye nobwiyangu buokuta ho kandi.

Lisyoma lya Jeremia 2:22

U langi, kuli mu lidiku lyelivugana, vyokutihidza vyange vi veye tsimbega tsyosi; Si ha veye kali mulala wa hona, kinga wa tigala mu lidiku lyobutima bwa Yahova: Yavo ava nda lera nokuvirukidza, musigu wange u mali ku va heridza.

Ezekieli 13:9

Mukono gwange gu la va ku vaprofeti va lolanga vindu vya vutswa, ava segetiranga ububehi: si va la va mu makuva gavandu vange, kandi si va la ng'odwa mu mang'oda genyumba ya Israeli, kandi si va lingira mu kivala kya Israeli, na mu la manya inze mbeye Mwami Nya saye.

Vikolwa 16:30

na a va Ieta kyova, na a vola, Avami, ga ndukira nkole ki, nduke kuhonnywa?