Jeremia 2:15 - KITABU KITAKATIFU

¹⁵ Ving'ang'a visoleli vi fwumanga kuye, nokuloka; na vi koli kivala kikye kuva vutswa: mada la gege ga hiye, si ga veye navandu.

Jeremia 2:15 ပူးပေါင်းရင်းမြစ်များ

Ayubu 4:10

Lifuuma lyeking'ang'a, nomwoyo gweking'ang'a kilulu, Na amino geving'ang'a visoleli, ga vuniki.

Zaburi 57:4

Mwoyo gwange gu veye hagati heving'ang'a; Ng'onanga hagati ha yavo avaakanga muliru, Va veye avana vavandu, avamino gavo ga veye matimu na mibano, Na ululimi lwavo lu veye kivavi kyogi.

Isaya 1:7

Kivala kyenyu ki veye king'anye; madala genyu ga sambeywi nomuliru; kivala kyenyu, avamenyi va ki lia imbiri wetsimoni tsyenyu, nakyo ki veye king'anye, kuli kya vamenyi va tung'aminya.

Isaya 24:1

Henza, Yahova a kola lirova kuva lyere, na a li kola kuva vutswa, nokulitung'aminya, na ya salannya avamenyi mulyo.

Isaya 5:29

lihuma lyavo li la va kuli lifwuma lyeking'ang'a, va la fwuma kuli ving'ang'a visoleli; yee, va la fwuma noku gumira vilanye, nokuvivugula va tsie navyo bulahi, na si ha la va nomundu kuvahonnya.

Isaya 5:9

Mu amatu gange, Yahova wa mahe a vola, Ligali tsinyumba tsinyingi tsi la lekwa tsing'anye, kali tsi veye tsinene na tsindahi, tsi la va bugira avandu.

Isaya 6:11

Hene yaho nda teva, Yahova, kuduka inyinga ki? Naye ya ntivulira, Kuduka lwa madala ga kolwa mang'anye bugira mundu, netsinyumba bugira avandu, nekivala ki tigala kyere,

Jeremia 10:22

Gu veye mwoyo gwamakuva, henza, gudzanga, umuliviti munene gu twula ku kivala kya kasikasini, kukola madala ga Yuda kuva hatswa, ga ve ubumenyo bwevibwe.

Jeremia 25:30

Kunangwa kigira yaga u profete makuva yaga gosi kuvo, u va volere, Yahova a la fwuma kutwula igulu, a la twulidza mwoyo gwigwe kutwula ha bumenyo bwibwe butakatifu; a la fwuma ligali ku kego kikye; a la hanzuka, kuli yavo ava duvaganga mazabibu, ku yavo vosi ava menyanga mu lirova.

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 26:9

Kigira ki wa profeta mu lieta lya Yahova, kuvola, Inyumba yiyi i la va kuli Shilo, nelidala yili li la va lyere, si li la va ho nomundu u menya mulyo? Navandu vosi va li ni va vuganiye Jeremia mu inyumba ya Yahova.

Jeremia 33:10

Yahova a vola ndi: Kali kandi ga la hulirwa hano, ha mu volanga Ha veye ahere, ha tsi ta veye nomundu kinga inyama, kali mu madala ga Yuda, nomu tsinzira tsya Yerusalemi, tsi veye hatswa, tsi ta li ku nomundu kinga avamenyi kinga inyama

Jeremia 34:22

Henza, nda laga, Yahova a vola, nda va leta kandi virane mu lidala yili: na va la lwana nalyo, nokulivugula, nokulisamba nomuliru: na nda kola madala ga Yuda kuva hatswa, ga vule kuva nomundu kumenya mugo.

Jeremia 4:7

King'ang'a kyanegiye kutwula mu liginga lyakyo, nomudividzi wetsihiri; a veye mu inzira, u mali kutwula hango hehe a duke kukola kivala kikyo kuva vutswa, amadala gogo ga kolwe vyanyi ga vule kuva nomundu mugo.

Jeremia 44:22

Kuduka Yahova si ya nyala kwikudzira kandi, kigira ubudamano bwevikolwa vyenyu, kandi kigira kivihiri kya mu koli; kigira yaga kivala kyenyu ki gwiye hatswa, neligenya, nelilaamwa, kali si ki veye nomundu mukyo, kuli ga veye lero.

