Jeremia 2:25 - KITABU KITAKATIFU

²⁵ Gaya kirenge kikyo gase ki la vula kuva nekilatu, nelidundu lilyo kuvula kuva nobuluhu. Navutswa ive wa vola, Si ha veye nelisuuvira mba; auwa, kigira inze nyanzi avageni, na nda va londa.

Jeremia 2:25 ပူးပေါင်းရင်းမြစ်များ

2 Kyetsinyinga 28:22

Nomu lidambidzwa lilye ya kira kuhyola imbiri wa Yahova, uyu mwami zana Ahazu.

2 Kyetsinyinga 28:23

Kigira yii tira vanyasaye va Damasko vi haanwa, yava va mu duya; na ya vola, Kigira avanyasaye vavami va Siria va va konya, na inze nda viitira, va duke kunkonya. Navutswa yava va mu dividza, na Israeli hosi.

Isaya 2:6

Kigira ive u leki avandu vovo avenyumba ya Yakobo, kigira vizuye miima gyevugwe, navo va ng'oleranga ku malesi kuli Vafilisiti, na va huliri dzana navana vavageni.

Isaya 57:10

Wa luha kigira butambi bwenzira yoyo; navutswa wa vula kuvola, ga veye ga vutswa; wa nyola livukidzwa lyetsingulu tsitsyo; kigira yaga wa vula kukudza mwoyo.

Jeremia 13:21

U la vola ki ive lwa a vika yavo kuva mutwe ku ive, wa ive mwene u vegidza va ve avalina vovo? Ubusaliri si bu la ku gumira kuli mukali u veye mu lilumwa lilyei

Jeremia 13:22

Nu u va nu u teva mu mwoyo gugwo, Makuva yaga ga duka ku inze kigira ki? Kigira ubunene bwobudamano bubwo kitweya kikyo ki kunuliywe, na maki gogo ga saliranga.

Jeremia 14:10

Yahova a volera avandu yava likuva yili, Ni ndiyo va yanzi kuvoyavoya; si va gaya virenge vyavo: kigira yaga Yahova si ya va bugirira mba; kalunu a lidzulitsa ubudamano bwavo, nokuvanza kisalya ubwoni bwavo.

Jeremia 18:12

Navutswa va vola, Si ha veye nelisuuvira, kigira kwinye ku la tsia kulonda tsiganagani tsyetu avene, na ku la kola sa mulala ku kwinye kuli ubukyamu bwomwoyo gwigwe mudamano.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 22:20

Wanegire, u tsie Lebanon, u lire; u hanzuke mu Bashan, nokukupa lukwili kutwula Abarim; kigira avayanze vovo vosi va divi.

Jeremia 22:21

Inze nda ku volera inyinga yeligasidzwa lilyo, navutswa wa vola, Si nyenya kuhulira. Yigu ni mwima gugwo kutwula bwana buke, ogwa ive u vula kuhulirira mwoyo gwange.

Jeremia 3:13

Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.

Jeremia 44:17

Navutswa ligali kwinye ku la dukidza likuva sa lilala li twulanga mu minwa gyetu, kuvuyidzira mwami wekikali womi gulu vimuli, nokumutsukira vihaanwa vyevyokunwa, kuli kwa kola, kwinye na vaguga vetu, navami vetu, navane ne vetu, mu madala ga Yuda, nomu mahasi ga Yerusalemi; kigira inyinga yeyo kwa li nevyokulia vinyingi, kandi kwa li nobulamu bwetu, na si kwa lola budamano.

Lisyoma lya Jeremia 1:2

A liranga ligali inyinga yobudiku, amaliga gege gi doolanga ku tsindama tsitsye; Mu vosi avayanze veve si va veye nomulala u mu leminya mwoyo: Avalina veve vosi va mu koleye agobugadi; va gwiye avasigu veve.

Lisyoma lya Jeremia 4:4

Lulimi lwendanya i nunanga lu handirani mu kikalakula kigira ubuluhu: Avana vadoto va saavanga ubukima, na si ha veye nomundu u va megeranga.

Ezekieli 20:32

na yaga gingiranga mu tsiganagani tsyenyu si ga la va ho mba, mu ga mu volanga Kwinye ku la va kuli tsihiri, kuii ubwiko bwevivala, kutumekira musala neligina.

Hosea 2:3

gase nda mu navula a ve kyahonyo, na nda mu vika kuli mmadiku ga yivulwa, na nda mu kola kuli kyangalangwi, nokumuvika kuli kivala kyumu, nokumwiita nobuluhu.

Hosea 2:5

kigira mama wavo ya kola ubuheyi; uyu wa va vereka ya kola agetsisoni; kigira ya vola, Inze nda londa avayanze vange, ava mbedzanga vyokulia vyange namadzi gange, nobwoya bwamagondi bwange, nekatani yange, namaguta gange, nekyokunwa kyange.

Malaki 3:14

Mwinye mu vola, Litumekira Nyasaye si li veye nevya mbeti; kandi lilinda lya kwinye ku linda bulindi bwibwe li konya ki, na ligenda lyokugenda neliverera imbiri wa Yahova wa mahe, li konya ki?

Luka 15:22

Navutswa ise ya volera avatugwa veve, Mu tsie bwangu kuleta ingubo indahi kuvita tsyosi, mu mu vike; kandi mu mu vike imingiri ku kidete kikye, nevilatu ku virenge vivye:

Luka 16:24

Ya hanzuka na a vola, Dada Abrahamu, u mbererere, u tume Lazaro, a duke kudira isonga yekidete kikye mu madzi a kindidze lulimi lwange; kigira nsalira mu lumemo yilu.

Varumi 8:24

Kigira kwa honnywa mu lisuuviridzwa: navutswa lisuuviridzwa li lolangwa si li veye lisuuviridzwa mba: kigira ibwaha u henzerera kya u mali kulola?

Kwidzulitsa 28:48

kunangwa u la tumekira avasigu vovo ava Yahova a leta ku ive, nenzala, nobuluhu, nekyahonyo, nobudaka bwevindu vyosi: naye a la ku vika inira yekivya kwigoti lilyo, i luhe i ku dividze.

Kwidzulitsa 32:16

Va mkendekidza ku vanyasaye vageni; Na mavihiriridzo va mvihiriridza.