Jeremia 2:26 - KITABU KITAKATIFU

²⁶ Kuli umwivi a veye isoni lwa a nyoleka, ni ndiyo inyumba ya Israeli i veye isoni; y avo, na avami vavo, navanene vavo, navasalisi vavo, na avaprofeti vavo;

Jeremia 2:26 ပူးပေါင်းရင်းမြစ်များ

Ezara 9:7

Ku twula ku madiku gavaguga vetu ku gwiye avamahyolo ligali kuduka lero; kandi kigira ubudamano bwetu, kwi nye, navami vetu, navasalisi vetu, kwa li ni kwa vikwa mmakono gavami vevivala, nekivavi, nokuhilwa ava hambe, nokuhilwa valanye, noku tsisoni tsyommoni mwetu, kuli ga veye lero.

Zaburi 97:7

Ava tumekira vifwananyi vya vadzwa va lole teisoni Avegingiranga ku vifwananyi: Mwinye avanyasaye vosi mu sigamire Uyu.

Isaya 1:29

Kigira va la va netsisoni kigira misala gya mwa suuviranga, na mu la leganywa kigira milimi gya mwa tovola.

Isaya 44:11

Henza, avakye vosi va la va isoni; navasidza vavo va veye avandu: va vungidzwe halala vosi, va singire; va la tia, va la va isoni halala.

Isaya 44:9

Yavo va lomba kifwananyi kyokuvadzwa va veye vutswa vosi; na vindu vya va yanzidzanga si vi la va konya kindu; na valoli vavo avene si va lolanga mba, kandi si va manya: va duke kuva isoni.

Jeremia 2:36

Ki gira ki u voyovoyanga kuli ndiyo u duke kugirunkannya lugendo lulwo? U la va isoni kigira Egepeti kandi, kuli wa li isoni kigira Asuria.

Jeremia 22:22

Imbuudza i la lehidza avayi vovo vosi, na vayanze vovo va yanzanga ive va la lanywa: ligali ive inyinga yeyo u la va isoni nokutimuka enkolo kigira ubudamano bubwo bwosi.

Jeremia 32:32

kigira ubudamano bwosi bwavana va Israeli navana va Yuda, bwa va kola kumbihiriridza, yava, navami vavo, navaneni vavo, navasalisi vavo, navaprofeti vavo, navasatsa va Yuda, na va menyanga Yerusalemi.

Jeremia 4:9

Kandi ga la va ku lidiku yilyo, Yahova a vola, mwoyo gwomwami gu la kudza, nemyoyo gyavanene; navasalisi va la genya, navaprofeti va la tangalala.

Jeremia 48:27

Kigira Israeli si a veye lisekererwa ku ive? Ya loleka hagati ha avivi? Kigira ku tsinyinga tsyosi lwa u mu talanga, u sung'usanga mutwe.

Ezekieli 16:54

u duke kuginga tsisoni tsitsyo mwene, na u duke kuva isoni kigira gosi ga wa kola, kuli wa li kilema mwoyo kyavo.

Ezekieli 22:26

Avasalisi veve va kyaminyi lilaga lyange, no kwononnya vindu vyange vitakatifu: si va vika lyavukannya hagati hevitakatifu na vi tumekirangwa kazozo, kandi si va mannyi avandu lyavukana hagati hevindu vyobubi nevilahi, netsimoni tsyavo tsi visiywi ku masabato gange, na inze ndegannyiywi hagati havo.

Zekaria 5:4

Nda ki leta, Yahova wa mahe a vola, na ki lingira mu inyumba yomwivi, nomu inyumba ya uyu wisuhanga ku lieta lyange nobubehi; na ki la menya hagati ha inyumba yeye, nokugisamba halala nemisala gyayo na magina gayo.

Varumi 6:21

Inyinga zana mwa li namakuyu ki mu vindu vya mu veye soni navyo kalunu? Kigira kiheri kyevindu yivyo ni likudza.