Jeremia 17:27 - KITABU KITAKATIFU

²⁷ Navutswa ni mu sula kuhulira inze kutakasa lidiku lyelisabato, kuvula kuginga musigo nokwingira mu viribwa vya Yerusalemi ku lidiku lyelisabato; hene yaho nda Swana muliru ha viribwa vyalyo, nagwo gu la samba tsinyumba tsyobwami tsya Yerusalemi, si gu la siminywa mba.

Jeremia 17:27 ပူးပေါင်းရင်းမြစ်များ

2 Avami 22:17

Kigira va leka inze, na va vuyidza vimuli ku vanyasaye vandi, va duke kumbihiriridza nemiyinzi gyosi gyamakono gavo; kigira yaga ubutima bwange bu laaka hano, nabwo si bu la siminywa mba.

2 Avami 25:9

Na ya samba inyumba ya Yahova, nenyumba yomwami, netsinyumba tsyosi tsye Yerusalemi, sa indala ya li inene, ya gi samba nomuliru.

2 Kyetsinyinga 36:19

Na va samba inyu mba ya Nyasaye, na va sambula lidigi lyolugaga lwa Yerusalemi, na va samba tsinyumba tsyalyo tsyosi tsyobwami nomuliru, na vononnya viju vyosi vilahi vyalyo.

Zaburi 122:7

Mirembe gyi ve mu madigi gogo, Nobugasu mu tsinyumba tsitsyo tsyobwami.

Isaya 1:20

navutswa ni i va mu sula nokwebaala, kivavi ki la mu lia; kigira munwa gwa Yahova gu vola yaga.

Isaya 1:31

Navetsingulu va la va kuli livudze, nemiyinzi gyigye gyi la va kuli isese yomuliru; na vyombi vi laaka halala, na si ha la va na u nyala kuvisiminya.

Jeremia 17:24

Na ga la duka, ni mu mbulira ligali, Yahova a vola, ni mu va ni mu vula kuleta musigo kali mulala ku viribwa vyelidala yili ku lidiku lyelisabato, navutswa ni mu takasa lidiku lyelisabato, mu vule kukola miyinzi ku lidiku yilyo;

Jeremia 17:4

Na ive, kali ive mwene, u la lekana nemiyandu gyigyo gya nda ku ha; nda niga ive u tumekire avasigu vovo mu kivala kya u ta manya: kigira mwa fwana muliru mu ubut ma bwange gu la dedima kazozo.

Jeremia 18:1

Likuva lya duka ku Jeremia kutwula ku Yahova, kuvola,

Jeremia 21:12

O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.

Jeremia 21:14

Nda mu ha mageli kuli amakuyu gevikolwa vyenyu, Yahova a vola; nda fwana muliru mu mulitu gwigwe, na gu la samba vindu vyosi vya mu kumbiridza ku tsimbega tsitsye.

Jeremia 22:5

Navutswa ni mu vula kuhulira amakuva yaga inze nzisuhanga ku mwoyo gwange Yahova a vola, inyumba yiyi i la va hatswa.

Jeremia 32:29

na Vakalidei, ava lwananga nelidala yili, va ladza nokuvika muliru ku lidala yili, nokulisamba, halala netsinyumba tsyalyo, tsya va vuyidzira Baal vimuli ku visegesi vyatsyo, nokutsuka vihaanwa vyevyokunwa ku vanyasaye vandi, kuduka ku mbihiriridza.

Jeremia 39:8

Avakalidei va samba inyumba yomwami, halala netsinyumba tsyavandu, nomuliru, na va sasugula madigi ga Yerusalemi.

Jeremia 44:16

Ku likuva lya u ku voleye mu lieta lya Yahova, kwinye si ku la ku hulira ligali mba.

Jeremia 49:27

Nda fwana muliru mu lidigi lya Damasko, na gu la samba tsinyumba tsyobwami tsya Ben-hadadi.

Jeremia 52:13

Na ya samba inyumba ya Yahova, nenyumba yomwami; netsinyumba tsyosi tsya Yerusalemi kali tsinyumba tsyosi tsinene, ya tsi samba nomuliru.

Jeremia 6:17

Nda singeridza ku mwinye avalindi, kurola, Mu hulire mwoyo gwekisiliva; navutswa va vola, Si ku la hulira mba.

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Lisyoma lya Jeremia 2:6

U twulidzi netsingulu hokumenya hehe, kuli ha zana ha li milimi vutswa; wononnyi hokuvugana hehe: Yahova u koli livirirwa mu Zioni amasavo ga madiku manene nelisabato, Na mwami nomusalisi ya va lega mu livihirirwa lyobutima bwibwe.

Lisyoma lya Jeremia 4:11

Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

Ezekieli 16:41

Na tsinyumba tsitsyo va la tsi samba nomuliru, nokudukidza likalaga ku ive imbiri wetsimoni tsyavakali vanyingi; na nda ku heridzera litumikira amalaya, na si u la haana amadanyi kandi mba.

Ezekieli 21:15

Mmali kuvika isonga yekivavi imbiri weviribwa vyavo vyosi, myoyo gyavo gyi duke ku yenguka, lyekigitala lyavo li medeke: O ki koleywi kuva kuli uluheni, ki vikeywi isonga ki duke kwiita.

Ezekieli 21:3

u volere kivala kya Israeli, Yahova a vola ndi: Henza, mbeye umusigu ku ive, na nda somola kivavi kyange mu Iwula, nda twulidza ku ive avalungi navadamano.

Ezekieli 22:8

Ive u leganga vindu vyange vitakatifu, na wononnya masabato gange.

Ezekieli 23:38

Kandi va nkoleye likuva yili: va viki ububi hatakatifu hange ku lidiku lyene yilyo, na va mali kwononnya masabato gange.

Hosea 8:14

Kigira Israeli wiviriye Wamulomba, na vombaki tsinyumba tsyobwami; Yuda u medi amadala getsingaga: navutswa nda hila muliru ku madala gege, na gu la samba tsimpinga tsyago.

Amosi 1:10

Navutswa nda leta muliru ku lidigi lya Turo, na gu la samba tsinyumba tsyalyo tsyobwami.

Amosi 1:12

Navutswa nda leta muliru ku Teman, na gu la samba tsinyumba tsya Bozra tsyobwami.

Amosi 1:14

Navutswa nda fwana muliru mu lidigi lya Raba, na gu la samba tsinyumba tsyalyo tsyobwami, halala nokukupa uluku mu lidiku lyobulwani, halala nekihi mu lidiku lyekihudzudzi;

Amosi 1:4

Navutswa nda tuma muliru ku inyumba ya Hazaeli, na gu la samba tsinyumba tsyobwami tsya Benhadadi.

Amosi 1:7

Navutswa nda leta muliru ku lidigi lya Gaza, na gu la samba tsinyumba tsyalyo tsyobwami.

Amosi 2:2

Navutswa nda leta muliru ku Moabu, na gu la samba tsinyumba tsyobwami tsya Keriothu; na Moabu a la kudza nomuliviti, noluku, nomwoyo gweki siliva;

Kwidzulitsa 32:22

Kigira muliru gu fwaneywi mbutima bwange, Gwakanga kuduka mu Kihadisi kyoluliva, Nagwo gu liye lirova halala nelimedeka lyalyo, Nokwadukidza muliru ku mise gyevigulu.

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu: