Jeremia 16:21 - KITABU KITAKATIFU

²¹ Kigira yaga, henza, nda va kola va manye, inyinga indala yiyi nda va mannya mukono gwange kuli gu veye, nobunyali bwange; navo va la manya lieta lyange li veye Yahova.

Jeremia 16:21 ပူးပေါင်းရင်းမြစ်များ

Zaburi 83:18

Va duke kumanya ive u veye weng'ine, welieta lilyo li veye Yahova, U Veye Weigulu Ligali ku lirova lyosi.

Zaburi 9:16

Yahova yelolekidzi mwene, a lombi likalaga: Mudamano u tegeywi mu likola lyamakono gege mwene. (Higaion. Selaha)

Kutwula 14:4

Na inze nda dinyiridza mwoyo gwa Farao, naye a la va londerera; na nda nyola liidzominywa ku Farao, noku lihe lilye; na Avaegepeti va la manya, inze mbeye Yahova. Na va kola ndiyo.

Kutwula 15:3

Yahova a veye mundu wobulwani Lieta lilye ni Yahova.

Kutwula 6:3

na nda loieka ku Abrahamu, ku Isaka, na ku Yakobo, na lieta Nyasaye Wanyala Vyosi; navutswa ku lieta lyange, Yahova, si nda manyekana kuvo.

Isaya 43:3

Kigira inze mbeye Yahova Nyasaye wowo, Mutakatifu wa Israeli, Muhonnyi wowo; mmali kuhaana Egepeti kuva umutungu gugwo, mbaani Ethiopia na Seba kigira ive.

Jeremia 33:2

Yahova u kolanga inkuva yiyi, uyu Yahova wa gi lomba, a duke kugidinyeridza; Yahova nilyo lieta lilye: a vola,

Ezekieli 24:24

Kunangwa Ezekieli a la va kilolekidzu ku mwinye; kuli vyosi vya ya koia mwinye mu la kola ndiyo: lwa inkuva yiyi i duka, hene yaho mu la manya inze mbeye Mwami Nyasaye.

Ezekieli 24:27

Ku lidiku yilyo munwa gugwo gu la kunulwa ku uyu wa hona, na ive u la vola, u la vula kuva idimbidi kandi: na ndiyo u la va kilolekidzu kuvo; na va la manya inze mbeye Yahova.

Ezekieli 25:14

Na nda vika kisalya kyange ku Edom nomukono gwavandu vange sraeli; na va la kola mu Edom kuli ubutima bwange nelivihirirwa lyange; na va la manya kisalya kyange, Mwami Nyasaye a vola.

Ezekieli 6:7

Na viitwa va la gwa hagati henyu, na mu la manya inze mbeye Yahova.

Amosi 5:8

mwenye uyu wa lombanga tsing'ering'ani tsya Pleiades na Orion, na ya girunkannya kiriri kyelikudza ki ve umugamba, nokukola mbasu kuva kisundi kyobudiku; u langanga amadzi genyanza, nokuga tsuka ku kivala (lieta lilye ni Yahova);