Jeremia 2:29 - KITABU KITAKATIFU

²⁹ Kigira ki mu la hing'ana ninze? Mwinye vosi mwebaaye ku inze Yahova a vola.

Jeremia 2:29 ပူးပေါင်းရင်းမြစ်များ

Jeremia 2:23

U nyala ndi kuvola Inze si nda kolwa mudamano mba si nda londa Vabaal? Henza inzira yoyo ha livona, u manye aga wa kola: u veye ing'amia yetsimbiru i londanga tsinzira tsyalyo;

Jeremia 2:35

Ive wa vola, Si nda hyola mba; ligali ubutima bwibwe bu girunkamlyevwi bu vule kuva ku inze. Henza, ndingira mu likalagirwa halala nive, kigira ive u vola, Si nda kola bwoni mba.

Jeremia 3:2

Ginga tsimoni tsitsyo u henze hadiguluku, u duke kulola; ni haliha ha va vuli kugonera ive? Ku luginga lwetsinzira wikaye kuvalindirira, kuli Muarabu mwigendanyamana ive wononnyi kivala nobuheyi bubwo nobudamano bubwo.

Jeremia 5:1

Mu nyagule yiyi na yiyi mu tsinzira tsya Yerusalemi, mu lole kalunu, nokumanya, nokwenya mu migidze gyalyo migalamu, nu u va nu u nyala kunyola musatsa mulala, na a va na a veye ho mulala u kolanga agobulungi, wenyanga ageligali; na inze nda sameha lidala yilyo.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Varumi 3:19

Kalunu ku manya gosi agelilaga lya vola, lya volera yavo ava veye mu lilaga; minwa gyosi gyi kunikwe, nelirova lyosi li letwe mu likalaga lya Nyasaye: