Jeremia 17:11 - KITABU KITAKATIFU

¹¹ Kuli inkwari i goneranga mabuyu amasiru nokuvula kwalula, ni ndiyo a veye uyu u nyola ubutugi, navutswa si bu veye ku bulungi; bu la mu leka hagati ha madiku gege, na mu kiheri kikye a la va umusiru.

Jeremia 17:11 ပူးပေါင်းရင်းမြစ်များ

Ayubu 20:21

Si kya tigala kindu kya ya vula kulia; Kigira yaga ligasidzwa lilye si li la hindira mba.

Zaburi 49:13

Inzira yavo yiyi i veye ubusiru bwavo: Navutswa inyima wavo avandu va bugirira livola lyavo. [Selaha

Zaburi 55:23

Navutswa ive, O Nyasaye, u la vikidza kuduka mbogo bwobwoneku: Avandu avekisahi na avagadi si va la hindira kuduka inusu ya madiku gavo; Navutswa inze nda suuvira ive

Tsing'ano 13:11

Ubutugi bwa nyoleka ne vya vutswa bu la gehidzwa; Navutswa uyu u vungidzanga neliyinzira a la medeka.

Tsing'ano 15:27

Uyu u kayirwa vyambeti vi ta veye vilungi a dambidza inyumba yeye mwene; Navutswa uyu u vihirirangwa nevikukula a la va mwoyo

Tsing'ano 21:6

Linyola lyobutugi bwolulimi lwobubehi Li veye lilumbe li hungudzangwa yiyi na yiyi na yavo avenyanga likudza.

Tsing'ano 23:5

U tumika tsimoni tsitsyo ku yiki ki ta li kindu, Kigira ligali ubutugi bwekolera tsimbaha, Kuli indidzu i bulukanga kutsia migulu.

Tsing'ano 28:16

Munene u geha limanya a veye mudambidzi ligali; Narutswa uyu u dunyiranga likayirwa a la kola madiku gege kuva manyingi.

Tsing'ano 28:20

Musuuvirifu a la va nobugasu bunyingi; Navutswa uyu u kola bwangu kunyola ubutugi si a la vula kukalagirwa.

Tsing'ano 28:22

Uyu u veye ne imoni indamano a kolanga bwangu kulonda ubutugi, Naye si a manya ubudaka bu la mu gwira.

Tsing'ano 28:8

Uyu u medznga ubutugi bwibwe ku vyambeti na limedeka li ta li lilungi, A bu vungidzanga bu ve bwa uyu u verereranga avadaka.

Jeremia 22:13

O bayaye ku uyu wombakanga inyumba yeye ku bu ta li bulungi, nevigodola vyenyumba yeye ku livuia kuva ubulungi; u tumekiranga ubutumiki bwowakye bugira kumuha madanyi gege, na si a mu tunga mitungu gyigye mba;

Jeremia 22:17

Navutswa tsimoni tsitsyo nomwoyo gugwo si u veye nekya wenyanga ni li ta li likayirwa lilyo lyeng'ine, nokutahidza masahi ga ta li nekindu kugo, nokudambidza, noku kirage, kukola vindu yivi.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Amosi 3:10

Kigira si va manya kukola bulahi, Yahova a vola yavo ava vikanga akiba yekirage nobwivi mu tsinyumba tsyavo tsyobwami.

Mika 2:9

Avakali va avandu vange mu va teye kyova kutwula mu tsinyumba tsyavo tsindahi; navana vavo vadoto mu va nyaga ubukumi bwange mihiga nemihiga.

Mika 7:3

Amakono gavo ga gumiye vyobudamano va duke kubukola netsingulu; munene a tevanga, nomukalagi yetegeki kuvugula vikukula; nomunene a volanga ubukyamu bwa a veye nabwo mmwoyo gwigwe: ni ndiyo va navanga vindu yivi.

Zefania 1:9

Kandi mu lidiku yilyo nda kalagira vosi ava sira mukingi, yavo avizulitsa inyumba yomwami wavo kirage nobugadi.

Zekaria 5:4

Nda ki leta, Yahova wa mahe a vola, na ki lingira mu inyumba yomwivi, nomu inyumba ya uyu wisuhanga ku lieta lyange nobubehi; na ki la menya hagati ha inyumba yeye, nokugisamba halala nemisala gyayo na magina gayo.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

Luka 12:20

Navutswa Nyasaye ya mu volera, Ive wobusiru, ubudiku yibu nu bwoku twulidza liva mwoyo lilyo; kandi vindu vya wa lomba vi la va vya bwaha?

1 Timoteo 6:9

Navutswa yavo ave nyanga kuva nobutugi va gwidzanga mu ligeridzwa nomu mitego, nomu likayirwa linyingi lyobusiru nelyo kwononnya, li hila avandu mu bukyamu nomu budivi.

Tito 1:11

ava ga dukiranga mi nwa gyavo gyi kunikwe; va veye ava i tung'aminyanga avetsinyumba vosi vegidzanga vindu vi ta dukana kigira vyambeti vidamano.

2 Petro 2:14

ava veye netsimoni tsyobuheyi ava ta nyala kwigaya ku bwoni; ava goonyanga myoyo gyiyagika; ava veye nomwoyo gwa nalidzwa mu likayirwa; avana vekikyeno;

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.