Jeremia 2:20 - KITABU KITAKATIFU

²⁰ Kigira inze mu madiku ga kale nda vunannya inira yoyo, nokukalanya vibohero vivyo; na ive wa vola, Si nda tumika mba; kigira winama, nokulonda ubuheyi ku kigulu sa kilala kitambi, na isi womusala sa mulala gwa matu mavisi.

Jeremia 2:20 ပူးပေါင်းရင်းမြစ်များ

1 Avami 12:32

Jeroboam ya vika lilia ku mweli gwegyitano na gyivaka, lidiku lyelikumi na gatano lyomweli, kuli lilia li veye mu Yuda, na yanegira kutsia ku bwali; ni ndiyo ya kola ha Betheli, na ya haana vihaanwa ku vimoli vya ya lomba: na ya vika ha Betheli avasalisi va hadiguluku ha ya lomba.,

1 Avami 14:23

Kigira veyombakira hadiguluku, neminara, nemisala gyemisambwa, ku vigulu vitambi vyosi ne isi we misala gyosi gyamatu mavisi;

Zaburi 107:14

Naye ya va twulidza mu kisundi nomu kiriri kyelikudza, Na a kalannya libofwa lyavo.

Zaburi 2:3

Kwononnye liboha lyavo Na ku syuve migoye gyavo ihale.

Zaburi 78:58

Kigira va mu vihiriridza nevitumi vyavo vyobwali, Nokumukendekidza nevifwananyi vyavo vyavadzwa.

Kutwula 19:8

Na avandu vosi va tivula halala, ni va vola, Gosi ga Yahova a voye ku la ga kola. Na Musa ya volera Yahova amakuva gosi Ba avandu.

Kutwula 24:3

Na Musa yadza na a volera avandu makuva gosi ga Yahova, na malago gosi: na avandu vosi va tivula nomwoyo mulala, ni va vola, Makuva gosi ga Yahova a voye, ku la ga kola.

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Isaya 1:21

Ga li ndi lidala lisuuvirifu li gwiye liheyi lya li nelizuye likalaga lyobulungi ubulungi bwa li ni bu gonanga mulyo, navutswa kalunu avalumindi.

Isaya 10:27

Na ga la duka ku lidiku yilyo musigo gwigwe gu la twula ku mavega gogo, nenira yeye i la twula kwigoti lilyo, nenira zana i lononywa nama guta.

Isaya 14:25

nda vunannya Muasuria mu kivala kyange, nda mu duvagira isi wevirenge mu vigulu vyange: kunangwa inira yeye i la twula kuvo, nemisigo gyigye gyi la twula ku ma vega gavo.

Isaya 9:4

Kigira ive u mali kuvu nannya inira yomusigo gwigwe, nomu digiru gwomivega lilye, nempimbo ya uyu u dambidzanga, kuli ku lidiku lya Midiani.

Jeremia 13:27

Inze ndola livihiriridza lilyo, kali ubuheyi bubwo, ne lilang'ana lilyo na makuva madamano agamalaya gogo, mu tugulu mu milimi. O bayaye ku ive Yerusalemi si wenya kutakaswa; vindu yivi vi la tsitsagil'la kuduka inyinga ki?

Jeremia 17:2

inyingaavana vavo vidzulitsa ubwali bwavo nemisambwa gyavo himbi nemisala mivisi mu vigulu vitambi.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 3:13

Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.

Jeremia 30:8

Na ga la duka mu lidiku yilyo, Yahova wa mahe a vola, Nda wnannya inira i twule ku ligoti lilyo, nevibohero vyayo nda vi kalannya: navageni si va la mu kola kuva mutugwa wavo kandi mba;

Jeremia 5:5

nda tsia ku vandu avanene, nda volerana navo; kigira va manya inzira ya Yahova, nelikalaga lya Nyasaye wavo. Navutswa yava nomwoyo mulala va vunannya inira, nokukalannya viboheru.

Ezekieli 16:28

Kandi wa tumekira amalaya halala na Asuria, kigira si u nyala kwigutidzwa; yee, wa tumekira amalaya halala navo, navutswa kandi si wiguta.

Ezekieli 16:31

kuli weyombakiranga hango hoho hanene ha mutwe gwamahasi gosi, nokulomba hadiguluku hoho mu tsinzira tsyosi, na si u veye kuli wa malaya, kigira wa lega livugula amadanyi.

Ezekieli 16:41

Na tsinyumba tsitsyo va la tsi samba nomuliru, nokudukidza likalaga ku ive imbiri wetsimoni tsyavakali vanyingi; na nda ku heridzera litumikira amalaya, na si u la haana amadanyi kandi mba.

Ezekieli 20:28

Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.

