Jeremia 19:15 - KITABU KITAKATIFU

¹⁵ Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 19:15 ပူးပေါင်းရင်းမြစ်များ

Nehemia 9:17

na va sula kugakola, kandi si va ganagana vyokugenya vya wa kola hagati havo, navutswa va kola amagoti gavo kuva madinyu, nomu bwebaali bwavo ve tovolera munyampara va duke kwira na mu butugwa bwavo. Navutswa h ive u veye Nyasaye wetegeki kusame ha, wetsimbabasi, na wizula liverere ra, wa galaha ku butima, nowobunyi ngi bwetsimbabasi, si wa va leka mba.

Nehemia 9:29

na wa lolekidza kuvo u duke ku valeta kandi mu lilaga lilyo. Na vutswa va kola noluyai, na va vula kuhulira amalago gogo, navutswa va kola ubwoni ku likalaga lilya (gyomundu a va na a li kola, a la va mwoyo mulyo), na va twulidza mavega gavo, nokukola amagoti gavo madinyu, nokusula kuhulira.

Jeremia 11:11

Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 11:17

Kigira Yahova wa mahe wa ku simika, a vola ubudamano ku ive, kigira ubudamano bwenyumba ya Israeli nobwenyumba ya Yuda, bwa vekolera avene kumbihiriridza, kigira va vuyidzira Baal vimuli.

Jeremia 13:11

Kigira ga veye kuli musipi gu hambana nekikenge kyomundu, ni ndiyo inze ndehambannya inyumba yosi ya Israeli nenyumba yosi ya Yuda, Yahova a vola; va duke kuva ku inze avandu nelieta, nelidzominywa, nobukumi, navutswa si va bugirira kuhulira mba.

Jeremia 17:23

Navutswa si va hulira mba, kinga kutegidza amatu gavo, navutswa va kola magoti gavo kuva madinyu, va vule kuhulira, va vule kugumira megidzo.

Jeremia 18:11

Kunangwa kalunu, u volere avandu va Yuda, na va menya mu Yerusalemi, u vole, Yahova a vola: Henza, nombanga ubudamano ku mwinye, nokusaavira lisaava ku mwinye: mwirane kalunu sa mulala a leke inzira yeye indamano, mu lombe tsinzira tsyenyu, nevikolwa vyenyu.

Jeremia 19:3

u vole, Mu hulire likuva lya Yahova, mwinye avami va Yuda, na va menyanga mu Yerusalemi: Yahova wa mahe, Nyasaye wa lsraeli a vola, Henza, nda leta budamano hano, ubwa uyu u hulira kubwo, amatu gege ga la mu tsuna.

Jeremia 22:21

Inze nda ku volera inyinga yeligasidzwa lilyo, navutswa wa vola, Si nyenya kuhulira. Yigu ni mwima gugwo kutwula bwana buke, ogwa ive u vula kuhulirira mwoyo gwange.

Jeremia 25:3

Kutwula ku muhiga gwelikumi negyivaka gwelyameha lya Josia mwana wa Amoni, mwana wa Yuda, kuduka lero, mihiga makumi gaviri na gyivaka, likuva lya Yahova li duki ku inze, na nda volera mwinye, ni mbuka mabwebwe nokuvola; navutswa mwinye si mu huliye.

Jeremia 25:4

Yahova ya tuma ku mwinye ava tumwa veve vosi avaprofeti, na a vuka mabwebwe na a va tuma (navutswa mwinye si mu huliye, si mu tegidzi amatu genyu kuhulira),

Jeremia 25:7

Navutswa mwa vula kumbulira, Yahova a vola; mu duke kuvihiriridza inze nemiyinzi gyamakono genyu, nokwisaleridza avene.

Jeremia 25:8

Kunangwa kigira yaga Yahova wa mahe a vola: Kigira mwinye mwa vula kuhulira amakuva gange,

Jeremia 36:31

Na inze nda mu ha mageli, uyu nekisukululwi kikye navatumekiri veve kigira bu damano bwavo; na nda leta kuvo, noku vamenyanga Yerusalemi, noku avandu va Yuda, ubudamano yibwo bwosi bwa nda vola kuvo; navutswa si va bugirira kumbulira mba.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Jeremia 6:19

U hulire, ive lirova: henza, ndetanga ubudamano ku avandu yava, kali amakuyu gyetsiganagana tsyavo, kigira si va hulira makuva gange; nomu makuva gelilaga lyange, va li suye.

Jeremia 7:26

navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Lisyoma lya Jeremia 2:2

Yahova u miri ubumenyo bwosi bwa Yakobo, na si ya li netsimbabasi mba: Tsimpinga tsyomukana wa Yuda ya tsi sambula mu butima bwibwe; U tsi tsomi kuduka hasi; u viki ubudamano ku bwami noku vanene vabwo.