Jeremia 18:8 - KITABU KITAKATIFU

⁸ ni i va ihiri zana ya mbola ku makuva gayo, yeganira, nokuleka budamano bwavo, inze ndeganira ku budamano bwa nsaaviye kuvakolera.

Jeremia 18:8 ပူးပေါင်းရင်းမြစ်များ

2 Kyetsinyinga 12:6

Hene yaho avanene va Israeli nomwami vegehidza avene; ni va vola, Yahova a veye mulungi.

Zaburi 106:45

Na ya vidzulira ku lilagana lilye, Na a galuka kuvo kuli ubunyingi bwetsimhabasi tsitsye.

Zaburi 135:14

Kigira Yahova a la kalagira avandu veve, Kandi a la vererera avatumekiri veve.

Zaburi 90:13

Wirane, O Yahova; kuduka inyinga ki? U vererere avatumekiri vovo.

Kutwula 32:12

Kigira ki Avaegepeti va nyala kumoloma, nokuvola, Ya va twulidza ku va kolera ubudamano, a duke kuvitiira mu vigulu, nokuvadividza va vule kuva ku lirova? U girunkane kutwula ku butima bululu bubwo, na weganire ubudamano yibu bwa u veye nabwo ku avandu vovo.

Kutwula 32:14

Na Yahova yeganira ubudamano bwa ya vola a la kolera avandu veve.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 26:13

Kunangwa kalunu mu lombe tsing'endo tsyenyu nelikola lyenyu, na mu hulire mwoyo gwa Yahova Nyasaye wenyu; na Yahova a leganira ku budamano bwa ya li na a voye ku mwinye.

Jeremia 26:19

Hezekia mwami wa Yuda na Yuda vosi viita uyu Mika? Hezekia si ya tia Yahova, nokusaala tsimbabasi tsya Yahova na Yahova yeganira ku budamano bwa ya li na a voye kuvo? Na ndiyo ku va kuiiii Jeremia nkano ku koli ubudamano ubunene ku myoyo gyetu avene.

Jeremia 26:3

Namasia va la hulira nokweganira sa mulala kuleka inzira yeye indamano; inze nduke kweganira ku madamano aga nsaavira kuvakolera kigira budamano bwelikola lyavo.

Jeremia 36:3

Namusia inyumba ya Yuda i la hulira makuva gobudamano yibu bwosi bwa nda saavira kuvakolera; va duka kwirana sa mulala kuleka inzira yeye indamano, nduke kuvasameha ubudamano bwavo nobwoni bwavo.

Jeremia 42:10

Mwinye ni mu va ni mu kikiri kumenya mu kivala yiki, hene yaho nda mwombaka, si nda mu tsoma hasi mba, nda mu simika, si nda mwiha mba: kigira nzeganira ku budamano bwa nda mu kola.

Ezekieli 18:21

Navutswa mudamano ni yeganira nokuleka ubwoni bwibwe bwosi bwa ya kola, nokugumira amalago gange gosi, nokukola aga dukana nobulungi, ligali uyu a la hindira, a la vula kukudza.

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Ezekieli 33:12

Na ive mwana womundu, u volere avana vavandu vovo, Ubulungi bwomulungi si bu la muhonnya mu lidiku lyamahyolo gege; noku makuva gobudamano bwomudamano, si a la gwa kigira yibu mu lidiku lya yeganira nokuleka ubudamano bwibwe: kandi wobulungi si a la hindira kigira yibu mu lidiku lya a kola ubwoni.

Ezekieli 33:13

Lwa mbolera mulungi, ligali a la hindira; uyu na a suuvira ku bulungi bwibwe, na a kola ubwoni, vikolwa vivye vyobulungi kilala kuvyo ki la vula kwidzulitswa, navutswa mu ubwoni bwibwe bwa ya kola, a la kudzera mubwo.

Ezekieli 33:14

Kandi, lwa mbolera mudamano, Ive ligali u la kudza; ni yeganira nokuleka ubwoni bwibwe, na a kola aga dukana kukolwa, nagobulungi;

Hosea 11:8

Inze nyala ndi kukuleka, Efiraim? Nyala ndi kukuta, Israeli? Nyala ndi kukukola kuli Adima? Nyala ndi ku kuvika u ve kuli Zeboim? Mwoyo gwange gu girunkanywa mu inze, tsimbabasi tsyange tsyaaki halala.

Amosi 5:15

Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

Jona 4:2

Naye ya saala Yahova, na a vola, Nku saalanga, O Yahova yili si li veye livola lyange, lwa nda li mu kivala kyange? Kigira yaga nda tanga kwiruka bwangu kutsia Tarshishi; kigira nda manya ive u veye Nyasaye wetsimbabasi, wizula livererera, mwikudziri ku butima, kandi wetsimbabasi tsinene, nowokugirunkana kuleka kivi.

Kwidzulitsa 32:36

Kigira Yahova a la kalagira avandu veve, A la vererera avatumekiri veve; Inyinga a lola tsingulu tsyavo tsi twuli kuvo, Kandi si ha tigala nomundu, wa bofwa kinga wa bohololwa.

Vakalagi 2:18

Na lwa Yahova ya va singeridzira avakalagi, hene yaho Yahova ya li halala nomukalagi, na a va honnya ku mukono gwavasigu vavo madiku gosi agomukalagi uyu: kigira Yahova yeganira kigira likenya lyavo kigira yavo ava va kupidza kivi na va va dambidza.