Jeremia 2:18 - KITABU KITAKATIFU

¹⁸ Kalunu u veye na ki kya u kola ku inzira i tsitsanga Egepeti, kunwa amadzi ga Shihoru? Naho u veye na ki kya u kola ku inzira i tsitsanga Asuria kunwa amadzi go Mugera?

Jeremia 2:18 ပူးပေါင်းရင်းမြစ်များ

2 Kyetsinyinga 28:16

Inyinga yeyo mwami Ahazu ya hila vatumwa ku avami va Asuria vadze kumukonya.

Isaya 23:3

Ku amadzi manene bugutsa bwa Shihoru, neligesa lyomugera gwa Nili, vi veye limedeka vyalyo; nalyo lya li kitu kyetsihiri.

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 7:20

Mu lidiku yilyo Yahova a la vega mutwe namaswa gevirenge, nolugembe lwa nyolirwa na madanyi, ulu veye ku luvega lwengereka lwa Mugera halala nomwami wa Asuriana lu la dividza tsinderu kandi.

Jeremia 2:36

Ki gira ki u voyovoyanga kuli ndiyo u duke kugirunkannya lugendo lulwo? U la va isoni kigira Egepeti kandi, kuli wa li isoni kigira Asuria.

Jeremia 31:22

U la voyavoya kuduka inyinga ki, O mukana wirana inyima? Kigira Yahova u lombi inkuva impya mu lirova: Mukali a kinga musatsa.

Lisyoma lya Jeremia 4:17

Tsimoni tsyetu tsi kuvuki kulihenza likonywa lyetu lya vutswa: Mu lilindirira lyetu ku lindiriranga ihiri i ta nyala kuhonya.

Lisyoma lya Jeremia 5:6

Ku heye Avaegepeti makono Na Avasuria, ku duke kwiguuta vyokulia.

Ezekieli 16:28

Kandi wa tumekira amalaya halala na Asuria, kigira si u nyala kwigutidzwa; yee, wa tumekira amalaya halala navo, navutswa kandi si wiguta.

Ezekieli 17:15

Navutswa yebaala kuye kigira ya hila avatumwa veve kutsia Egepeti, va duke kumuha tsiparasi, navandu vanyingi. A la gasidzwa? U yu u kolanga vindu kuli yivi a la hona? A lononnya lilagana, nokuhona?

Ezekieli 23:30

U la kolerwa vindu yiyi, kigira wa tsia kulonda avetsihiri kutumekira malaya, kandi kigira wononywa ku vifwananyi vyavo.

Hosea 5:13

Lwa Efiraim a lola ubulwaye bwibwe, ka ndi Yuda lwa a lola litumite lilye, hene yaho Efiraim ya tsia Asuria, na ya tuma avandu ku mwami Jarebu: navutswa si a nyala kuhonnya mwinye, kandi si a nyala kuhonnya litumite lyenyu.

Hosea 7:11

Efiraim u gwiye kuli likuulu lisiru, li ta li nelimanya: vaniranga Egepeti, va tsitsanga Asuria.

Joshua 13:3

kutwula Shihoru, gu veye imbiri wa Egepeti, kuduka ku lwako lwa Ekiron ku luvega lwa kasikasini, kivala ki volwa kuva kya Vakanani; vakulundu vatano ava Vafilisiti: Vagaza, na Vaashidodi, na Vaeskaloni, na Vagiti na Vekiron; kandi Vaavim,