Jeremia 14:3 - KITABU KITAKATIFU

³ Avanene veve va tumi avake vavo va dahe madzi: va duka mu madavalia, na si va nyola madzi mba; virana neviju vyavo vikaya: va veye isoni, nokugenya nokukunika mitwe gyavo.

Jeremia 14:3 ပူးပေါင်းရင်းမြစ်များ

2 Samweli 15:30

Na Daudi yanegira ku kyanegiru kyekigulu kya Mizeituni, na ya lira lwa yanegiranga: na ya kunikwa mutwe, na a genda nevirenge vyere: navandu vosi ava li halala naye va kunikwa sa mulala mutwe gwi gwe, navo va lira lwa vanegiranga.

2 Samweli 19:4

Nomwami ya kunika mumoni mwimwe, nomwami ya lira mwoyo munene, O mwana wange Abisalom, O Abisalom, mwana wange, mwana wange

1 Avami 17:7

Na lwenyima, mugera yigwo gwa kama, kigira imbula ya vula kukupa mkivala.

2 Avami 18:31

Mu ta hulira Hezekia mba: kigira mwami wa Asuria a vola, Mu manyane ninze, na mu twule mudze ku inze; na mu lie sa mulala mazabibu gege, na sa mulala makuya gege, na mu nwe sa mulala amadzi gesiyongo yeye;

Esther 6:12

Na Morde kai yirana ku kiribwa kyomwami. Navutswa Haman ya bia yengo wewe bwangu nokuvererera, na a kunika mutwe gwigwe.

Ayubu 6:20

Va nyola tsisoni kigira va li ni va suuviye; Vadza ho, ni va genya.

Zaburi 109:29

Avasigu vange va vikwe lilegwa kuli ingubo, Na vekunike avene netsisoni tsyavo kuli ingubo.

Zaburi 40:14

Va vikwe mu tsisoni, na va leganywe halala; Avenyanga mwoyo gwange kugudividza: Na viranywe inyima, na va legwe Ava sangala ku lidambidzwa lyange.

Jeremia 14:4

Kigira kivala kyadika, kigira imbula si i kupanga mkivala yikyo, avalimi va ve isoni va kunika mitwe gyavo.

Jeremia 15:18

Kigira ki lisalira lyange li tsitsagil'langa madiku gosi, nolugoma lwange, kigira ki si lu nyala kuhonywa, lwa sula kuhonywa? Iigali ive u la va ku inze kuli kisenukiru kyamadzi ki gadanga, kuli amadzi ga kamanga?

Jeremia 2:13

Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

Jeremia 2:37

Kutwula ku uyu u la twula, na u viki makono gogo ku mutwe gugwo: kigira Yahova wambakani yavo wa u suuvira kuvo, na ive si u la gasidzwa navo.

Jeremia 20:11

Navutswa Yahova a veye halala ninze kuli wetsingulu wokutihidza: kigira yaga ava dambidzanga inze va lekigitala, navo va la vula kunguuta; va la va isoni ligali, kigira si va kola nobugeeri kali kwegugunnya mihiga nemihiga gi vula kwivirirwa.

Jeremia 3:3

Kigira yaga ulunyirira lwembula lu gaywi, nembula yitodzo i vule kukupa; navutswa wa li nobweni bwowamalaya, wa sula kuva netsisoni.

Lisyoma lya Jeremia 4:4

Lulimi lwendanya i nunanga lu handirani mu kikalakula kigira ubuluhu: Avana vadoto va saavanga ubukima, na si ha veye nomundu u va megeranga.

Hosea 2:3

gase nda mu navula a ve kyahonyo, na nda mu vika kuli mmadiku ga yivulwa, na nda mu kola kuli kyangalangwi, nokumuvika kuli kivala kyumu, nokumwiita nobuluhu.

Joeli 1:20

Yee, tsinyama tsyomwigendanyama tsi heerana ku ive; kigira migera gya amadzi gyi kami, no muliru gu sambi vyaviru vyomwigendanyama.

Amosi 4:7

Kandi mmali kugaya imbula i ta kupa ku mwinye, lwa imyeli gyi tigaye gyivaka kuduka ligesa; na mmala kuleta imbula ku lidala lilala, nokugaya imbula i vule kukupa ku lidala lindi; kidieli kilala imbula ya kupa ku, na kidieli kya ya vula kukupa ku kya niala.

Amosi 4:8

Kunangwa madala gaviri kinga gavaka ga tsia mu ligendagenda kutsia ku lidala lilala va duke kunwa amadzi, na si ga va duka mba: navutswa si mu galuki ku inze, Yahova a vola.

Zekaria 14:17

Kandi ga la duka ku vosi ku bwiko bwosi ubu veye mu lirova u vula kwanegira Yerusalemi kusigamira Mwami uyu, Yahova wa mahe, imbula si i la kupa kuvo mba.