Jeremia 2:31 - KITABU KITAKATIFU

³¹ O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 2:31 ပူးပေါင်းရင်းမြစ်များ

1 Avami 11:22

Hene yaho Farao ya mu volera, Navutswa u daki kindu ki ku inze hano, kya wenyeranga kutsia mkivala kikyo? Naye ya tivula, Auwa: kindu mba, navutswa mbe munwa ntsie vutswa.

2 Kyetsinyinga 31:10

Na Azaria musalisi munene, wenyumba ya Zadoku, ya mu tivulira, na a vola, Kutwula lwa avandu va tanga kuleta vindu vyokuhaana mu inyumba ya Yahova, kwa lia nokwiguuta, ni ku leka vinyingi: kigira Yahova ya gasidza avandu veve; na vya tigala ni yivi akiba inene.

Ayubu 21:14

Va volera Nyasaye, Twula ku kwinye; Kigira si kwenya limanya lyetsinzira tsitsyo.

Zaburi 10:4

Mudamano mu luyai lwommoni mwimwe a wla, si a la vanza mba. Tsiganagani tsitsye tsyosi tsi veye kuvola, Si ha li na Nyasaye.

Zaburi 12:4

Yava ava vola, Ku la guuta nolulimi lwetu Ku veye neminwa gyetu: ibwaha u veye mwami ku kwinye?

Tsing'ano 30:9

Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.

Isaya 45:19

Inze si mbolanga makiriri, ha kivala kyekisundi; si nda volera kisukululwi kya Yakobo, Mwenya inze vutswa: inze, Yahova, mbola bulungi, nzilwadzanga vindu vyobulungi.

Jeremia 2:20

Kigira inze mu madiku ga kale nda vunannya inira yoyo, nokukalanya vibohero vivyo; na ive wa vola, Si nda tumika mba; kigira winama, nokulonda ubuheyi ku kigulu sa kilala kitambi, na isi womusala sa mulala gwa matu mavisi.

Jeremia 2:25

Gaya kirenge kikyo gase ki la vula kuva nekilatu, nelidundu lilyo kuvula kuva nobuluhu. Navutswa ive wa vola, Si ha veye nelisuuvira mba; auwa, kigira inze nyanzi avageni, na nda va londa.

Jeremia 5:5

nda tsia ku vandu avanene, nda volerana navo; kigira va manya inzira ya Yahova, nelikalaga lya Nyasaye wavo. Navutswa yava nomwoyo mulala va vunannya inira, nokukalannya viboheru.

Jeremia 5:6

Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Ezekieli 14:5

nduke kugumira inyumba ya Israeli mu myoyo gyavo avene, kigira veyahuye ku inze ku vifwananyi vyavo.

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Amosi 1:1

Makuva ga Amosi, wa li ku avayi va Tekoa, ga ya lola ku Israeli mmadiku ga Uzia mwami wa Yuda, nomu madiku ga Jeroboam mwana wa Joashu mwami wa Israeli, mihiga gyiviri imbiri welidegera lyelirova.

Mika 6:9

Mwoyo gwa Yahova gu langanga ku lidala, mundu wobugeeri a la lola lieta lilye: mu hulire impimbo, ni bwaha wa gi laga.

1 Vakorintho 4:8

Mu mali kwiguta. Mu mali kugwa avatugi. Mu duki kwameha bugira kwinye. Yee, nkano mwamehi, kwinye ku duke kwameha halala nemwinye.

Kwidzulitsa 31:20

Kigira lwa mmali kuvaleta mkivala kya ndisuhira avaguga vavo, ki gangalukanga amaveere nobwuki, navo lwa va mali kulia nokwiguuta, nokukomera; hene yaho va la girunkana ku vanyasaye vandi, nokuvatumekira, nokulega inze, nokwononya lilagana lyange.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 32:18

U vuli kwidzulitsa Lwanda lwa kwivula Wiviriye Nyasaye wa kwivula.