Jeremia 17:2 - KITABU KITAKATIFU

² inyingaavana vavo vidzulitsa ubwali bwavo nemisambwa gyavo himbi nemisala mivisi mu vigulu vitambi.

Jeremia 17:2 ပူးပေါင်းရင်းမြစ်များ

2 Kyetsinyinga 24:18

Na va leka inyumba ya Yahova, Nyasaye wavaguga vavo, na v a tumekira misala gyemisambwa nevifananyi: nobutima bwa Yahova bwa duka ku Yuda na Yerusalerni, kigira ubwoni bwavo yibu.

2 Kyetsinyinga 33:19

Ka ndi lisaala lilye, na kuli ya hulirwa, nobwoni bwibwe nelihyola lilye, na hadiguluku ha yombaka, nelisingeridza lilye misala gyemisambwa, neki fwananyi kyokuvadzwa, lwa ya li na a kikiri kwegehidza, henza, vyosi vya ng'odwa mu makuva ga Hozai.

2 Kyetsinyinga 33:3

Kigira ya digulula hadiguluku ha dada wewe Hezekia ya sambula; na ya singeridzira Vabaal ubwali na ya lomba misala gyemisambwa, na ya sigamira lihe lyosi lyomigulu, na ya va tume kira.

Zaburi 78:58

Kigira va mu vihiriridza nevitumi vyavo vyobwali, Nokumukendekidza nevifwananyi vyavo vyavadzwa.

Kutwula 34:13

navutswa mu la vunanya ubwali bwavo, nokusambula minara gyavo, nokutema misala gyemiluka gyavo;

Isaya 1:29

Kigira va la va netsisoni kigira misala gya mwa suuviranga, na mu la leganywa kigira milimi gya mwa tovola.

Isaya 17:8

Navo si va la henza ubwali, miyinzi gyamakono gavo; kandi si va la lola aga va kola nevidete vyavo, misala gyemiluka, kinga vifwananyi vyeliuva.

Jeremia 2:20

Kigira inze mu madiku ga kale nda vunannya inira yoyo, nokukalanya vibohero vivyo; na ive wa vola, Si nda tumika mba; kigira winama, nokulonda ubuheyi ku kigulu sa kilala kitambi, na isi womusala sa mulala gwa matu mavisi.

Jeremia 3:23

Ligali ubukonyi yibu nobwa vutswa bu henzangwa kutwula mu vigulu, muliviti gu veye mu vigulu: ligali ubukonyi bwa Israeli bu veye mu Yahova Nyasaye wetu.

Jeremia 3:6

Yahova ya mbolera kandi mmadiku gwa Josia mwami, ni ya nteva U loli yaga aga Israeli avirani inyima va koli? Vanegira ku vigulu sa kilala kitambi, kandi vevika isi wemisala sa mulala gwa matu amavisi, na va londa vindu vya malaya ha zana.

Jeremia 7:18

Avana ka tenyanga tsinku, na vadada vavo va fwananga muliru, navakali va luganga ubukima, va duke kulombera mwami wekikali womigulu mikati, nokutsuka vihaanwa vyokunwa ku vanyasaye vandi, va duke kumbihiriridza.

Ezekieli 20:28

Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.

Kwidzulitsa 12:2

Mwononye ligali hosi ha vetsihiri va tumekiranga avanyasaye vavo, tsihiri tsya mu va ni mu gumira, ku vigulu vitambi, noku tugulu, na isi wemisala gyosi mivisi:

Vakalagi 3:7

Navana va Israeli va kola ubudamano imbiri wa Yahova, ni vivirira Yahova Nyasaye wavo, na va tumekira Vabaal na Ashitarothu.