Jeremia 2:13 - KITABU KITAKATIFU

¹³ Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

Jeremia 2:13 ပူးပေါင်းရင်းမြစ်များ

2 Avami 22:17

Kigira va leka inze, na va vuyidza vimuli ku vanyasaye vandi, va duke kumbihiriridza nemiyinzi gyosi gyamakono gavo; kigira yaga ubutima bwange bu laaka hano, nabwo si bu la siminywa mba.

Zaburi 36:9

Kigira kisenukiru kvamadzi gelivamwoyo ki veye ku ive: Mu ubulavu bubwo ku la lola ubulavu.

Kohelethu 1:14

Mmali kulola miyinzi gyosi gyi kolangwa isi weliuva; na, henza, vyosi ni vya vutswa, nokudidikana ku imbuudza.

Kohelethu 1:2

Vi veye vutswa vya vutswa, Mwilwadzi a vola; vutswa vya vutswa, vindu vyosi vi veye vya vutswa.

Kohelethu 12:8

Ga veye vutswa aga vutswa, Mwi lwadzi a vola; vindu vyosi ni vya vutswa.

Kohelethu 2:11

Ma nda henza miyinzi gyosi gyamakono gange ga kola, nelinyankana lyosi lya nda nyankana ku: henza, vyosi vya li vya vutswa nokudidikana ku imbuudza, kandi si ha li nekyambeti kali kilala, isi weliuva.

Kohelethu 2:21

Kigira mundu a veye ho welididikana lilye li veye halala nobugeeri, na halala nelimanya, na nobusidza; navutswa kandi a la lekera mundu wa vula kudidikana mu, ki ve kidieli kikye. Yaga kandi ga veye ga vutswa nobudamano bunene.

Kohelethu 2:26

Kigira Nya saye a hedzanga umundu wa a yanza ubugeeri, nelimanya, nelisangala; navutswa a hedzanga wobwoni, linyankana, kuvungidza nokumeda, a duke kuha wa Nyasaye a yanza. Yaga kandi na ga vutswa, nokudidi kana ku imbuudza.

Kohelethu 4:4

Kandi nda lola mu makuva gelididikana lyosi nomu miyinzi gyosi gyobusidza, mundu a kendekerangwa na vakye veye kigira yaga. Yaga kandi ga veye ga vutswa, nokudidikana ku imbuudza.

Isaya 1:3

Ing'ombe i manyanga umwene yo, na isukiri i manyanga ligungi lyomwene yo; navutswa Israeli si a manyi mba, avandu vange si va ganagana mba.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 12:3

Kuna ngwa kigira yaga mwinye mu la daha amadzi nobuyanzi mu vidaho vyelihonywa.

Isaya 5:13

Kigira yaga avandu vange va lanywa kigira va daka limanya; navandu vavo avelimanyikana va kudza nenzala, navanyingi kuvo va kudzanga nobuluhu.

Isaya 55:2

Kigira ki mu tungange if e tha ku ki ta veye kyokulia? Nokutunga miyinzi gyenyu ku yikyo ki vula kwigutidza? Mu hulire inze nobugulu, mu lie ki veye kilahi, na myoyo gyenyu gyi sangale mu bunolu.

Isaya 63:8

Kigira ya vola, Ligali, va veye avandu vange, avana ava li vula kukola nobugadi: kunangwa ya li Muhonnyi wavo.

Jeremia 1:16

Na inze nda vola likalaga lyange lyosi kuvo ku makuva gobukyamu bwavo bwosi, kigira va ndeki, na va vuyidza vimuli ku vanyasaye vandi, nokusigamira miyi nzi gyamakono gavo avene.

Jeremia 14:3

Avanene veve va tumi avake vavo va dahe madzi: va duka mu madavalia, na si va nyola madzi mba; virana neviju vyavo vikaya: va veye isoni, nokugenya nokukunika mitwe gyavo.

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 17:13

O Yahova, ive kisuuviri kya Israeli, vosi ava lekanga ive va la va isoni. Yavo ava twula ku inze va la ng'odwa mu lirova, kigira va leka Yahova, u veye kisenukiru kyamadzi gelivamwoyo.

Jeremia 18:14

Likonza lya Lebanon li Ia kama ku ligina lyommulimi? Kinga amadzi makindu aga gwidzanga hasi kutwula ihale ga luminywa?

