Jeremia 16:19 - KITABU KITAKATIFU

¹⁹ O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Jeremia 16:19 ပူးပေါင်းရင်းမြစ်များ

1 Avami 20:23

Ava tumekiri vomwami wa Siria va mu volera, Nyasaye wa yavo a veye munyasaye wevigulu; yiki ni kigira yavo va veye netsingulu kuvita kwinye: navutswa gendi ku lwanire navo mu kivala kyekireremu, ligali ku la va avetsingulu kuvita yavo.

Zaburi 18:3

Ndanira Yahova, u dukana kwi dzominywa: Na ndiyo nda honywa ku vasigu vange.

Zaburi 19:14

Makuva gomunwa gwange na tsiganagani tsyomwoyo gwange Tsi bugirirwe imbiri wowo, O Yahova, ulwanda lwange, na muhonnyi wange. Ku Munene

Zaburi 27:5

Kigira mu lidiku lyekivi, a la ninda makiriri mu lihema lilye: Mu king'odze kyelihema lilye a la nkinga; A la nsingeridza ku lwanda.

Zaburi 46:1

Nyasaye a veye kyo kwivisa mu kyetu, na tsingulu tsyetu, Mukonyi wa himbi ligali inyinga yekivi.

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:7

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 62:2

Uyu yeng'ine a veye lwanda lwange na lihonywa lyange: A reye impinga yange; si nda dendeya ligali.

Zaburi 62:7

Nyasaye a veye lihonywa lyange na ubukumi bwange: Lwanda lwetsingulu tsyange, na hokwivisa mu hange vi veye mu Nyasaye.

Zaburi 65:3

Makuva agobukyamu ga li netsingulu ku inze: Aga mahyolo getu, ive u la ga sameha.

Zaburi 68:31

Avanene va la twula Egepeti; Ethiopia nonoho va la nyira ma kono gavo ku Nyasaye.

Zaburi 86:9

Tsihiri tsyosi tsya wa lomba tsi la sigama imbiri wowo, O Mwami; Na va la kuminya lieta lilyo.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Isaya 25:4

Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.

Isaya 32:2

Na mundu a la va kuli hokwivisa ku mbuudza, na hoku kunika ku kihi; kuli migera gya madzi mu ahumu, kuli kiriri kyolwanda mu kivala kyeliluha.

Isaya 44:10

Ni bwaha wa lomba munyasaye, kinga wa longa kifwananyi ki ta konya kindu?

Isaya 44:20

Uyu a litsanga ligoke; mwoyo gwa gadwa gu mu girunkannyi haluvega; si a nyala kwehonnya mwene, kandi si nyala kuvola, Inze si mbeye nobubehi mmukono gwange mulungi?

Isaya 45:14

Yahova a vola yaga, Linyankana lyemiyinzi gya Egepeti, nevindu vyamaguli vya Ethiopia, na Vasabea, avandu va veye avatambi, va ladza ku ive, va la va avandu vovo: va la londa ive; va ladza ku ive neminyororo gyavo: va la gwa hasi imbiri wowo, va la ku saala, ni va vola, Ligali Nyasaye a veye hagati hoho; si ha veye nowundi, si ha veve na Nyasaye wundi.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 62:2

Na tsihiri tsi la lola ubulungi bubwo, navami vosi va la lola ubukumi bubwo: na u la gulikwa lieta lihya, lyomunwa gwa Yahova gu li gulika.

Jeremia 10:3

Kigira miima gyavandu ni gya vutswa: kigira mu lala a tema musala mu mulitu, gyi veye miyinzi gyamakono gomusidza nembadzi.

Jeremia 10:5

Vi veye kuli likindu, vyemiyinzi gyomulweyi, na si vi molomanga: ga vi dukira kugingwa, kigira si vi nyala kugenda vyene. Mu ta vi tia mba; kigira si vi nyala kukola ubudamano, kandi likola bulahi si li veye muvyo mba.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 14:8

O ive u veye kisuuviri kya Israeli Muhonnyi wewe inyinga yekivi, kigira ki ive u veye kuli mugeni mu kivala, kuli mundu u samulanga, yeveta a nyole hokugona ubudiku?

Jeremia 17:17

U ta va kyokutihidza ku inze: ive u veye kyokwivisa mu kyange ku lidiku lyobudamano.

Jeremia 2:11

Ihiri ya girunkannyaa avanyasaye vavo, ava ta veye avanyasaye? Navutswa ava ndu vange va girunkannya ubukumi bwavo ku kya vutswa.

Jeremia 2:8

Avasalisi si va teva, Yahova a veye haliha? Na va tumikiranga lilaga si va manya inze mba: avamehanga ve baala ku inze, navaprofeti va profeta na Baal, na va tsia kulonda vindu vi ta duka.

Jeremia 3:23

Ligali ubukonyi yibu nobwa vutswa bu henzangwa kutwula mu vigulu, muliviti gu veye mu vigulu: ligali ubukonyi bwa Israeli bu veye mu Yahova Nyasaye wetu.

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Ezekieli 11:16

Kigira yaga ive u vole, Mwami Nyasaye a vola ndi: Kali ni nda va twulidza ihale mu tsihiri, na kali ni nda va salannya mu vivala vindi, navutswa kandi nda va kuvo, hatakatifu inyinga inkekeke mu vivala vya va duka mu.

Joeli 3:16

Na Yahova a la huuma kutwula mu Zioni, na a la vola kutwula Yerusalemi, na ligulu na li rova li la degera: navutswa Yahova a la va ubuhaliru bwa avandu veve, na a la va lugaga lwa avana va Israeli.

Amosi 2:4

Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa.

Nahum 1:7

Yahova a veye mulahi, a veye impinga ku lidiku lyekivi; a manya yava ava suuvira kuye.

Habakuk 3:19

Yahova, Mwami, a veye tsingulu tsyange; A kola virenge vyange kuva kuli Direnye vyemboongo, Na a la ng'endidzira virenge vyange mu hadiguluku.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Varumi 1:25

kigira va kirannya ageligali ga Nyasaye ububehi, ni va sigamira nokutumekira kyalombwa mbugono bwa Umulombi, widzominyangwa mihiga nemihiga. Amini.

1 Petro 1:18

kigira mu manya mwa honnywa, si bwa li ku vindu vyonekanga kuli ifetha kinga ithahabu, kutwula ku limenya lyenyu lya vutswa lya mwa nyola ku vaguga venyu;

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.