Jeremia 16:12 - KITABU KITAKATIFU

¹² Na mwinye mu koli budamano kuvita vaguga venyu; kigira mwinye, henzi, mu gendanga sa mulala kulonda bukyamu bwomwoyo gwigwe mudamano, kuduka mu vule kuhulira inze:

Jeremia 16:12 ပူးပေါင်းရင်းမြစ်များ

Litanga 6:5

Kandi Yahova ya lola ubudamano bwa avandu bwa li bunene ku lirova, kandi lisaavira lyosi na tsinganagani tsyomwoyo gwavo tsya li ubudamano bwere kazozo.

Litanga 8:21

Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

Kohelethu 8:12

Kali mwoni a kola ubu damano hali mia, nokumeda madiku gege kuva manyingi, navutswa inze manya ligali bu la va bulahi kuvo ava tidzanga Nyasaye, ava tidzanga imbiri wewe:

Kohelethu 9:3

Likuva yili li veye ubudamano mu gosi aga kolangwa isi weliuva, kindu kilala ki nyola vosi kuleng'ana: yee, kandi, mwoyo gwavana vavandu gwizula ubudamano, na ubulalu bu veye mu mwoyo gwavo inyinga va veye nelivamwoyo, na inyima wa yaga va tsia ku avakudzu.

Jeremia 13:10

Avandu vadamano yava, ava sula kuhulira makuva gange, ava gendanga mu bukyamu bwemyoyo gyavo, ava londa vanya saye vandi kuvatumekira, nokuva sigamira, va la va kuli musipi yigu, ugu ta veye kindu.

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Jeremia 18:12

Navutswa va vola, Si ha veye nelisuuvira, kigira kwinye ku la tsia kulonda tsiganagani tsyetu avene, na ku la kola sa mulala ku kwinye kuli ubukyamu bwomwoyo gwigwe mudamano.

Jeremia 22:28

Mundu uyu Konia a veye kiju kyokulegwa kyatannywa? A veye kiju si ha veye nowo kusangala nakyo? Kigira ki va sigiswa kyova uyu nekisukululwi kikye, nokusigiswa mu kivala kya va ta manya?

Jeremia 7:24

Navutswa si va hulira, kinga kutegidza amatu, navutswa va genda mu makuva gavo avene, na mu budinyu bwemyoyo gyavo midamano, na virana inyima, si va tsia imbiri mba.

Jeremia 7:26

navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Jeremia 9:14

navutswa va tsia imbiri ku lilonda ubukyamu bwe myoyo gyavo avene, nokulonda Va baal, kuli wa vaguga vavo va vegidza;

Lisyoma lya Jeremia 5:7

Avaguga vetu va kola ubwoni, na si va veye ho; Na kwinye ku gingi budamano bwavo.

Ezekieli 20:30

Kunangwa u volere inyumba ya Israeli, Mwami Nyasaye a vola: Mwivika mu bubi ku lilonda miima gya vadada venyu? Na mwekola avamalaya kuli kivihiri kyavo?

Amosi 2:4

Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa.

Malaki 3:7

Kutwula mmadiku ga vaguga venyu mu mali kugirunkana mu tsie haluvegan okuleka amalago gange, si mwa ga linda mba. Mwirane ku inze, na inze ndirana ku mwinye, Yahova wa mahe a vola. Navutswa mu vola, Kwirane ku ive ku makuva galiha?

Marko 7:21

Kigira vi twula mugati, mu mwoyo gwavandu, tsiganagani tsindamano, nokutsia mbakana, nokwiba, nokuluminda, nokuheya,

Kwidzulitsa 29:19

na ga veye, na a va na a hulira amakuva gevilaamo yivi, yegasidze mmwoyo gwigwe, a vole, Nda va nemirembe, kali ni ng'enda mu kirage kyomwoyo gwange, kumeda lihambika ku ubuluhu.

Kwidzulitsa 9:27

Widzulitse avatumekiri vovo, Abrahamu, Isaka, na Yakobo; u ta henza ubukyamu bwavandu yava, kinga ubudamano bwavo, kinga ubwoni bwavo,

2 Timoteo 3:13

Navutswa avandu avadamano navagadidzi va lisunda imbiri nokukira kuva vadamano, va gadanga, navo va gadangwa.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Vakalagi 2:19

Navutswa ga duka, lwa mukalagi uyu ya kudza, va girunkana kutsia inyima, na va kola ubugadi kuvita vaguga vavo, mu lilonda avanyasaye vandi kuvatumekira, nokuvinamira: si va leka likola lyavo, nenzira yavo yobudinyu bwomwoyo.

1 Samweli 15:23

Kigira ubutingu bu veye kuli ubwoni bwobulogi, nobudinyu bwomwoyo bu veye kuli kusigamira misambwa nevifwananyi. Kigira ive wa sula likuva lya Yahova, naye u suye ive u vule kuva mwami.