Jeremia 5:6

Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Jeremia 50:17

Israeli a veye ligondi lya sala nywa; ving'ang'a vi mu kungi; kutanga, mwami wa Asuria ya mu liana kalunu Nebukadirezaru mwami wa Babuloni ya vunannya vigumba vi vye.

Jeremia 51:38

Va la loka halala kuli ving'ang'a visoleli; nokuhuuma kuli avana veking'ang'a.

Jeremia 6:8

Wegidzwe, O Yerusalemi, gase mwoyo gwange gu lavukana nive ligali; gase nda kola ive kuva hatswa, kivala kyavandu va ta menya mu.

Jeremia 9:10

Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.

Jeremia 9:11

Nda kola Yerusale ni kuva vitumi, ubumenyo vyevibwe; kandi nda kola madala ga Yuda vyanyi, avandu va vule kumenya mugo.

Ezekieli 36:3

kigira yaga u prolete, u vole, Mwami Nyasaye a vola ndi: Kigira, yee, kigira va koli mwinye hatswa, nokumira mwinye tsimbega tsyosi, mu duke kuva miyandu gyetsihiri tsyatigala, na mwa vugulwa mu minwa gya yavo ava volanga, nomu makuva gobudamano bwava ndu;

Ezekieli 5:14

Kandi nda kola ive kuva hatswa namanyego mu tsihiri tsya kumbiridza ive, imbiri wetsimoni tsya yavo vosi ava vitanga.

Hosea 11:10

Va la londa Yahova, a la fwuma kuli king'ang'a, kigira a la fwuma, navana va ladza kutwula imadioli ni va degera.

Hosea 5:14

Kigira nda va kuli king'ang'a ku Efiraim, na kuli king'ang'a kisoleli ku inyumba ya Yuda: inze, yee, inze mwene nda tandula na nda tsia; nda hila ihale, na si ha veye no nyaia kuhonnya.

Amosi 3:12

Yahova a vola ndi: Kuli mwayi a twulidza mu munwa gweking'ang'a, virenge viviri, kinga kidonye kyogutu; ni ndiyo avana va Israeli va la twulidzwa ava menyanga mu Samaria mu ikorna mwekitali nomu Damasko ku kitali.

Amosi 3:4

King'ang'a ki la fwuma mmulitu lwa ki ta veye mu lihima? King'ang'a kisoleli ki la loka ha bumenya bwakyo bugira kugumira kindu?

Amosi 3:8

King'ang'a ki mali kufwuma; ni bwaha u ta tia? Mwami Nyasaye a voye, ni bwaha u nyala kuvula ku profeta?

Nahum 2:11

Ubumenyo bweving'ang'a bu veye haliha, na hevi ng'ang'a visoleli vi liiranga ha veye haliha, heving'ang'a vi genda, kisatsa kikali, nekisoleli, si ha veye na u vi tihidza?

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Zefania 2:5

O bayaye ku va menyanga ha luginga lwenyanza, ihiri ya Vakerethi Likuva lya Yahova li veye ku ive O Kanani, kivala kya Vafilisiti; nda ku dividza a luhe a vule kuva ho mumenyi mu ive kali mulala.

Zefania 3:6

Ntwulidzi tsihiri; tsimpinga tsyavo tsinene tsi lekeywi hatswa; nkoli amahasi gavo kuva hatswa, si ha veye na u vita ku kali mulala; madala gavo ga dividzeywi, si ha veye nomundu kali mulala, si ha veye nowokumenya mu kali mulala.

Zekaria 11:3

Mwoyo gwelikupa tsikwili gwa avayi kigira ubukumi bwavo bwononnyeywi: mwoyo gwelifwuma lyeving'ang'a visoleli kigira luyai lwa Yordani lwononnyeywi.

Vakalagi 14:5

Na Samsoni ya sulunguta, na dada wewe na mama wewe, kutsia Timina, na va duka mmilimi gyemizabibu gya Timina: na henza king'ang'a kisoleli kya mu humira.