Jeremia 18:18 - KITABU KITAKATIFU

¹⁸ Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Jeremia 18:18 ပူးပေါင်းရင်းမြစ်များ

2 Samweli 15:31

Nomundu mulala ya volera Daudi, na a vola, Ahithofeli a veye mu lihambana lyetsimbemba halala na Abisalom. Na Daudi ya vola, O Yahova, nku goonya, livola lya Ahithofeli, u li girunkannye li gwe ubusiru.

2 Samweli 17:14

Na Abisalom navandu vosi va Israeli va vola, Livola yili li twula ku Hushai Muariki li veye lilahi kuvita livola lya Ahithofeli. Kigira Yahova u saaviye kugirunkannya livola lilahi lya Ahithofeli, Yahova a duke kuleta ubudamano ku Abisalom.

1 Avami 22:24

Hene yaho Zedekia mwana wa Kenaana yisunda himbi, ni yaala Mikaiya ku hlsaya, na a mu volera, Ya twula ku inze ku inzira ki roho wa Yahova, kukuvolera?

2 Kyetsinyinga 24:21

Na va mwekiruka ni va mu lasa magina ku lilaga lyomwami mu mumugidzi gwenyumba ya Yahova.

Ayubu 5:13

Uyu a gumiranga avageeri mu bugeeri bwavo; Na livola lyavakyamu li divanga bwangu.

Zaburi 21:11

Kigira va ganagana ubudamano ku ive; Va ganagana ubudamano bwa vata nyala kukola.

Zaburi 52:2

Ululimi lulwo lu lombanga vidamano, Kuli lugembe Iwugi, lu kolanga ubugadi.

Zaburi 57:4

Mwoyo gwange gu veye hagati heving'ang'a; Ng'onanga hagati ha yavo avaakanga muliru, Va veye avana vavandu, avamino gavo ga veye matimu na mibano, Na ululimi lwavo lu veye kivavi kyogi.

Zaburi 64:3

Ava hyagalanga tsinimi tsyavo kuli kivavi, Na va lasi mibano, nagyo gyi veye amakuva malulu,

Tsing'ano 18:21

Likudza na livamwoyo vi veye mu tsingulu tsyolulimi; Navo ava lu yanza va la lia makuyu galwo.

Isaya 32:7

Viju vya uyu mwimani vi veye vidamano: a saaviranga lisaavira lida mano a duke kudividza avahokya namakuva gobubehi, kali lwa avadambi va volanga agobulungi.

Jeremia 1:19

Va la lwana nive; navutswa si va la ku guuta mba: kigira inze mbeye halala nive kukuhonnya, Yahova a vola.

Jeremia 11:19

Navu tswa nda li kuli mwana weligondi muhoma ligali, u hilangwa kutsia kwiitwa; na si nda manya va li ni va saaviye lisaavira ku inze, ni va rola, Ku dividze musala yigu halala namakuyu gagwo, ku mu kalage a twule mu kivala kya va veye mwoyo, lieta lilye li vule kwidzulitswa kandi.

Jeremia 18:11

Kunangwa kalunu, u volere avandu va Yuda, na va menya mu Yerusalemi, u vole, Yahova a vola: Henza, nombanga ubudamano ku mwinye, nokusaavira lisaava ku mwinye: mwirane kalunu sa mulala a leke inzira yeye indamano, mu lombe tsinzira tsyenyu, nevikolwa vyenyu.

Jeremia 18:19

U mbenze, O Yahova, u hulire myoyo gya yavo ava hing'ana ninze.

Jeremia 2:8

Avasalisi si va teva, Yahova a veye haliha? Na va tumikiranga lilaga si va manya inze mba: avamehanga ve baala ku inze, navaprofeti va profeta na Baal, na va tsia kulonda vindu vi ta duka.

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Jeremia 26:11

Hene yaho avasalisi navaprofeti va volera avanene navandu vosi, ni va vola, mundu uyu u dukani nelikudza; kigira ya profeta ku lidala yili, kuli mwa hulira namatu genyu.

Jeremia 37:13

Na lwa ya li ha kiribwa kya Benjamini, munyampara mulala ya li ho, welilinda, wa langwa lieta lilye Irija, ya li mwana wa Shelemia, mwana wa Hanania; naye ya gumira muprofeti Jeremia, nokumuvolera, Ive u tsitsanga kwivika ku Vakalidei.

Jeremia 43:2

hene yaho Azaria mwana wa Hoshaia, na Johanan mwana wa Karea, navandu vosi avoluyai, va vola, ni va volera Jeremia, Ive u volanga bubehi: Yahova Nyasaye wetu si a ku tumi kuvola, Mwinye mu ta tsia Egepeti kumenya yo;

Jeremia 44:16

Ku likuva lya u ku voleye mu lieta lya Yahova, kwinye si ku la ku hulira ligali mba.

Jeremia 44:17

Navutswa ligali kwinye ku la dukidza likuva sa lilala li twulanga mu minwa gyetu, kuvuyidzira mwami wekikali womi gulu vimuli, nokumutsukira vihaanwa vyevyokunwa, kuli kwa kola, kwinye na vaguga vetu, navami vetu, navane ne vetu, mu madala ga Yuda, nomu mahasi ga Yerusalemi; kigira inyinga yeyo kwa li nevyokulia vinyingi, kandi kwa li nobulamu bwetu, na si kwa lola budamano.

Jeremia 8:8

Mu volanga ndi, Kwinye ku veye nobugeeri, kandi lilaga lya Yahova ku veye nalyo? Navutswa, henza, ikalamu yobugadi ya vang'odi i kolanga ubugadi.

Lisyoma lya Jeremia 3:62

Minwa gya yavo ava singira ku kuya inze, na lisaavira lyavo ku inze mbasu bei.

Ezekieli 7:26

Tsimbemba tsi la va ku tsimbemba, nelimonya li la va ku limonya; va lenya malola ku muprofeti; navutswa lilaga li la gota ku musalisi, nelivola si li la nyoleka ku vakulundu mba.

Kyavalevi 10:11

kandi kuduka kwegidza avana va Israeli malago gosi ga Yahova ya va volera nomunwa gwa Musa.

Mika 3:6

Kigira yaga bu la va ubudiku ku mwinye, mu vule kunyola malola; na ki la va kisundi ku mwinye, mu vule kuva nobusegetiri; neliuva li lika ku vaprofeti yavo, lidiku yilyo li la va limwamu kuvo.

Mika 3:7

Na valoli va la va isoni, na vasegetiri va la genya; yee, vosi va la kunika minwa gyavo; kigira si ha veye nelitivula lya Nyasaye.

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Luka 11:45

Mulala ku vegidzi velilaga ya tivula na a mu volera, Mwegidzi, nu u vola ndi u ku nyega kandi.

Yohana 9:40

Avalala ku Vafarisayo ava li halala naye va hulira amakuva yaga, ni va mu volera, Kwinye kandi ku veye avaboku?