Jeremia 2:17 - KITABU KITAKATIFU

¹⁷ Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 2:17 ပူးပေါင်းရင်းမြစ်များ

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

2 Kyetsinyinga 15:2

naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.

Ayubu 34:27

Kigira va tsia haluvega ni va vula kumulonda, Na si va bugirira kugumira tsinzira tsitsye, kali indala kutsyo:

Ayubu 4:8

Kuli inze ndolanga, yavo ava limanga ubudamano, Noku midza kivi, va gesanga kya zana.

Zaburi 107:7

Na a vimirira ku inzira inungi, Va duke kutsia mu lidala lyokumenya.

Zaburi 136:16

Ku uyu wimirira avandu veve mwigendanyama; Kigira tsimbabasi tsitsye tsi veye ho mihiga nemihiga:

Zaburi 77:20

Wimirira avandu vovo kuli mwimiriri wekyayo, Nomukono gwa Musa na Haruni.

Tsing'ano 15:10

Li veye ho lihebwa amageli lida mbidzanga uyu u lekanga inzira; Na uyu u dunyira ligondokirwa a la kudza.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 59:13

mu lihyola nokwambakana Yahova, nokugirunkana kuvula kulonda Nyasaye wetu, nokuvola lidambidza nekirage, lisaavira nokutwulidza mu myoyo makuva gobubehi.

Jeremia 13:22

Nu u va nu u teva mu mwoyo gugwo, Makuva yaga ga duka ku inze kigira ki? Kigira ubunene bwobudamano bubwo kitweya kikyo ki kunuliywe, na maki gogo ga saliranga.

Jeremia 19:4

Kigira va leka inze, nokukola hano ha vule kumanyakana, va vuyidza vimuli hano ku vanyasaye vandi, ava va ta manya, avene kinga vaguga vavo, kinga avami va Yuda, va mali kwizulitsa hano amasahi aga yava ava ta li nekindu kuvo,

Jeremia 2:13

Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 4:18

Inzira yoyo nelikola lilyo vi ku nyoleye inkuva yiyi; henza ubudamano bubwo; kigira bu veye bululu, kigira bu dukanga ku mwoyo gugwo.

Jeremia 44:3

kigira ubudamano bwavo bwa va kola ku mbihiriridza, mu litsia lyavo kuvuyidza vimuli, nokutumekira ava nyasaye vandi, ava va vula kumanya, yavo, kinga mwinye, kinga vaguga venyu.

Jeremia 5:25

Ubu damano bwenyu bu mali kugirunka nnya vindu yivi, nobwoni bwenyu bwigaliye ubulahi mu vule kubu nyola.

Ezekieli 39:24

Kuli ububi bwavo kuli amahyolo gavo nda va kolera ndiyo; nda visa mmoni mwange kuvo.

Hosea 13:9

O Israeli, weyononnyi mwene, navutswa ubukonyi bubwo bu veye mu inze.

Mika 1:5

Kigira li hyolo lya Yakobo yaga gosi ga veye ho, na kigira ubwoni bwenyumba ya Israeli. Lihyolo lya Yakobo li veye ki? Si li veye Samaria? Kandi hadiguluku ha Yuda ni kindu ki? Si ha veye Yerusalemi?

Livalidza 32:23

Navutswa ni mu ta kola ndiyo, henza, mwinye mu koli ubwoni imbiri wa Yahova; na mwinye mu manye ligali, ubwoni bwenyu bu la mu nvola.

Kwidzulitsa 32:10

Ya mu nyola mu kyangalangwi, Mu kyangalangwi kyere kukutihidza Ya mu kumbiridza, na a mu linda, Ya mu linda kuli indolelo yemoni.

Kwidzulitsa 32:19

Yahova ya lola, na a va vihirirwa, Kigira livukidza ubutima bwibwe lyavana veve avayai navakana.