Jeremia 2:30 - KITABU KITAKATIFU

³⁰ Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

Jeremia 2:30 ပူးပေါင်းရင်းမြစ်များ

1 Avami 19:10

Naye ya tivula, Nda li nelikendeka ligali kigi ra Yahova, Nyasaye wa mahe; kigira avana va Israeli va leki amalago gogo, nokutsoma hasi ubwali bubwo, navaprofeti vovo viitwa nekivavi: na inze, ntigaye inze tsyeng'ine; navo venyanga mwoyo gwange va duke kugutwulidza.

1 Avami 19:14

Naye ya tivula, Nda li nelikendeka ligali kigira Yahova, Nyasaye wamahe; kigira avana va Israeli va leki malago gogo, nokutsoma hasi ubwali bubwo, nokwiita vaprofeti vovo nekivavi; na inze, ntigaye inze tsyeng'ine; navo venyanga mwoyo gwange va duke kugutwulidza.

2 Kyetsinyinga 24:21

Na va mwekiruka ni va mu lasa magina ku lilaga lyomwami mu mumugidzi gwenyumba ya Yahova.

2 Kyetsinyinga 28:22

Nomu lidambidzwa lilye ya kira kuhyola imbiri wa Yahova, uyu mwami zana Ahazu.

2 Kyetsinyinga 36:16

navutswa va tindira avatumwa va Nyasaye, na va lega makuva gege, na va kolera vaprofeti veve kihenyihenyi, kuduka ubutima bwa Yahova bwa vuka ku avandu veve, kuduka ha vula kuva nekyoku honnya.

Nehemia 9:26

Navutswa va sula kuhulira ni vebaala ku ive, nokuvika lilaga lilyo himugongo havo, na viita vaprofeti vovo ava lolekidza kuvo kuvirannya ku ive, na va kola kivihiri kinene.

Isaya 1:5

Kigira ki mu kyenyanga likuywa kandi, kuduka kumeda bwebaali? Mutwe gwosi gu lwala, nomwoyo gwosi gu kudzi.

Isaya 59:3

Kigira makono genyu gononnyeywi namasahi, na videte vyenyu nobudamano; minwa gyenyu gyi vola bubehi, netsinimi tsyenyu tsi monyanga budamano.

Isaya 9:13

Navutswa avandu va vula kugi runkana ku uyu wa va kuya, kandi va vula kwenya Yahova wa mahe.

Jeremia 31:18

Ligali mbuliye Efiraim ni yesyomeranga kuvola, Ive u mbeye amageli na inze mbeveywi amageli, kuli kimoli ki kikiri kunala inira: u ngirunkannye, na inze nda girunkanywa; kigira ive u veye Yahova Nyasaye wange.

Jeremia 46:14

Mu landidze amakuva mu Egepeti, mwilwadze mu Migidoli, nokwilwadza mu Nofu nomu Tahapenesi: mu vole, Singira, wetegeke, kigira kivavi ki mali kulia ku tsimbega tsitsyo.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Jeremia 7:28

Na u la va volera, Yiyi ni ihiri i vuli kuhulira mwoyo gwa Yahova Nyasaye wavo kandi si va bugirira kuhebwa megidzo: ageligali ga goti, na ga kalageywi kutwulidzwa ku munwa gwavo.

Lisyoma lya Jeremia 4:13

Ga reye kigira ubwoni bwa vaprofeti veve, na budamano bwa vasalisi veve. Ava tahidza masahi ga valungi hagati hehe.

Ezekieli 22:24

Ive, mwana womundu, u volere kivala yikyo, Ive u veye kivala kya vula kutakaswa kandi imbula si ya kupidzwa ku ive mu lidiku lyelivihirirwa.

Ezekieli 24:13

Mu budamano bubwo mu veye netsiganagani tsindamano: kigira nda kwogidza na ive si wa lava mba, u la vula kulava ku budamano bubwo ligali, nduhe nduke kwigutidza ubutima bwange ku ive.

Danyeli 9:13

Kuli ga ng'owa mu malago ga Musa, kivi yiki kyosi ki duki ku kwinye: navutswa si ku saala liverererwa lya Yahova Nyasaye wetu, kweganire kuleka ubudamano bwetu, nokuva nelimanya mu ageligali gogo.

Zefania 3:2

Si ya hulira mwoyo yigu; si ya bugirira kwegidzwa; si ya suuvira ku Yahova; si yisunda himbi ku Nyasaye wewe.

Matayo 23:29

Ubudamano bu veye ku mwinye, avang'odi na Vafarisayo, avagadi kigira mwombaka vilindwa vyavaprofeti, na mu gasidza tsindidza tsvavalungi,

Vikolwa 7:52

U li ha ku vaprofeti, vaguga venyu va vula kudambidza? Kandi va viita yavo ava tanga kumannya lidza lyo Mulungi; wa mwinye kalunu mu mali kugwa avazami naviiti;

1 Vatesalonike 2:15

aviita Mwami Yesu, kandi avaprofeti, kandi va kunga kwinye, kandi si va yanzidza Nyasaye, kandi va hing'ana navandu vosi;

Likunula 16:9

Kandi avandu va sambwa noluhya lunene: kandi va nyega lieta lya Nyasaye u veye netsingulu tsyamaduya yaga; kandi si veganira kumuha lidzominya.