Jeremia 19:4

Kigira va leka inze, nokukola hano ha vule kumanyakana, va vuyidza vimuli hano ku vanyasaye vandi, ava va ta manya, avene kinga vaguga vavo, kinga avami va Yuda, va mali kwizulitsa hano amasahi aga yava ava ta li nekindu kuvo,

Jeremia 2:11

Ihiri ya girunkannyaa avanyasaye vavo, ava ta veye avanyasaye? Navutswa ava ndu vange va girunkannya ubukumi bwavo ku kya vutswa.

Jeremia 2:17

Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 2:26

Kuli umwivi a veye isoni lwa a nyoleka, ni ndiyo inyumba ya Israeli i veye isoni; y avo, na avami vavo, navanene vavo, navasalisi vavo, na avaprofeti vavo;

Jeremia 4:22

Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

Jeremia 5:26

Kigira mu avandu vange va loleki mu avadamano: va lindanga, kuli yavo ava gumiranga manyonyi mu ligoneka; va teganga mutego, va gumiranga avandu.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Ezekieli 14:5

nduke kugumira inyumba ya Israeli mu myoyo gyavo avene, kigira veyahuye ku inze ku vifwananyi vyavo.

Ezekieli 47:1

Na ya nzirannya kuduka ku kiliangu kyenyumba; na, henza, amadzi ga twula isi womukingi gwenyumba ku luvega lwevugwe (kigira imbiri wenyumba ya henza ku luvega lwevugwe); namadzi ga li ni ga twulanga isi, ku luvega lwomukono mulungi lwenyumba, ku luvega lwobwali lu henza kusini.

Mika 2:8

Navutswa madiku yaga avandu vange va singira kuli avasigu: mwinye mu va nuye ijoho mu tsingubo tsya yavo ava vitanga nemirembe kuli avandu va ta yanza ubulwani.

Mika 6:3

O avandu vange, mmu koleye ki? Mmu luhidzi mu kindu ki? Mu lolekidze ku inze.

Zekaria 13:1

Mu lidiku yilyo kisenukiru ki la senukira inyumba ya Daudi, nava menyi Yerusalemi, kigira ubwoni na kigira busamuku.

Yohana 4:10

Yesu ya tivula na a mu volera, Ive nu u manya kihaanwa kya Nya saye, kandi ni bwaha u ku volera Mpe, kunwa; nkano wa ka mu teva naye nkano ya ka ku ha amadzi agelivamwoyo.

Yohana 4:11

Mukali ya mu volera, Mwami, Si u veye nekyokudahira, nekidaho ki veye hasi: u la nyola ha li ha amadzi yaga gelivamwoyo?

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 7:37

Ku lidiku lyekiheri, lidiku linene lyelilia, Yesu ya singira na a gamba, na a vola, Mundu na a va na a veye nobuluhu, yadze ku inze a nwe.

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

2 Petro 2:17

Yava nivo vidabo vi ta li namadzi, nelilumbe lyekihuudzudzi ki hilanga, ava vikeywi ubumwamu bwekisundi.

Likunula 21:6

Kandi ya mbolera, Ga koleywi. Inze mbeye Alfa na Omega, litanga nekiheri. Inze nda ha wobuluhu kisenukiru kyamadzi gelivamwoyo, a nwe ku vutswa.

Likunula 22:1

Kyo Mwana Weligondi. Kandi ya mmannya mugera gwamadzi gelivamwoyo, mang'ereng'anu kuli ubulengeru, gu senukanga mu intebe ya Nyasaye neyo Mwana Weligondi,

Likunula 22:17

Kandi Roho nomwiha va vola, Hamba. Kandi uyu u huliranga a vole, Hamba. Kandi uyu u veye nobuluhu yadze: kandi uyu wenyanga a vugule vutswa amadzi gelivamwoyo.

Vakalagi 10:13

Navutswa mwa ndeka, na mwa tumekira avanyasaye vandi kigira yaga si nda mu honnya kandi mba.

1 Samweli 12:10

Na vanira ku Yahova, ni va vola, Kwinye ku koli ubwoni, kigira ku leki Yahova, na ku tumekiye yavo Vabaal na yavo Ashitarothu: navutswa u ku honnyi kalunu ku twule mmakono ga avasigu vetu, na ku la ku tumekira.