Jeremia 18:11 - KITABU KITAKATIFU

¹¹ Kunangwa kalunu, u volere avandu va Yuda, na va menya mu Yerusalemi, u vole, Yahova a vola: Henza, nombanga ubudamano ku mwinye, nokusaavira lisaava ku mwinye: mwirane kalunu sa mulala a leke inzira yeye indamano, mu lombe tsinzira tsyenyu, nevikolwa vyenyu.

Jeremia 18:11 ပူးပေါင်းရင်းမြစ်များ

Litanga 11:7

Gendi, kwike, ku vike ligoyana mu lulimi lwavo, va vule kuhuliridzana avene na avene.

1 Avami 22:23

Kunangwa kalunu, henza, Yahova u viki roho gwokuvola ububehi mu minwa gyavaprofeti vovo, kandi Yahova u voye ubudamano ku ive.

2 Avami 17:13

Halala na yaga Yahova ya lolekidzira Israeli, na Yuda, na a va volera nomunwa gwomuprofeti sa mulala, na valoli sa mulala, na a vola, Mu girunkane mu leke tsinzira tsyenyu tsindamano, mu gumire malago ganga nemiima gyange, kuli lilaga ya nda laga vaguga venyu, nalya nda leta ku mwinye nomukono gwavatumekiri vange avaprofeti.

2 Avami 22:13

Mu tsie, mu ntevere kandi avandu, kandi Yuda vosi, ku Yahova, ku makuva gekitabu yiki ki nyoleka; kigira ubutima bwa Yahova bu veye ubunene bwa ya ku vihirirwa, kigira vaguga vetu si va huliye kulonda makuva gekitabu yiki, kukola kuli gosi ga ng'odwa ku kwinye.

2 Avami 5:5

Mwami wa Siria ya vola, Tsia, na nda hila ibaruwa ku mwami wa Israeli. Ma ya tsia, na a vugula tsitalenta likumi tsyefetha, nevidonye vyethahabu tsielfu tsitano na indala netsingubo likumi.

Isaya 5:5

Kalunu nda mu volera miyinzi gya nda li kukolera kizabibu kyange: nda twulidza ulwebo lwakyo, na ki la libwa; nda sambula lugaga lwakyo, na ki la duvagwa:

Isaya 57:1

Mulungi a diva, na si ha veye nomundu u ga vika mmwoyo; avetsimbabasi va twulidzangwa, na si ha veye na u ganagana avalungi va twulidzwa ku budamano budzanga.

Jeremia 11:11

Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 11:19

Navu tswa nda li kuli mwana weligondi muhoma ligali, u hilangwa kutsia kwiitwa; na si nda manya va li ni va saaviye lisaavira ku inze, ni va rola, Ku dividze musala yigu halala namakuyu gagwo, ku mu kalage a twule mu kivala kya va veye mwoyo, lieta lilye li vule kwidzulitswa kandi.

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Jeremia 19:15

Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 19:3

u vole, Mu hulire likuva lya Yahova, mwinye avami va Yuda, na va menyanga mu Yerusalemi: Yahova wa mahe, Nyasaye wa lsraeli a vola, Henza, nda leta budamano hano, ubwa uyu u hulira kubwo, amatu gege ga la mu tsuna.

Jeremia 25:2

lya Jeremia muprofeti ya volera avandu vosi va Yuda, noku vosi ava menyanga Yerusalemi, kuvola:

Jeremia 25:5

kuvola, Mwirane kalunu sa mulala a leke inzira yeye indamano, mu leke ubudamano bwelikola lyenyu, mu menye mu kivala yiki kya Yahova ya ha mwinye navaguga venyu, kutwula ku madiku ga kale nokutsitsagil'la madiku gosi;

Jeremia 26:13

Kunangwa kalunu mu lombe tsing'endo tsyenyu nelikola lyenyu, na mu hulire mwoyo gwa Yahova Nyasaye wenyu; na Yahova a leganira ku budamano bwa ya li na a voye ku mwinye.

