Jeremia 17:16 - KITABU KITAKATIFU

¹⁶ Ku makuva gange, si nkoli bwangu kuleka kulonda ive nokuleka miyinzi gyange gyomwayi; kandi si nkayirwa lidiku lyekivi; ive u manya: yaga ga twula mu minwa gyange, ga li imbiri wommoni mumwo.

Jeremia 17:16 ပူးပေါင်းရင်းမြစ်များ

Jeremia 12:3

Navutswa ive, O Yahova, u manya inze; u ndolanga, na u geridzanga mwoyo gwange kuli gu yeka ku ive: u va kwese kuli amagondi ga tsitsanga mu liitwa, u va tegeke ku lidiku lyokwiitwa.

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 15:15

O Yahova, u manya; u nzidzulitse, udze ku inze, u mbanzire kisalya ku yavo ava dambidzanga inze; u ta ntwulidza mu lyekudzira lilyo mba: u manye nyola amanyego kigira ive.

Jeremia 18:20

Ubudamano bu tungwe mbugono bwobulahi naho? Kigira va yaviye mwoyo gwange ubogo. Widzulitse kuli nda singira imbiri wowo kuvola ubulahi kigira yavo, nduke kugirunkannya ubutima bubwo bu vule kuvanyola.

Jeremia 20:7

O Yahova, wa ng'oonya, na inze nda goonyeka; ive u veye netsingulu kuvita inze, na u guuti: inze nda gwa kihenyahenye mbasu bei, sa mulala ya nkolerakihenyahenye.

Jeremia 20:9

Ni mbola, Si nda mu tala kandi, kandi si nda vola kandi ku lieta lilye, ma ga veye mu mwoyo gwange kuli umuliru gwaakanga gwa bofwa mu vigumba vyange, na nduhi kwekudzira si nyala kweyaya.

Jeremia 9:1

Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

Amosi 5:10

Va dunyira uyu u lungikidza mu kiribwa, na va vihirirangwa uyu uvolangamakuvagobulungi.

Vikolwa 20:20

kuli wa nda vula kuvaasa amakuva kumuvolera gosi aga nyala kumukonya, ni mmwegidza imbiri wavandu vosi, kandi inyumba nenyumba,

Vikolwa 20:27

Kigira si nda vaasa amakuva kumuvolera ubusaaviri bwosi bwa Nyasaye.

2 Vakorintho 1:12

Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

2 Vakorintho 2:17

Kigira kwinye si ku veye kuli avanyingi ava tsukannyi amakuva gandi mu makuva ga Nyasaye, navutswa ku veye kuli nageligali, imbiri wa Nyasaye, ku vola ku Kristo.

Yakobo 1:19

Avamitu avayanze, mu manya likuva yili. Navutswa mundu sa mulala a ve mwangu kuhulira, nomwihuliridzi ku livola, mwikudziri ku butima:

Yakobo 3:1

Mu ta va avegidzi vanyingi, avamitu, mu manya ku la nyola likalagirwa linene kuvita.