Jeremia 2:19 - KITABU KITAKATIFU

¹⁹ Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 2:19 ပူးပေါင်းရင်းမြစ်များ

1 Avami 18:18

Naye ya tivula, Si a li inze u dambidzanga Israeli; navutswa ni ive, nenyumba ya dada wowo kigira mu leki lilagana lya Yahova, na ive u londanga Vabaal.

2 Kyetsinyinga 12:5

Ma muprofeti Shemaia ya tsia ku Rehoboam noku vanene va Yuda, ava vungidzwa ha Yerusalemi ha virukira Shishaka, na ya va volera, Yahova a vola, Mwinye mwa leka inze, kigira yaga inze nda leka mwinye mmukono gwa Shishaka.

2 Kyetsinyinga 21:10

Ni ndiyo Edom vebaala isi womu kono gwa Yuda kuduka lero: hene yaho Libina yebaala inyinga yeyo, kutwula isi womukono gwigwe, kigira ya leka Yahova, Nyasaye wavaguga veve.

2 Kyetsinyinga 25:16

Na ga duka, lwa ya volerana naye, mwami ya mu volera, Ku viki ive u ve mboli womwami? Leka; kigira ki wenyanga kukuywa? Hene yaho muprofeti ya leka, na a vola, Mmanya Nyasaye u saaviye kudividza ive, kigira wa kola yaga, na wa vula kuhulira makuva gange.

Zaburi 36:1

Ubwibaali bwomudamano bu vola mu mwoyo gwange, Si ha li nelitibwa lya Nyasaye imbiri wetsimoni tsitsye.

Kutwula 33:6

Na avana va Israeli va navula vyokwisiaha kutwula mu kigulu kya Horebu nokutsia hambiri.

Tsing'ano 1:31

Kunangwa va la lia makuyu genzira yavo avene, Na va lizula makuva gavo avene.

Tsing'ano 1:32

Kigira lirana inyima lyavasiru li la viita, Na ligadahala lyavasiru li la va dividza.

Tsing'ano 5:22

Mudamano a la hambwa nobu damano bwibwe mwene, Na a la bofwa nemigoye gyobwoni bwibwe.

Isaya 3:9

Liloleka lyommoni mwavo li lolekidza lihing'ana kuvo: na va lang'aminya ubwoni bwavo kuli Sodoma, si va visanga mba. Budamano bu ve ku mwoyo gwavo kigira vekoli avene ubuda mano.

Isaya 5:5

Kalunu nda mu volera miyinzi gya nda li kukolera kizabibu kyange: nda twulidza ulwebo lwakyo, na ki la libwa; nda sambula lugaga lwakyo, na ki la duvagwa:

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Jeremia 1:16

Na inze nda vola likalaga lyange lyosi kuvo ku makuva gobukyamu bwavo bwosi, kigira va ndeki, na va vuyidza vimuli ku vanyasaye vandi, nokusigamira miyi nzi gyamakono gavo avene.

Jeremia 13:22

Nu u va nu u teva mu mwoyo gugwo, Makuva yaga ga duka ku inze kigira ki? Kigira ubunene bwobudamano bubwo kitweya kikyo ki kunuliywe, na maki gogo ga saliranga.

Jeremia 2:17

Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 4:18

Inzira yoyo nelikola lilyo vi ku nyoleye inkuva yiyi; henza ubudamano bubwo; kigira bu veye bululu, kigira bu dukanga ku mwoyo gugwo.

Jeremia 5:22

Si mu tia inze? Yahova a vola: si mu degera imbiri wommoni mwange, inze wa vika muyeke kuva lwako lwenyanza, ku lilaga li singiranga madiku gosi, i vule kunyala kuvita? Kali viguvuli vyayo ni vyehinula, si vi nyala kuguuta; kali ni vi luuma, si vi nyala kuvita kulwo.

Jeremia 5:24

Kandi si va vola mu myoyo gyavo Gendi ku tie Yahova Nyasaye wetu kalunu, uyu u letanga imbula, imbula yomuhiga, nembula ye itodzo ku inyinga yayo; uyu wa ku vikira masidza ga lagwa geligesa.

Jeremia 5:6

Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Jeremia 7:19

Yava va mbihiriridza naho? Yahova a vola; si va li avene avevihiriridza, kuduka ku tsisoni tsyomumoni mwavo?

Jeremia 8:5

Kigira ki avandu va Yerusalemi yava va tererekanga ndi kutsia inyima nokuterereka madiku gosi? Na va gumira ubugadi, va sula kwirana.

Ezekieli 23:30

U la kolerwa vindu yiyi, kigira wa tsia kulonda avetsihiri kutumekira malaya, kandi kigira wononywa ku vifwananyi vyavo.

Ezekieli 39:24

Kuli ububi bwavo kuli amahyolo gavo nda va kolera ndiyo; nda visa mmoni mwange kuvo.

Hosea 11:7

Navandu vange va kayirangwa kwirana inyima nokuleka inze: kali ni va va langa va tsie ku uyu u veye igulu, si ha veye nomulala u nyala kumwidzominya.

Hosea 13:9

O Israeli, weyononnyi mwene, navutswa ubukonyi bubwo bu veye mu inze.

Hosea 14:1

O Israeli, wirane ku Yahova Nyasaye wowo; kigira u gwiye mbudamano bubwo.

Hosea 4:16

Kigira Israeli u koli bwibaali, kuli iroli yobwibaali: kalunu Yahova a la va lihidza kuli mwana weligondi mu ubwiyangu bunene.

Hosea 5:5

Na uluyai lwa Israeli lu lolekidzanga imbiri wetsimoni tsitsye: kigira yaga Israeli na Efiraim va likigitala mu budamano bwavo, na Yuda a likigitala halala navo.

Hosea 7:2

Na va vula kuganagana mmyoyo gyavo inze nzidzulitsanga ubudamano bwavo bwosi: kalunu likola lyavo avene li va kumbiridza tsimbega tsyosi; li veye imbiri wetsimoni tsyange.

Hosea 9:1

O Israeli, u ta sangala kigira busangali, kuli avetsihiri; kigira ive wa leka Nyasaye wowo, na wa tsia kulonda malaya, ive u yanzi madanyi ku tsindze tsyosi.

Amosi 8:10

Na nda girunkannya madiku manene genyu ga ve lisyoma; na tsinyimbu tsyenyu tsyosi tsi la va lilira; na nda vika tsingubo tsyamagunia mu vikenge vyosi, na kyavusu ku mitwe gyosi: na nda ga kola ga ve kuli lisyomera umwana muyai muderwa, na kiheri ki ve kuli lidiku lilulu.

Mika 1:5

Kigira li hyolo lya Yakobo yaga gosi ga veye ho, na kigira ubwoni bwenyumba ya Israeli. Lihyolo lya Yakobo li veye ki? Si li veye Samaria? Kandi hadiguluku ha Yuda ni kindu ki? Si ha veye Yerusalemi?

Zekaria 7:11

Navutswa va sula ku hulira, na vegirunkannya haluvega, va hannya amatu gavo, va vule ku hulira.

Varumi 3:18

Si ha veye nokutia Nyasaye imbiri wetsimoni tsyavo.

Vakalagi 10:13

Navutswa mwa ndeka, na mwa tumekira avanyasaye vandi kigira yaga si nda mu honnya kandi mba.