Jeremia 16:6 - KITABU KITAKATIFU

⁶ Vosi avanene na vakekeke va la kudza mu kivala yiki: va la vula kutebwa, kandi avandu si va la va syomera mba, kandi si va lekalagira yavo mba, kandi si va la vegera uluvego mba;

Jeremia 16:6 ပူးပေါင်းရင်းမြစ်များ

2 Kyetsinyinga 36:17

Kunangwa ya leta kuvo mwami wa Vakalidei, wiita vasoleli vavo nekivavi mu inyumba ya hatakatifu havo, na si va li nelivererera ku vaso leli avekiyai kinga avekikana; kinga ku mundu u duki, kinga musakulu: yavo vosi ya va vika mmukono gwigwe.

Isaya 22:12

Mu lidiku yilyo Yahova, Yahova wa mahe, ya langa li ve ho lilira, nelisyoma, nokuvegwa mitwe, nokwivika tsingubo tsyamagunia:

Isaya 24:2

Na ga la va, kuli ga veye ku avandu, ga la va ndiyo ku vasalisi; kuli ga veye ku mutugwa, ga la va ndiyo ku wamutuga; kuli ga veye ku mukana mutugwa, ga la va ndiyo ku wekikali wamutuga; kuli ga veye ku muguli, ga la va ndiyo ku mugulanyi; kuli ga veye ku uyu u hambidzanga kivete, ga la va ndiyo ku uyu u hambanga kivete; kuli ga veye ku uyu u vugulanga vyambeti, ga la va ndiyo ku uyu u mu hedzanga vyambeti.

Jeremia 13:13

Hene Yaho u la va volera, Yahova a vola ndi, Henza, avandu vosi ava menyanga mu kivala yiki, kali avami vikala nga ku intebe yobwami ya Daudi, navasalisi, navaprofeti, na vosi ava menya Yerusalemi, nda vizulitsa lihambika.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 41:5

avandu valala vadza kutwula Shekem nokutwula Shilo, nokutwula Samaria va duka avandu avasatsa makumi gatano na gavaka, navo va li ni va mali kuvega tsinderu tsyavo, nokutandula tsingubo tsyavo, navo va li ni va mali kwekalaga avene, va ginga mmakono gavo vihaanwa vyobusie nevimuli, vya va letanga ku inyumba ya Yahova.

Jeremia 47:5

Kyole ki duki ku Gaza; Ashikelon li mali ku kiring'anywa ligali, nelitigala lyelivona lyavo: u lekalaga ku duka inyinga ki?

Jeremia 48:37

Kigira mutwe sa mulala gu gwiye nekyole, na tsinderu tsyosi tsi vegeywi: ha veye netsimbala tsyokusalagwa mu makono gosi, nevikenge vyosi vi boheywi tsingubo tsyamagunia.

Jeremia 7:29

U vege lisu lilyo, O Yerusalemi, nokuli ta, mu tange lisyoma hadiguluku; kigira Yahova u suye nokuleka likula lyobutima bwibwe.

Jeremia 8:2

na va la vi vagala ku mbasu noku bwomweli, noku lihe lyosi iyomigulu, avanyasaye va va li ni va yanza, nokuvatumekira, nokuvalonda, nokuvenya, nokuvasi gamira: vi la vula kuvungidzwa, kandi vi la vula kutebwa, vi la va isina mmoni mwekivala.

Kyavalevi 19:27

Mu ta leka visuli vyoku mitwe gyenyu, kandi mu tononya tsisonga tsyetsinderu tsitsyo.

Kyavalevi 19:28

Mu ta salagira avakudzu mu inyama yombiri gwenyu, kandi mu ta sata tsisate ku mibiri gyenyu: inze mbeye Yahova.

Amosi 6:11

Kigira, henza, Yahova u haani lilaga, ku inyumba inene i la duywa i syavuke, nenyumba inkekeke i la duywa yadike.

Matayo 9:23

Yesu lwa ya duka mu inyumba yomunene, na a lola ava kupa visiliva, nekiduma ki kola liyoga,

Kwidzulitsa 14:1

Mwinye mu veye avana va Yahova Nyasaye wenyu: mu ta salaga mibiri gyenyu, kandi mu ta lomba kyavusu hagati hetsimoni tsyenyu kigira mukudzu.

Likunula 20:12

Kandi nda lola avakudzu, avanene navakekeke, va singiye imbiri wentebe; kandi vitabu vya kunulwa: kandi kitabu kindi kya kunulwa, ki veye kyelivamwoyo: kandi avakudzu va kalagirwa kuli vindu vya ng'odwa mu vitabu yivi, kuli miyinzi gyavo.

Likunula 6:15

Kandi avami velirova, navanene navanyampara, navatugi, navetsi ngulu, navatugwa vosi, nava luhya vosi, vivisa mu tsimbangaywa nomu magina gevigulu;