Jeremia 20:11 - KITABU KITAKATIFU

¹¹ Navutswa Yahova a veye halala ninze kuli wetsingulu wokutihidza: kigira yaga ava dambidzanga inze va lekigitala, navo va la vula kunguuta; va la va isoni ligali, kigira si va kola nobugeeri kali kwegugunnya mihiga nemihiga gi vula kwivirirwa.

Jeremia 20:11 ပူးပေါင်းရင်းမြစ်များ

Zaburi 129:2

Hali kanyingi va nkupidzi kivi kutwula lwa nkikiri mwana: Navutswa si va nguuti ligali mba.

Zaburi 35:26

Va leganywe nokuva isoni halala, yavo ava sangalira kivi kyange: Va vikwe tsisoni nelikyaywa, avegingira ku inze.

Zaburi 40:14

Va vikwe mu tsisoni, na va leganywe halala; Avenyanga mwoyo gwange kugudividza: Na viranywe inyima, na va legwe Ava sangala ku lidambidzwa lyange.

Zaburi 47:2

Kigira Yahova a veye Wegulu Ligali na wokutihidza; A veye Mwami munene ku lirova lyosi.

Zaburi 6:10

Avasigu vange vosi va la nyola tsisoni, na va la dambidzwa ligali: Va liranywa inyima, na va la nyola tsisoni bwangu.

Zaburi 65:5

Nevindu vyokutihidza u li ku tivulira mbulungi, O Nyasaye wobuhonywi bwetu, Ive u veye kisuuviri kyeviheri vyosi vyelirova, Kandi kya yavo ava veye ihale ku inyanza:

Zaburi 66:5

Hambi, mu lole vikolwa vya Nyasaye; Miyinzi gyigye gyi veye nelitibwa ku avana va avandu.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 45:16

Va la va isoni, yee, va la genya vosi; yavo ava lombanga vifwananvi va lingira mu leganywa halala.

Jeremia 1:18

Kigira, henza, nkoli ive lero kuva lidala lyolugaga, na itiru yekivya, namadigi gomugasa, ku kivala kyosi, ku avami va Yuda, ku vanene vakyo, ku vasalisi vakyo, noku yavo avamenyi vekivala.

Jeremia 1:19

Va la lwana nive; navutswa si va la ku guuta mba: kigira inze mbeye halala nive kukuhonnya, Yahova a vola.

Jeremia 1:8

U ta tia mba kigira yavo; kigira inze mbeye halala nive kukuhonnya, Yahova a vola.

Jeremia 15:15

O Yahova, u manya; u nzidzulitse, udze ku inze, u mbanzire kisalya ku yavo ava dambidzanga inze; u ta ntwulidza mu lyekudzira lilyo mba: u manye nyola amanyego kigira ive.

Jeremia 15:20

Nda kola ive u ve lidigi lyolugaga lwomugasa ku vandu yava; navo va la lwana nive, navutswa va la vula kukuguuta: kigira mbeye halala nive kukutungira nokukuhonnya, Yahova a vola.

Jeremia 17:18

Va ve isoni yavo ava dambidzanga inze, navutswa inze mbule kuva isoni; va timuke inkolo, navutswa inze mbule kutimuka inkolo; u lete kuvo lidiku lyobudamano, u va dividze lidividza hali kaviri.

Jeremia 22:22

Imbuudza i la lehidza avayi vovo vosi, na vayanze vovo va yanzanga ive va la lanywa: ligali ive inyinga yeyo u la va isoni nokutimuka enkolo kigira ubudamano bubwo bwosi.

Jeremia 23:40

na nda leta ku mwinye linyegwa, li tsitsagil'langa mihiga nemihiga, nokuva netsisoni kazozo, vi la vula kwivirirwa.

Jeremia 32:18

ive u verereranga tsielfu netsielfu, nokutungidza ubwoni bwavadada ku viritu vyavana vavo inyima wavo: u veye munene, Nyasaye Wanyala Vyosi, Yahova wa mahe nilyo lieta lilye;

Danyeli 12:2

Kandi avanyingi ku yavo ava gonanga mu lugukyi lwelirova va la vuka, avalala kuduka mu buhindiri bu ta hera mba na avandu kuduka mu tsisoni na liiegwa li ta hera mba.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.