Jeremia 16:17 - KITABU KITAKATIFU

¹⁷ Kigira tsimoni tsyange tsi lolanga tsinzira tsyavo tsyosi; si va visika mmoni mwange, kandi ubudamano bwavo si bu la visika imbiri wetsimoni tsyange.

Jeremia 16:17 ပူးပေါင်းရင်းမြစ်များ

2 Kyetsinyinga 16:9

Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

Ayubu 10:14

Ni nkola ubwoni, hene yaho u mbenzanga, Ive si u la sameha budamano bwange.

Ayubu 31:4

Si a lolanga tsinzira tsyange, Nokuvalidza tsinduvatiru tsyange tsyosi?

Zaburi 109:15

Va ve imbiri wa Yahova kazozo; A heridze lidzulitswa lyavo ku lirova;

Zaburi 139:3

Ive widera inzira yange na ligona lyange, U manya tsinzira tsyange tsyosi.

Zaburi 33:15

Uyu u longanga myoyo gyavo vosi, Na a manya miyinzi gyavo gyosi.

Zaburi 51:9

U vise mmoni mumwo mu ta henza ubwoni bwange, Na u twulidze vidamano vyange vyosi.

Zaburi 90:8

Ive u viki tsimbi tsyetu imbiri wowo, Ubwoni bwetu bu viseywi u viki mu bulavu bwommoni mumwo.

Tsing'ano 15:3

Tsimoni tsya Yahova tsi veye hosi, A lolanga madamano na malahi.

Tsing'ano 5:21

Kigira tsinzira tsyomundu tsi veye imbiri wetsimoni tsya Yahova; Naye a lungikidza tsinzira tsitsye tsyosi.

Isaya 29:15

Ubudamano bu ve kuvo avenyanga kuvisa makuva gavo ku Yahova mu luliva, nemiyinzi gyavo gyi veye mu kisundi, va volanga, Ni bwaha u ku lolanga? Ni bwaha u ku manya?

Isaya 66:18

Kigira manya miyinzi gyavo, netsiganagani tsyavo: inyinga yidzanga, ya nda vungidza halala tsihiri tsyosi, netsinimi tsyosi; navo va ladza, va la lola ubukumi bwange.

Jeremia 2:22

Kigira kali ni wesinga na magadi, nokwevugulira isabuni inyingi, navutswa ubudamano bubwo bwa ng'odwa imbiri wange, Mwami Nyasaye a vola.

Jeremia 23:24

Ku vosi mundu a nyahl kwivisa mbwivisi mbula kumulola? Yahova a vola. Si ndizula ligulu nelirova? Yahova a vola.

Jeremia 29:23

kigira va kola agobusiru mu Israeli, na va heya navakali va vakye vavo, na va vola makuva gobugadi mu lieta lyange, makuva ga nda vula kuvalaga; na inze mbeye uyu u manyanga, mbeye muloli Yahova a vola.

Jeremia 32:19

a veye munene wamakuva, nomunyali mu likola; wetsimoni tsitsye tsyakunuka ku tsinzira tsyosi tsyavana vavandu; kuha sa mulala kuli tsinzira tsitsye, kuli makuyu gelikola lilye:

Jeremia 7:11

Inyumba yiyi i langwa ku lieta lyange i gwiye luhangaywa lwa vanuuli mu tsimoni tsyenyu? Henza, inze, yee, inze ndoli inkuva yiyi, Yahova a vola.

Ezekieli 8:12

Nonoho ya mbolera, Ive mwana womundu, u lola yaga aga vakulundu venyumba ya Israeli va kolanga mu kisundi, sa mulala mu vigodola vivye vyevifwananyi? Kigira va vola, Yahova si a ku lolanga mba; Yahova wa leka kivala yiki.

Ezekieli 9:9

Hene yaho ya mbolera, Ubudamano bwenyumba ya Israeli no bwa Yuda bu veye bunene ligali, nekivala yiki kizuye amasahi, nelidala yili lizuye likyaminya likalaga: kigira va volanga, Yahova u leki kivala yiki, Yahova a lolanga mba.

Zefania 1:12

Na ga la duka inyinga yeyo, nda mulika mu Yerusalemi netsimulina nda kalagira avandu ava gunza ku amaseke, ava volanga mu myoyo gyavo, Yahova si a la kola bulahi, kandi si a la kola budamano.

Zekaria 4:10

Kigira ni bwaha u legi lidiku lyevindu vikekeke? Kigira va la sangala, na va la lola Zerubabeli na a veye neplum mmukono gwigwe; yivi vitano na viviri vi veye tsimoni tsya Yahova, tsi lola yiyi na yiyi mu lirova lyosi.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.