Jeremia 15:3 - KITABU KITAKATIFU

³ Nda laga kuvo tsing'ano tsine, Yahova a vola: kivavi kwiita, netsimbwa kutandula, na manyonyi gombwerefu, netsinyama tsindulu tsyekivala, kulia nokudividza.

Jeremia 15:3 ပူးပေါင်းရင်းမြစ်များ

Zaburi 68:23

Ive u duke kwina kirenge mu masahi, Tsinimi tsyetsimbwa tsitsyo tsi nyole tsyatsyo ku vasigu rovo.

Isaya 18:6

Va la lekwa vosi halala ku amanyonyi malulu gomu vigulu, na tsinyama tsyelirova; na manyonyi malulu ga la lia kuvo inyinga yeki meyu, netsinyama tsyosi tsyelirova tsi la lia kuvo inyinga yobukindu.

Jeremia 12:9

Miyandu gyange gyi gwiye ku inze kuli linyonyi lisalago li gumiranga inyama? Amanyonyi ga gumiranga inyama ga kupananga naye ku tsimbega tsitsye tsyosi? Mu tsie, mu vungidze tsinyama tsyosi tsyomwigendanyama, mu tsi lete tsi lie.

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Jeremia 14:16

Navandu yavo ava va vikanga kuvo ubuprofeti, va la tebwa ku mahasi ga Yerusalemi kigira inzala nekivavi; si va la va nomundu wokuvata yavo, navakali vavo, navana vavo vayai, navakana: kigira nda tsuka ubudamano bwavo kuvo.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 7:33

Na mibiri mikudzu gyavandu yava gyi la va vyokulia vyamanyonyi agombwerefu, na tsinyama tsyomu lirova; na si ha la va nomundu wokuvikunga.

Lisyoma lya Jeremia 3:11

U girunkannyi tsinzira tsyange, nokuntandulannya; na u nkoli kuva hatswa.

Ezekieli 14:21

Kigira Mwami Nyasaye a vola ndi: Ga la va kuvita kuli ndi lwa ndeta gokukalaga gange gane yaga bululu ku Yerusalemi, kivavi, nenzala, netsinyama tsindamano, nobulwaye, kuduka kutwulidza ku kivala avandu nemitugu

Ezekieli 33:27

U la va volera yaga, Mwami Nyasaye a volera mwinye ndi: Kuli inze mbeye mwoyo, ligali yavo ava veye aha lekwa kuva kyanyi, va la gwa ku kivavi, na uyu u veye mmulimi habulavu nda mu haana ku tsinyam? A duke kumirwa; na yavo ava veye mu tsimpinga nomu tsimbangaywa va la kudza kigira bulwaye.

Kyavalevi 26:16

inze kandi nda l mu kolera yaga: nda vika ku mwinye litihidza, kuli ubulwaye bwekiritu bunene na luhudza, vyokwononya tsimoni tsyenyu, nokung'ahidza mwovo gwenyu; mu la taga bugutsa bwenyu vutswa, kigira avasigu venyu va la bu lia.

Kyavalevi 26:22

Na nda tuma tsinyama tsyombulimu hagati henyu, na tsi la mu nyaga avana venyu, nokwononya mitugu gyenyu, na tsi la mu gehidza livalidza lyenyu li gehe; na tsinzira tsyenyu tsi la va tsinzere.

Kyavalevi 26:25

Na nda leta kivavi ku mwinye, ki li vanza kisalya kyelilagana; na mu la vuganywa halala mu madala genyu: na nda leta a lukudzo ludamano hagati henyu; na mwinye mu la vikwa mu mukono gwa avasigu venyu.

Amosi 5:19

Kuli mundu yiruka king'ang'a, na ya vugana na iduba; kinga yingira mu inyumba na a dira mukono kwidigi, na inzoka ya mu luma.

Kwidzulitsa 28:26

Nomubiri mukudzu gugwo gu la va kyokulia kyamanyonyi gosi ago mbwerefu, netsinyama tsyosi tsyo mu lirova; na si ha la va nomundu wokuvigosa.

Kwidzulitsa 32:24

Inzala i la va dambidza, namanda gomuliru ga la va lia Nelidividzwa lilulu; Na nda leta kuvo amino getsinyama, Halala nobusungu bwevindu vi molanga mmarova.

Likunula 6:8

Kandi nda lola, henza, iparasi idarinya: kandi uyu wikala kuyo, lieta lilye lya li Likudza; kandi Kihadisi kya mu londa. Kandi va hebwa tsingulu ku kidieli kilala ku vine vyelirova, viite nekivavi, nenzala, nelikudza, kandi netsinyama tsyomu mulitu tsyelirova.