Jeremia 15:13 - KITABU KITAKATIFU

¹³ Ubutugi bubwo na akiba yoyo nda vi haana vi ve vilanye bugira kutungwa, ga veye kigira ubwoni bwavo bwosi, kali mu tsinzako tsyavo tsyosi.

Jeremia 15:13 ပူးပေါင်းရင်းမြစ်များ

Zaburi 44:12

U gulidza avandu vovo bugira kunyola kindu, Si u medeki ubutugi bubwo ku kya wa va gulidza.

Isaya 52:3

Kigira Yahova a vola ndi, Mwinye mwa gulidzwa vutswa; na mu la tungirwa bugira ifetha.

Isaya 52:5

Kunangwa kalunu, nkola ki hano, Yahova a vola, kigira avandu vange va hilangwa vutswa bugira ubuguli? Avamehanga kuvo va ha nzuka, Yahova a vola, lieta lyange li nyegangwa kazozo mbasu bei.

Jeremia 15:8

Avakunzakaii vavo va medeki ku inze kuvita muyeke gwomu inyanza; ndeti kuvo umulanyi, ku mama wavasoleli, inyinga yo mbasu hagati: ndeti ubululu nevyokutihidza kugwa kuye nonoho.

Jeremia 17:3

O kigulu kyange kyomuiimi, nda haana ubutugi bubwo na akiba yoyo yosi vi ve vilanye na hadiguluku hoho kigira ubwoni mu tsinzako tsitsyo tsyosi.

Jeremia 20:5

Kuvita yaga nda haana ubutugi bwosi bwelidala yili, nevyambeti vyalyo vyosi, nevindu vyalyo vyosi vyobuguli budinyu, yee, tsikiba tsyosi tsya avami va Yuda nda ha avasigu vavo mmakono gavo; yavo ava li va lanya, nokuvavugula, nokuvahila va tsia navo Babuloni.

Ezekieli 38:13

Sheba, na Dedan, na vakiranyi va Tarshishi, halala neving'ang'a vivye visoleli vyosi, va la ku teva, Ive uudzi kuvugula vilanye? U vungidzi lihe lilyo kuvugula vyokuhima? Kuvugula ifetha nethahabu u tsie navyo, kuvugula tsing'ombe neviju u tsie navyo, kuvugula vilanye vinene?

Zefania 1:13

Nobutugi bwavo bu la va vilanye, netsinyumba tsyavo tsi la va hatswa: yee, va lombaka tsinyumba navutswa si va la menya mutsyo mba; va la simika mizabibu, navutswa si va la nwa iwaini yagyo mba.