Jeremia 2:6 - KITABU KITAKATIFU

⁶ Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Jeremia 2:6 ပူးပေါင်းရင်းမြစ်များ

2 Avami 2:14

Na ya gumira ingubo yokwigulu ya Elija yaguluka kutwula kuye, na ya kuyira amadzi, na a vola, Yahova Nyasaye wa Elija a veye haliha? Lwa ya mala kukuya amadzi, gayuka kutsia yiyi neyiyi; ma Elisha yambuka.

Ayubu 3:5

Li ve kisundi, ne kiriri kyelikudza ki li vugule li ve lyakyo; Lilesi li menye kulyo; Vyosi vi kolanga lidiku kuva kisundi vi li tihidze.

Ayubu 35:10

Navutswa si ha veye nomulala u volanga, Nyasaye Mulombi wange a veye haliha? U ku hedzanga liyimba tsinyimbu inyinga yobudiku,

Zaburi 23:4

Yee, ni mbe kugenda mu kivanda kyekiriri kyelikudza, Si nda tia kivi; kigira u veye ninze halala; Impimbo yoyo na lusala lulwo tsi nkiring'annya.

Zaburi 77:5

Nganagani madiku ga kale, Mihiga gya madiku ga vita.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Isaya 64:7

Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Jeremia 2:2

Tsia, u hanzuke mu amatu ga Yerusalemi, kuvola, Yahova a volanga he, Ndzi dzulitsanga ku makuva gogo amalahi agobusoleli bubwo, nobuyanzi bweli kwebwa lilyo; kuli wa nonda mu kyangalangwi, mu kivala ki ta tagangwa mu ubugutsa.

Jeremia 2:8

Avasalisi si va teva, Yahova a veye haliha? Na va tumikiranga lilaga si va manya inze mba: avamehanga ve baala ku inze, navaprofeti va profeta na Baal, na va tsia kulonda vindu vi ta duka.

Jeremia 5:12

Vambakani Yahova, nokuvola, Uyu si a li iye mba; kandi si ku la lola kivavi kinga inzala mba:

Jeremia 5:2

Kali ni va vola, Kuli Yahova a veye mwoyo; ligali visuhanga nobu behi.

Jeremia 51:43

Amadala gege ga gwiye vyanyi, kivala kyumu, ligendanyama, kivala ki ta veye nomundu u menya mukyo, kandi si ha veye nomwana womundu u vitanga ahimbi nalyo.

Hosea 12:13

Kandi Yahova ya twulidza Israeli mu Egepeti nomukono gwomuprofeti, na ya lindwa nomukono gwomuprofeti.

Hosea 13:4

Navutswa inze mbeye Yahova Nyasaye wowo kutwula ku kivala kya Egepeti; na ive u la vula kumanya Nyasaye wundi kali mulala na a ta li inze, si ha veye nomuhonnyi wundi u meda ku inze.

Amosi 2:10

Kandi nda mwanegeridza kutwula Egepeti, na nda mwimirira mihiga makumi gane mwigendanyama, mu duke kugumira kivala kya Vaamori.

Matayo 4:16

Avandu va li va menya mkisundi Va lola ubulavu bunene, Kandi kuvo ava menya mu kivala kyekiriri kyelikudza, Ubulavu bwa ng'ereng'ana kuvo.

Kwidzulitsa 1:19

Ma kwa samula kutwula Horebu, ni ku vita hagati he kyangalangwi kinene yikyo kyosi kyokutihidza kya mwa lola, ku inzira yekivala kyevigulu kya Vaamori, kuli Yahova Nyasaye wetu ya ku laga; kwa duka Kadesh-barnea.

Kwidzulitsa 32:10

Ya mu nyola mu kyangalangwi, Mu kyangalangwi kyere kukutihidza Ya mu kumbiridza, na a mu linda, Ya mu linda kuli indolelo yemoni.

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.

Vakalagi 6:13

Na Gideoni ya mu volera, Ive, mwami wange, Yahova na a va na a veye halala nekwinye, kigira ki inkuva yiyi i ku gwira? Hemiyinzi gyigye gyosi gyokugenya gyi veye haliha, gya vadada vetu va kwilwadzira, ni va vola, Yahova si ya ku leta kwanegire kutwula Egepeti? Navutswa kalunu Yahova u mali kukuta, na u ku viki mmakono ga Vamidiani.