Jeremia 17:23 - KITABU KITAKATIFU

²³ Navutswa si va hulira mba, kinga kutegidza amatu gavo, navutswa va kola magoti gavo kuva madinyu, va vule kuhulira, va vule kugumira megidzo.

Jeremia 17:23 ပူးပေါင်းရင်းမြစ်များ

Zaburi 50:17

Kigira u veye mundu u sulanga kwegidzwa, Na u teye makuva gange ha mgongo gugwo?

Tsing'ano 1:3

Kuvugula lyegidzwa mu likola lyobugeeri, Mu ubulungi na mu likalaga na ubulahi;

Tsing'ano 1:5

Mundu wobugeeri a hulire, nokumeda limanya; Na mundu welimanya a duke kumanyeridza makuva madukanu:

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Tsing'ano 5:12

Na u la vola, Nda dunyira ndi lyegidzwa, Na mwoyo gwange gwa lega ligondokirwa;

Tsing'ano 8:10

U vugule megidzo gange, na u ta vugula ifetha; Na u vugule limanya kuvita ithahabu indahi.

Isaya 48:4

Kigira nda manya u veye mutingu, ne ligoti li veye lyekivya, nobweni bubwo bu veye mugasa;

Jeremia 11:10

Va girunkani nokwirana ku budamano bwavaguga vavo, ava sula kuhulira makuva gange; navo va tsia kulonda avanyasaye vandi kuvatumekira: inyumba ya Israeli nenyumba ya Yuda vononnyi lilagana lyange lya nda lomba na vaguga vavo.

Jeremia 19:15

Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 32:33

Va nkupi migongo gyavo, va vuli kumannya mmoni mwavo ku inze kali ni nda vegidza, ni mbuka mmabwebwe kuvegidza, navutswa va vula kuhulira va nyole amegidzo.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Jeremia 6:8

Wegidzwe, O Yerusalemi, gase mwoyo gwange gu lavukana nive ligali; gase nda kola ive kuva hatswa, kivala kyavandu va ta menya mu.

Jeremia 7:28

Na u la va volera, Yiyi ni ihiri i vuli kuhulira mwoyo gwa Yahova Nyasaye wavo kandi si va bugirira kuhebwa megidzo: ageligali ga goti, na ga kalageywi kutwulidzwa ku munwa gwavo.

Ezekieli 20:13

Navutswa inyumba ya Israeli vebaala ku inze mu kyangalangwi: si va genda mu amalago gange, na va sula miima gyange, agomundu a va na a kola a la hindira mugo; na masa bato gange va gononnya ligali. Hene yaho nda vola nda tsuka ubutima bwange kuvo mu kyangalangwi, kuvadividza.

Ezekieli 20:16

kigira va sula likalaga lyange, na va vula kugenda mu malago gange, na vononnya masabato gange: kigira myoyo gyavo gya londa vifwananyi vyavo.

Ezekieli 20:21

Navutswa avana vebaala ku inze; si va genda mu malago gange mba, kandi si va gumira miima gyange nokugyikola, agomu ndu a va na a kola a la hindira mugo; vononnya masabato gange. Hene yaho nda vola, nda tsuka ubutima bwa nge kuvo, nduke kudukidza ubutima bwange kuvo mukyangalangwi.

Zefania 3:7

Nda vola, Ligali u ntie; u bugirire kuhebwa mageli; kuduka ubumenyo bwibwe bu la vula kutwu lidzwa, kuli gosi aga nda laga ku makuva gege; navutswa va vuka mabwebwe ni vononnya likola lyavo lyosi.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Vakalagi 6:10

na nda mu volera, Inze mbeye Yahova Nyasaye wenyu; si mu la tia avanyasaye va Vaamori, ava mu menyi mu kivala kyavo. Navutswa mwinye mwa vula kuhulira mwoyo gwange.