Jeremia 19:7 - KITABU KITAKATIFU

⁷ Na nda kola makuva ga Yuda na Yerusalemi kuva vutswa hano; na nda va dividza nekivavi imbiri wa vasigu vavo, noku makono ga yava avenyanga livamwoyo lyavo: nemibiri mikudzu gyavo nda gyi haana gyi ve vyokulia vyamanyonyi gombwerefu, netsinyama tsindulu tsyekivala.

Jeremia 19:7 ပူးပေါင်းရင်းမြစ်များ

2 Avami 21:14

Na nda syuva ligali li tigala lyemiyandu gyange, nokuvavika mmakono gavasigu vavo; navo va la hilwa avahambe, na lilanye lyavasigu vavo;

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Isaya 29:14

kunangwa kigira yaga, henza nda kola kandi miyinzi gyeligenya hagati ha avandu yava, miyinzi gyeligenya, likuva lyokugenya nokuhuga; nobugeeri bwavageeri vavo bu la gota, nelimanya lyavetsiganagani vavo li la viswa.

Isaya 8:10

Mu lomba makuva ha lala, na ga la kolwa kuva vutswa; mu vole likuva, na li la vula kusingira: kigira Nyasaye a veye halala ne kwinye.

Jeremia 15:2

Na ga la duka, lwa va ku volera, Ku la twula kutsia haliha? Hene yaho u la va volera, Yahova a vola: Ava ng'odwa ku likudza, va la tsia kukudza; na va ng'odwa ku kivavi, va la tsia ku kivavi; na va ng'odwa ku inzala, va la tsia ku inzala, na va ng'odwa ku lilanywa, va la va lilanya.

Jeremia 15:9

Mukali uyu wivuli avana vatano na vaviri u gehi tsingulu; na u lakuye mwoyo; liuva lilye li yera ni gu kikiri mbasu; u nyoye tsisoni nokuleganywa: na va tigala kuvo nda va vika ku kivavi imbiri wavasigu vavo, Yahova a vola.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 18:21

Kunangwa kigira yaga haana avana yavo va lola inzala, u va haane va ve isi wetsingulu tsyekivavi; navakali vavo, avana va gote kuvo, navo va ve avakunzakali; na avasatsa vavo viitwe nelikudza, na vasoleli vavo vayai viitwe nekivavi mbulwani.

Jeremia 21:7

Na inyima wa yaga, Yahova a vola, Zedekia mwami wa Yuda, navatumekiri veve, navandu vosi ava li tigala mu lidala yili inyima wobulwaye zana, nekivavi, nenzala, nda va vika vosi mmukono gwa Nebukadirezaru mwami wa Babuloni, nommakono gavasigu vavo, nommakono ga yavo avenyanga livamwoyo lyavo: naye a la viita nobwogi bwekivavi; si a la va leka mba, kandi si a la va vererera mba, kinga kuva vera tsimbabasi.

Jeremia 22:19

A la tebwa kuli litebwa lya isukiri, kukweswa nokusigiswa kyova ihale neviribwa vya Yerusalemi.

Jeremia 22:25

na nda ku vika mmakono ga yavo avenyanga livamwoyo lilyo, nommakono ga yavo ava u tidzanga, livola li veye mmukono gwa Nabukadirezaru mwami wa Babuloni, nammakono ga Vakalidei.

Jeremia 32:28

Kunangwa Yahova a vola ndi: Henza, nda vika lidala yili mmukono gwa Vakalidei, nommukono gwa Nebukadirezaru mwami wa Babuloni, naye a la li vugula:

Jeremia 34:20

inze nda va vika mmukono gwavasigu vavo, mu mukono gwa yavo avenyanga livamwoyo lyavo; na mibiri mikudzu gyavo gyi la va vyokulia vyamanyonyi gombwerefu, na vyetsinyama tsindulu tsyomu lirova.

Jeremia 46:26

nda va vika mmakono ga yavo avenyanga myoyo gyavo, nomu makono ga uyu Nebukadirezaru, mwami wa Babuloni, nommakono gavatumekiri veve; na inyima wa yago ki la menywa navandu kandi, kuli ga li mu madiku ga matsyambiri, Yahova a vola.

Jeremia 7:33

Na mibiri mikudzu gyavandu yava gyi la va vyokulia vyamanyonyi agombwerefu, na tsinyama tsyomu lirova; na si ha la va nomundu wokuvikunga.

Jeremia 8:2

na va la vi vagala ku mbasu noku bwomweli, noku lihe lyosi iyomigulu, avanyasaye va va li ni va yanza, nokuvatumekira, nokuvalonda, nokuvenya, nokuvasi gamira: vi la vula kuvungidzwa, kandi vi la vula kutebwa, vi la va isina mmoni mwekivala.

Jeremia 8:8

Mu volanga ndi, Kwinye ku veye nobugeeri, kandi lilaga lya Yahova ku veye nalyo? Navutswa, henza, ikalamu yobugadi ya vang'odi i kolanga ubugadi.

Jeremia 8:9

Avandu vobugeeri va nyoye tsisoni, va timuki inkolo nokugumirwa: henza, va suye likuva lya Yahova; na va veye nobugeeri ki muvo?

Lisyoma lya Jeremia 3:37

Ni bwaha u volanga, ma li va, ni i va Yahova si ya li laga mba?

Kyavalevi 26:17

Kandi nda vika mumoni mwange kuvukira mwinye, na mu la kuywa imbiri wa avasigu venyu: navo ava mu dunyira va lameha ku mwinye; na mu liruka inyinga ya a ta veye ho u mu kunganga.

Kyavalevi 26:25

Na nda leta kivavi ku mwinye, ki li vanza kisalya kyelilagana; na mu la vuganywa halala mu madala genyu: na nda leta a lukudzo ludamano hagati henyu; na mwinye mu la vikwa mu mukono gwa avasigu venyu.

Varumi 3:31

Kunangwa kwononnya lilaga ku lisuuvira yili? Auwa, ga ta va ndiyo, navutswa ku dinyeridza lilaga.

Varumi 4:14

Kigira yava avelilaga ni va va ava nyola miyandu lisuuvira lyoneki, kandi lisuuviridza li koleywi lyavutswa:

1 Samweli 17:46

Ku lidiku lya lero yili Yahova uyu a la ku vika mmukono gwange; na nda ku duya, nokutwulidza ku ive mutwe gugwo; na inze lero nda ha manyonyi gombwerefu na tsinyama tsindulu tsyekivala mibiri gyelihe gya Vafilisiti; lirova lyosi li duke kumanya Nyasaye a veye mu Israeli,