Jeremia 18:15 - KITABU KITAKATIFU

¹⁵ Kigira avandu vange va nziviriye, va vuyidzi vimuli ku vya vutswa; na vikigitalidzangwa mu tsinzira tsyavo, nokugenda mu tsinzira tsya haluvega, ku inzira ya vula kulombwa;

Jeremia 18:15 ပူးပေါင်းရင်းမြစ်များ

Nehemia 9:17

na va sula kugakola, kandi si va ganagana vyokugenya vya wa kola hagati havo, navutswa va kola amagoti gavo kuva madinyu, nomu bwebaali bwavo ve tovolera munyampara va duke kwira na mu butugwa bwavo. Navutswa h ive u veye Nyasaye wetegeki kusame ha, wetsimbabasi, na wizula liverere ra, wa galaha ku butima, nowobunyi ngi bwetsimbabasi, si wa va leka mba.

Isaya 3:12

Makuva gava ndu vange, avana va va dambidza, na vakali vameha kuvo. O avandu vange, yavo ava kwimiriranga va ku kyaminyanga, va dividzanga inzira yetsinzira tsitsyo.

Isaya 41:29

Henza yavo vosi, miyi nzi gyavo gyi veye mwika vutswa, na gyavutswa; vifwananyi vyavo vyokwelonga vi veye imbuudza neligenya.

Isaya 57:14

Naye a la vola, Mu lombe, mu lombe, mu lungekidze inzira, twulidza vyokwikigitala ku inzira yavandu vange.

Isaya 62:10

Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera.

Isaya 65:7

ubudamano bwenyu avene, nobudamano bwa va dada venyu halala, Yahova a vola, mwinye ava vuyidzi kimuli ku vigulu, nokunyegera mu tugulu: kunangwa kigira yaga nda tanga kuvagerera miyinzi gyavo mu viritu vyavo.

Isaya 9:16

Kigira yavo avemiriri vavandu yava va va kyaminya; navo va vandu yavo vimirira va dividzwa.

Jeremia 1:16

Na inze nda vola likalaga lyange lyosi kuvo ku makuva gobukyamu bwavo bwosi, kigira va ndeki, na va vuyidza vimuli ku vanyasaye vandi, nokusigamira miyi nzi gyamakono gavo avene.

Jeremia 10:15

Vi veye vya vutswa, miyinzi gyobugotidzi: inyinga yelidukirwa lyavo vi la diva.

Jeremia 11:12

Hene yaho madala ga Yuda na ava menyanga Yerusalemi va la tsia nokwanira ku vanyasaye vavo ava va vuyidziranga vimuli: navutswa si va la va honnya mba ku inyinga yekivi kyavo.

Jeremia 11:13

Kigira kuli livalidza lyamadala gogo li veye, ni ndiyo livalidza lyavanyasaye vovo li veye, O Yuda; na kuli livalidza lyetsinzira tsya Yerusalemi ni ndiyo mu singeridzi ubwali ku kindu kyetsisoni, ubwali bwokuvuyidzira Baal kimuli.

Jeremia 11:17

Kigira Yahova wa mahe wa ku simika, a vola ubudamano ku ive, kigira ubudamano bwenyumba ya Israeli nobwenyumba ya Yuda, bwa vekolera avene kumbihiriridza, kigira va vuyidzira Baal vimuli.

Jeremia 13:25

Ikura yoyo ni yiyi, kidieli kya wa gererwa ki twulanga ku inze, Yahova a vola; kigira mwa nzivirira, na u suuviranga makuva gobubehi.

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Jeremia 17:13

O Yahova, ive kisuuviri kya Israeli, vosi ava lekanga ive va la va isoni. Yavo ava twula ku inze va la ng'odwa mu lirova, kigira va leka Yahova, u veye kisenukiru kyamadzi gelivamwoyo.

Jeremia 18:14

Likonza lya Lebanon li Ia kama ku ligina lyommulimi? Kinga amadzi makindu aga gwidzanga hasi kutwula ihale ga luminywa?

Jeremia 19:5

navombaki hadiguluku ha Baal, va duke kusamba avana vavo avayai ku muliru va ve vihaanwa vyokusambwa ku Baal; likuva lya nda vula kulaga, kandi lya nda vula kuvola, kandi lya vula kwingira mu mwoyo gwange:

Jeremia 2:13

Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 2:32

Mukana a nyala kwivirira vyokwisyaha vivye, naho mwiha a nyala kwivirira ingubo yeye yolwiha? Navutswa avandu vange viviriye inze ku amadiku ga ta li nelivalidzwa.

Jeremia 3:21

Mwoyo gu hulirangwa ku hadiguluku, gu veye lilira nelisaala lya avana va Israeli; kigira va kyaminyi inzira yavo, na viviriye Yahova Nyasaye wavo.

Jeremia 44:25

Yahova wa mahe, Nyasaye wa Israeli, a vola ndi, na a vola, Mwinye navakali venyu mu voye neminwa gyenyu, nokudukidza na makono genyu, ni mu vola, Kwinye ligali ku la dukidza lilagana lyetu lya kwa lagana, ku vuyidzire mwami wekikali womigulu vimuli, nokumutsukira vihaanwa vyevyokunwa: kunangwa mu dinyeridze lilagana lyenyu, mu dukidze lilagana lyenyu.

Jeremia 51:18

Vi veye vya vutswa, miyinzi gyobugadi: vi la diva ku inyinga yelihenzwa lyavyo.

Jeremia 6:16

Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.

Jeremia 7:9

Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Ezekieli 21:15

Mmali kuvika isonga yekivavi imbiri weviribwa vyavo vyosi, myoyo gyavo gyi duke ku yenguka, lyekigitala lyavo li medeke: O ki koleywi kuva kuli uluheni, ki vikeywi isonga ki duke kwiita.

Ezekieli 36:15

kandi si nda leka ive kuhulira tsisoni tsyavetsihiri kandi mba, kandi si u la ginga amanyego gavandu kandi mba, kandi si u likigitalidza ihiri yoyo kandi mba, Mwami Nyasaye a vola.

Hosea 11:2

Kuli vaprofeti va va langa, ni ndiyo va kira kutwula kuvo: ni va lomba vi haanwa vya Vabaal, ni va vuyidza vimuli ku vifwananyi vya vadzwa.

Hosea 2:13

Na nda leta kuye amadiku ga Vabaal, va ya sambira kimuli kuvo, lwa yesyaha tsimingiri tsyommatu neviju vivye vyevyuma, nokulonderera avayanze veve, nokwivirira inze, Yahova a vola.

Hosea 2:6

Kunangwa, henza, ndigalira inzira yoyo namafwa, na nda kola lugaga imbiri wewe, a vule kunyola hokuvitira.

Malaki 2:8

Navutswa mwa girunnkana nokuleka inzira zana; mwikigitalidzi avanyingi mu lilaga; mwononnyi lilagana lya Levi, Yahova wa mahe a vola.

Matayo 15:6

a tidzominya ise kandi mba. Mwononnyi likuva lya Nyasaye nemiima gyenyu.

Varumi 14:21

Nu bulahi kuvula kulia inyama nokunwa iwaini, nokukola vyosi vyamwavo wowo yikigitala ku.

Kwidzulitsa 32:21

Va vukidza likendeka lyange nevindu vi ta li Nyasaye; Va vukidza inze ubutima bwange ku vindu vyavo vya vutswa: Na inze nda va kendekidza nayavo ava ta li avandu; Nda vukidza livihirirwa lyavo nehiri isiru.