Ezekieli 23:5

Ohola ya tumekira malaya ku inyinga ya li yange; na ya yanza avayanze veve, Asuria avatende veve,

Hosea 1:2

Lwa Yahova ya tanga kuvola nomunwa gwa Hosea, Yahova ya volera Hosea, Tsia, u kwe mukali muheyi navana vobuheyi; kigira kivala ki kolanga ubuheyi ubunene, ku lileka Yahova.

Hosea 2:5

kigira mama wavo ya kola ubuheyi; uyu wa va vereka ya kola agetsisoni; kigira ya vola, Inze nda londa avayanze vange, ava mbedzanga vyokulia vyange namadzi gange, nobwoya bwamagondi bwange, nekatani yange, namaguta gange, nekyokunwa kyange.

Hosea 3:3

na nda mu volera, U la lindirira inze madiku manyingi; u la vula kwekola wamalaya, na u la vula kuvamukali wowundi: na inze nda va ndiyo ku ive.

Hosea 4:13

Viitanga tsisadaka tsyavo igulu wevigulu, nokusamba vimuli mu tugulu, isi wemisala tsing'ano tsinyingi, kigira viriri vyagyo vi veye vilahi: kigira yaga avakana venyu vekola malaya, na aviha venyu va kola ubuheyi.

Hosea 9:1

O Israeli, u ta sangala kigira busangali, kuli avetsihiri; kigira ive wa leka Nyasaye wowo, na wa tsia kulonda malaya, ive u yanzi madanyi ku tsindze tsyosi.

Kyavalevi 26:13

Inze mbeye Yahova Nyasaye wenyu, wa mu twulidza mu kivala kya Egepeti, mu vule kuva avatugwa vavo; na mmali kuvunanya misala gya inira yenyu, nokumusingeridza mu gende bulungi.

Nahum 1:13

Na kalunu nda vunannya inira yeye i twule ku ive, na nda kalannya vibohero vivyo.

Kwidzulitsa 12:2

Mwononye ligali hosi ha vetsihiri va tumekiranga avanyasaye vavo, tsihiri tsya mu va ni mu gumira, ku vigulu vitambi, noku tugulu, na isi wemisala gyosi mivisi:

Kwidzulitsa 15:15

Na u lidzulitsa ive wa li mutugwa mu kivala kya Egepeti, na Yahova Nyasaye wowo ya ku boholola: kunangwa nku laga lilaga yili lero.

Kwidzulitsa 26:17

Lero weyami Yahova kuva Nyasaye wowo, kandi weyami kugenda mu tsinzira tsitsye, nokugumira miima gigye na malago gege, nelikalaga lilye, nokuhulira mwoyo gwigwe:

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Kwidzulitsa 5:27

Wesunde himbi, u hulire gosi ga Yahova Nyasaye wetu a vola: na u ku volere gosi aga Yahova Nyasaye wetu a ku volera; na ku la hulira, nokugakola.

Joshua 1:16

Navo va tivulira Joshua, nokumbolera, Yaga gosi aga u ku lagi ku la kola, kandi hosi ho u ku tuma ku la tsia.

Joshua 24:24

Navandu va volera Joshua, Kwinye ku la tumekira Yahova Nyasaye wetu, na ku la hulira mwoyo gwigwe.

Joshua 24:26

Na Joshua ya ng oda makuva yaga mu kitabu kyelilaga lya Nyasaye; na ya vugula ligina linene, na a li singeridza ha zana isi womusala gwa li himbi hatakatifu ha Yahova.

Likunula 17:1

Mulala ku tsingelosi vatano na vaviri ava li nevituva vitano na viviri, yadza na a volerana na inze, na a vola, Hamba yinu, nda ku mannya likalagirwa lyowamalaya manene wikaye ku madzi manyingi;

Vakalagi 10:6

Navana va Israeli va kola ubudamano kandi imbiri wa Yahova, na va tumekira Vabaal, na Ashitarothu, navanyasaye va Siria, navanyasaye va Sidone, navanyasaye va Moabu, navanyasaye vavana va Amon, navanyasaye va Vafilisiti; na va leka Yahova, va vula kumutumekira.

Vakalagi 2:11

Navana va Israeli va kola budamano imbiri wa Yahova, na va tumekira Vabaal;

Vakalagi 2:13

Na va leka Yahova, ni va tumekira Baal na Ashitarothu.

1 Samweli 12:10

Na vanira ku Yahova, ni va vola, Kwinye ku koli ubwoni, kigira ku leki Yahova, na ku tumekiye yavo Vabaal na yavo Ashitarothu: navutswa u ku honnyi kalunu ku twule mmakono ga avasigu vetu, na ku la ku tumekira.