Jeremia 16:4 - KITABU KITAKATIFU

⁴ Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 16:4 ပူးပေါင်းရင်းမြစ်များ

2 Avami 9:10

Na tsimbwa tsi la liira Jezebeli mu kidieli kyomulimi kya Jezireeli na si a la va ho wokumuta. Na yigula muliango, ni yiruka.

Zaburi 78:64

Avasalisi vavo va gwa nekivavi; Na avakunzakali si va lira.

Zaburi 83:10

Ava diva ha Endoru, Ava gwa kuli amavululi ku lirova.

Isaya 18:6

Va la lekwa vosi halala ku amanyonyi malulu gomu vigulu, na tsinyama tsyelirova; na manyonyi malulu ga la lia kuvo inyinga yeki meyu, netsinyama tsyosi tsyelirova tsi la lia kuvo inyinga yobukindu.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Jeremia 19:7

Na nda kola makuva ga Yuda na Yerusalemi kuva vutswa hano; na nda va dividza nekivavi imbiri wa vasigu vavo, noku makono ga yava avenyanga livamwoyo lyavo: nemibiri mikudzu gyavo nda gyi haana gyi ve vyokulia vyamanyonyi gombwerefu, netsinyama tsindulu tsyekivala.

Jeremia 21:6

Na nda kuya ava menyanga mu lidala yili, avandu netsinyama: va la kudza nobulwaye ubunene.

Jeremia 25:33

Na aviitwa va Yahova lidiku yilyo, va la va ho kutwula ku luvega yilu lwelirova kuduka ku luvega lundi lwelirova: si va la syomirwa, kinga kuvungidzwa, kinga kutebwa; va la va kuli isina ku mmoni mwelirova.

Jeremia 34:17

Kigira yaga Yahova a vola: Mwinye si mu huliye inze mba, kulandidzanira makuva gelibohololwa, mundu sa mulala namwavo wewe, na sa mulala nowakye: henza, inze nandidzira mwinye amakuva gelibohololwa, Yahova a vola, li veye libohololwa lyekivavi, nobulwaye, nenzala; na nda kola mwinye ku sigiswa yiyi neyiyi mu bwami bwosi bwomu lirova.

Jeremia 34:20

inze nda va vika mmukono gwavasigu vavo, mu mukono gwa yavo avenyanga livamwoyo lyavo; na mibiri mikudzu gyavo gyi la va vyokulia vyamanyonyi gombwerefu, na vyetsinyama tsindulu tsyomu lirova.

Jeremia 36:30

Kigira yaga Yahova a vola ku makuva ga Jehoiakim mwami wa Yuda: Uyu si a la va nomundu wikala ku intebe yobwami ya Daudi: na mubiri mukudzu gwigwe gu la tebwa kyova ku uluya lwombasu, noku bukindu bwobudiku.

Jeremia 44:12

Na nda vugula avatigala va Yuda, ava henzidza mmoni mn avo va duke kwingira mu kivala kya Egepeti ku menva yo, na va la dividzwa vosi; va la gwa mu kivala kya Egepeti; va la dividzwa nekivavi, nenzala; va la kudza, kutwula ku mukekeke kuduka ku munene, nekivavi nenzala: na va la va lisufwa, neligenya, nelilaamwa, na linyega.

Jeremia 44:27

Henza, mbenzeridzanga kuvo mba letere ubudamano, si ga li kuvaletera ubulahi: navandu vosi va Yuda ava veye mu kivala kya Egepeti va la dividzwa nekivavi, nenzala, kuduka va heridzwe ligali.

Jeremia 7:33

Na mibiri mikudzu gyavandu yava gyi la va vyokulia vyamanyonyi agombwerefu, na tsinyama tsyomu lirova; na si ha la va nomundu wokuvikunga.

Jeremia 9:22

Vola, Yahova a vola ndi, Mibiri mikudzu gyavandu gyi la vunguluka kuli amandu mu malimiru, kandi kuli kikamata kya ng'alika inyima womugesi; si ha la va nomundu wokukivungidza halala.

Lisyoma lya Jeremia 4:9

Yavo aviitangwa nekivavi va veye bulahi kuvita avenzala yiitanga; Kigira va niaye, va tumitwa hagati, kigira lidaka lya makuyu gemilimi.

Ezekieli 24:21

U volere inyumba ya Israeli, Mwami Nyasaye a vola ndi: Henza, nda vika ubudamano hatakatifu hange, ubunene bwobunyali bwenyu, kitovole kyetsimoni tsyenyu, kyemyoyo gyenyu kya vererera; navana venyu avayai navakana ava mwa leka inyima va la gwa ku kivavi.

Ezekieli 5:12

Kidieli kikyo kyevivaka ki la kudza nobulwaye na va la heridzwa hagati hoho nenzala; nekidieli kyevivaka ki la gwa nekivavi ku tsimbega tsitsyo, neki dieli kyevivaka nda ki salannya ku tsimbuudza tsyosi, na nda somola kivavi ki va londe.

Zefania 1:17

Na nda leta lidambidza ku avandu, va luhe va gende kuli avaboku, kigira va koli ubwoni ku Yahova; masahi gavo ga la tahidzwa kuli lugukyi, netsinyama tsyemibiri gyavo kuli isina.

Kwidzulitsa 28:22

Yahova a la ku duya namagero, noluhudza, nokuhiya, noluya, nekivavi, neliniala, nobuguku; navyo vi la kukunga u luhe u dive.

Kwidzulitsa 28:26

Nomubiri mukudzu gugwo gu la va kyokulia kyamanyonyi gosi ago mbwerefu, netsinyama tsyosi tsyo mu lirova; na si ha la va nomundu wokuvigosa.