Jeremia 18:10 - KITABU KITAKATIFU

¹⁰ ni va va ni va kola budamano imbiri wetsimoni tsyange, ni va vula kuhulira mwoyo gwange, hene yaho ndeganira ku bulahi bwa nda vola nda va gasidzira.

Jeremia 18:10 ပူးပေါင်းရင်းမြစ်များ

Zaburi 125:5

Navutswa ku yavo ava girunkana nga ku tsinzira tsyobukyamu, Yahova a la vimirira halala navo ava kola ubudamano. Mirembe gyi ve ku Israeli.

Ezekieli 18:24

Navutswa wobulungi lwa a leka ubulungi bwibwe, nokukola ubudamano, nokukola kuli kivihiri kyosi kyomudamano a kolanga, uyu a la hindira? Mu vikolwa vivye vyobulungi vya ya kola vi la vula kwidzulitswa kali kilala kuvyo: mu lihyola lilye lya ya hyola, nomu bwoni bwibwe bwa ya kola, a la kudzira mu.

Ezekieli 33:12

Na ive mwana womundu, u volere avana vavandu vovo, Ubulungi bwomulungi si bu la muhonnya mu lidiku lyamahyolo gege; noku makuva gobudamano bwomudamano, si a la gwa kigira yibu mu lidiku lya yeganira nokuleka ubudamano bwibwe: kandi wobulungi si a la hindira kigira yibu mu lidiku lya a kola ubwoni.

Ezekieli 33:18

Wobulungi lwa a girunkana nokuleka ubulungi bwibwe, nokukola ubudamano, a la kudzera mubwo.

Ezekieli 45:20

Na u la kola ndiyo ku lidiku lya gatano na gaviri lyomweli kuvo sa mulala u hyolanga, neku uyu musiru: ni ndiyo mu li kolera inyumba kyokukunika ubwoni.

Zefania 1:6

na yavo avirana inyima ava leka kulonda Yahova; na yavo ava vula kulonda Yahova, kinga kumwenya.

Livalidza 14:22

kigira avandu yava vosi ava loli ubukumi bwange, na vilolekidzu, vya nda kola mu Egepeti na mu kyangalangwi, navutswa va ngeridzi hali likumi yili, kandi va vuli kuhulira mwoyo gwange;

Livalidza 14:23

ligali si va la lola kivala kya ndisuhira avaguga vavo, kandi mu yavo ava leganga inze si a la va ho mulala u la ki lola:

Livalidza 14:34

Kuli livalidza lyamadiku ga va luta kivala, kali madiku makumi gane, lidiku lilala li volangwa kuva muhiga, mu la ginga ubudamano bwenyu, mihiga makumi gane, na mu la manya lyononya lyelilagana lyange.

1 Samweli 13:13

Na Samweli ya volera Saulo, Wa kola ubusiru; kigira wa vula kugumira lilaga lya Yahova Nyasaye wowo, lya ya ku laga; kigira kalunu Yahova ngano u dinyiridzi ubwami bubwo ku Israeli mihiga nemihiga.

1 Samweli 15:11

Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.

1 Samweli 15:35

Na Samweli si ya tsia kandi kulolana na Saulo kuduka ku lidiku lyelikudza lilye; kigira Samweli ya syomera Saulo: na Yahova yeganira kigira yamehidza Saulo a veye mwami wa Israeli.

1 Samweli 2:30

Kunangwa Yahova, Nyasaye wa Israeli, a vola, Inze nda vola, Ligali inyumba yoyo, nenyumba yadada wowo, i la genda imbiri wange kazozo: navuts va kalunu Yahova a vola, Inkuva yiyi i veve ihale ku inze; kigira yavo vidzominya inze nda vidzominya, na yavo va lega inze va la v olerwa, si vn veye kindu.