Jeremia 17:6 - KITABU KITAKATIFU

⁶ Kigira a la va kuli musala gwekyangalangwi a la vula kulola lwa bulahi bu duka, navutswa a la menya ahumu mu kyangalangwi, kivala kyomunyu kyavandu va ta menya mu.

Jeremia 17:6 ပူးပေါင်းရင်းမြစ်များ

2 Avami 7:2

Hene yaho munyampara womwami yedira ku mukono gwigwe ya tivulira mundu wa Nyasaye, na a vola, Yahova na a va na a kola madirisha mwigulu, inkuva yiyi i nyala kuva ho? Na ya mu volera, Henza ive u la lola netsimoni tsitsyo, navutswa si u la lia ku mba.

Ayubu 20:17

Si a la lola migera gyamadzi, Migera gyobwuki namaguta gi vitanga bwangu.

Ayubu 39:6

Ya nda lomba inyumba yeve kuva ligendanyama, Nekivala kyomunyu ki veye ubumenyo bwayo?

Zaburi 1:4

Avoni si va li ndiyo mba Navutswa va fwanana nomukuudzi gwembuudzi i hila.

Zaburi 107:34

A girunkannya kivala kyamakuyu kuva kyangalangwi kyomu nyu, Kigira ubudamano bwa yavo ava menya mukyo.

Zaburi 92:7

Lwa avsdamano va sebuka kuli bunyasi, Na lwa vosi avakolanga ubudamano velolekidza; Li veye ndi, va duke kudividzwa mihiga nemihiga.

Isaya 1:30

Kigira mu la va kuli musala gwamatu gagwo ga niala, kuli mulimi gwa vula kusamwa.

Jeremia 29:32

kigira yaga Yahova a vola, Henza, nda haana mageli ku Shemaia Munehelami, nekisukululwi kikye; si a la va nomundu u menya mu avandu yava, kandi si a la lola ubulahi, bwa ndi kolera avandu vange, Yahova a vola, kigira ya vola bwebaali ku Yahova.

Jeremia 48:6

Mwiruke, mu honye myoyo gyenyu, mu ve kuli musala gwo mwigendanyama.

Ezekieli 47:11

Navutswa hobudohi bu veye, nevidende vyagwo, ha la vula kuhonywa; ha la lekwa kuva ahomunyu.

Zefania 2:9

Kunangwa kuli inze mbeye mwoyo, Yahova wa mahe a vola Nyasaye wa Israeli, Ligali Moabu a la va kuli Sodoma, navana va Amon va la va kuli Gomora, ha la va miyandu gyelitambadza, nobogo bwo munyu, na hatswa kazozo: navandu vange va eigala va la va lanya, na va tigala ve ihiri yange va la va nyola kuva miyandu.

Kwidzulitsa 29:23

na kuli kivala kyosi ki veye kibiridi, nomunyu, nalisamba, ki vule kutagangwa, kinga kwama, kinga ubulimu bu meranga mu mba, kuli li tung'aminywa lya Sodoma na Gomora, Adima na Zeboim, ga Yahova ya tung'aminya nobutima bwibwe, nelivihirirwa lilye

Vakalagi 9:45

Na Abimeleku ya lwana ku lidala lidiku yilyo lyosi; na ya vugula lidala, na yiita avandu ava li mulyo: na ya tsoma hasi lidala, na a midza munyu kulyo.