Jeremia 26:3

Namasia va la hulira nokweganira sa mulala kuleka inzira yeye indamano; inze nduke kweganira ku madamano aga nsaavira kuvakolera kigira budamano bwelikola lyavo.

Jeremia 3:1

Va vola, Musatsa na a kunga mukali wewe, naye na a tsia, nokugwa mukali womusatsa wundi, musatsa wokutanga a lirana kuye kandi? Kivala yikyo si ki la kolwa kidamano ligali? Navutswa u tumikiye ubuheyi halala navayanzi avanyingi navutswa wirane ku inze, Yahova a vola.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Jeremia 36:3

Namusia inyumba ya Yuda i la hulira makuva gobudamano yibu bwosi bwa nda saavira kuvakolera; va duka kwirana sa mulala kuleka inzira yeye indamano, nduke kuvasameha ubudamano bwavo nobwoni bwavo.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 4:1

Nu u va ni wirana kandi, O Israeli, Yahova a vola, nu u lirana ku inze; nu u va nu u twulidza livihiriridza lilyo li vule kuva imbiri wetsimoni tsyange; hene yaho u la vula kutwulidzwa;

Jeremia 4:14

O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?

Jeremia 4:23

Nda lola lirova, na henza, li veye bugira bulolero na bugira kindu mulyo; nomu ligulu nda li henza, vya li bugira bulavu.

Jeremia 4:6

Mu ginge ibendera ku luvega lwa Zioni: mwiruke mu duke kuhona, mu ta li ndagira mba; kigira nda leta ubudamano kutwula ku luvega lwa kasika sini, nobudividzi ubunene.

Jeremia 51:11

Mu hyagale mibano, tsikuti mu gumire netsingulu: Yahova u vukidzi roho gyavami va Vamedi; kigira tsiganagani tsitsye tsi veye ku Babuloni, kulidividza: kigira kisalya kya Yahova, ki veye kisalya kyelitempeli lilye.

Jeremia 7:3

Yahova wa mahe, Nyasaye wa Israeli, a vola ndi, Mu lombe tsinzira tsyenyu nevikolwa vyenyu, na nda mu mennya hano.

Ezekieli 13:22

Kigira mu vereridza myoyo gyavalungi namakuva genyu gobubehi, ava inze nda vula kuvereridza; nokudinyeridza amakono gomudamano, a vule kwirana nokuleka inzira yeye indamano, nokuhona a ve mwoyo;

Ezekieli 18:23

Inze nyanza likudza lyomudamano? Mwami Nyasaye a vola; si nyanza bwa ka va ubulahi yirane nokuleka inzira yeye, nokuhindira?

Jona 3:8

navutswa vivika tsingubo tsyamagunia, avandu kandi imitugu, nokwanira Nyasaye ligali netsingulu tsyosi: yee, va girunkane vosi sa mulala, nokuleka inzira yeye indamano, nokuleka kirage ki veye mu makono gege.

Mika 2:3

Kunangwa Yahova a vola ndi: Henza, inze nsaaviye budamano ku bwiko yibu, bwa mu vula kunyala kutwulidza magoti genyu kubwo, kandi si mu la genda mu luyai; kigira i veye inyinga indamano.

Zekaria 1:3

Kunangwa u va volere, Yahova wa mahe a vola, Mu galuke ku inze, Yahova wa mahe a vola, na inze nda galuka ku mwinye, Yahova wa mahe a vola.

Vikolwa 26:20

navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.

Yakobo 4:13

Henzi mwinye, ava volanga, Lero kinga mugamba ku lingira mu lidala yili nokumenya mu muhiga mulala, nokukirannya, nokunyola vyambeti:

Yakobo 5:1

Henzi, mwinye avatugi, mu lire, mu kupe tsikwili, kigira kivi kyenyu kidzanga ku mwinye.